"Універсальны салдат" выклаў відэаролік з "Лініі Сталіна"

© Sputnik / Илья Питалев / Перайсці ў медыябанкАмерыканскі кінаакцёр Дольф Лундгрэн
Амерыканскі кінаакцёр Дольф Лундгрэн - Sputnik Беларусь
Падпісацца
Дольф Лундгрэн падчас рэканструкцыі бітвы Другой Сусветнай прымерыў ваенную форму і пракаціўся на савецкім танку КВ-1.

МІНСК, 12 сне — Sputnik. Папулярны амерыканскі кінаакцёр і прадзюсар Дольф Лундгрэн, які прыляцеў напярэдадні ў Мінск, выклаў у Instagram кароткае відэа з "Лініі Сталіна".

Стывен Сігал наведаў Wargaming - Sputnik Беларусь
Стывен Сігал наведаў офіс кампаніі Wargaming

Лундгрэн прыехаў у Мінск па запрашэнні кампаніі Wargaming і прыняў удзел у шэрагу мерапрыемстваў. Таксама акцёр пабываў у гісторыка-культурным комплексе "Лінія Сталіна", дзе пракаціўся на танку "Клім Варашылаў" і прыняў удзел у рэканструкцыі бітвы часоў Другой Сусветнай.

"Аднаўленне бітвы ў Мінску", — падпісаў сваё відэа Лундгрэн, разам з рэканструктарамі апрануўшы ваенную форму.

Лундгрэн стаў папулярным пасля выхаду ў 1985 годзе фільма "Рокі", дзе акцёр выканаў ролю рускага баксёра Івана Драга. Таксама вядомыя фільмы з яго ўдзелам — "Універсальны салдат", "Карнік", "Нястрымныя" і іншыя. У 2004 годзе Лундгрэн паспрабаваў сябе ў якасці рэжысёра, зняўшы фільм "Абаронца".

Мінск апошнім часам становіцца папулярным у вядомых замежных артыстаў. У жніўні бягучага года ў сталіцы пабываў амерыканскі акцёр і майстар баявых мастацтваў Стывен Сігал, а ў мінулым годзе Беларусь наведаў французскі акцёр Жэрар Дэпардзье.

Стужка навiн
0