МІНСК, 16 чэр — Sputnik. Прэзідэнт Беларусі Аляксандр Лукашэнка распавёў, як любіць адпачываць — ён не любіць загараць на пляжы.
Кіраўнік дзяржавы ў пятніцу наведвае Гомельскую вобласць — Палескі дзяржаўны радыяцыйна-экалагічны запаведнік.
"Адпачынак — гэта змена становішча і роду заняткаў. Калі сёння гуляеш у хакей, заўтра рубишь дровы, а паслязаўтра косіш траву, бегаеш на лыжаролерах і гэтак далей, гэта і ёсць адпачынак для мяне", — цытуе БелТА словы Лукашэнкі.
Прэзідэнт таксама адзначыў, што цярпець не можа загараць, лежачы на пляжы. Такі адпачынак, са слоў Лукашэнкі, для яго непрымальны.
Кіраўнік дзяржавы таксама выказаўся наконт лета: ён не любіць цёплае надвор'е. "Наогул цярпець не магу", — сказаў прэзідэнт.
Пры гэтым ён канстатаваў, што пытанне адпачынку ў кіраўніка дзяржавы ўпіраецца ў канстытуцыю, паколькі віцэ-прэзідэнта ў Беларусі няма і паўнамоцтвы перадаць няма каму.
Са слоў Лукашэнкі, адпачынак не павінен быць абавязкова звязаны з паездкамі ў цёплыя краіны да мора.
