Дзед Мароз з Вялікага Усцюга

Дзед Мароз не будзе выпускаць крыптавалюту: шышкі надзейней

62
(абноўлена 11:32 05.12.2017)
Дзед Мароз з Вялікага Усцюга заявіў, што з крыптавалютай спяшацца не стане - шышкі ў лесе ўсё ж надзейней за біткоіны.

МІНСК, 5 сне — Sputnik. Шышкі ў лесе надзейней за біткоіны, заявіў Дзед Мароз з расійскага Вялікага Усцюга ў адказ на інфармацыю аб тым, што казачны персанаж разважае над выпускам уласнай валюты "дзядулькі".

Напярэдадні з'явілася інфармацыя, што Дзед Мароз заявіў журналістам, што разважае, па радзе сяброў, над выпускам крыптавалюты, а для ацяплення сваёй рэзідэнцыі ў Вялікім Усцюгу хоча ўсталяваць майнінг-ферму.

"Чуткамі зямля поўніцца. Што толькі пра мяне не гавораць. Вядома ж не, падманваюць. У мяне свая валюта ў шышках. Думаю, калі вы будзеце зарплату атрымліваць у шышках, толькі пацешыцеся", — цытуе Дзеда Мароза РІА "Новости".

Адказваючы на пытанне пра тое, як ён ставіцца да біткоінаў, Дзед Мароз заявіў, што "калі людзі гэтым карыстаюцца, ім падабаецца, чаму б і не".

Дзед Мароз з запаведных лясоў Вялікага Усцюга падарожнічае па Расіі. У кожным горадзе ён наведвае сацыяльныя ўстановы, бальніцы, шматдзетныя і малазабяспечаныя сем'і, а таксама запальвае галоўныя гарадскія навагоднія елкі. Падарожжа пачалося 1 лістапада ва Уладзівастоку і завершыцца 30 снежня ў Маскве.

62
Тэги:
биткоин, криптовалюта, Новы год 2018, Дзед Мароз, Вялікі Усцюг, Расія
Тэмы:
Новы год – 2018 (27)
По теме
Эксперты: Беларусь можа стаць сусветным лідарам блокчэйна
Драбышэўскі: беларуская крыптавалюта ўмацуе эканоміку
Дзялягін: крыптавалюты - выдатны спекулятыўны інструмент
Вуж

Карона Змяінага цара і цмок-спакуснік: паданні на Змяінае свята

320
(абноўлена 12:18 25.09.2020)
У даўніну людзі верылі што 27 верасня змеі збіраюцца і разам сыходзяць у зімовую спячку, у сувязі з гэтым у лес імкнуліся не хадзіць.

Па народных паданнях, 27 верасня паўзуноў надзвычай шмат - яны збіраюцца разам, каб запаўзці глыбока ў лес і там легчы ў спячку. Людзі імкнуліся не хадзіць у лес або поле, таму што лічылася: калі змяя ўкусіць у гэты дзень, ніякія лекі не дапамогуць.

Асабліва сцерагліся гадзюк. Насамрэч, шмат дзе на беларускіх землях усіх паўзуноў называлі "вужамі", але калі сапраўдны вуж – істота бяскрыўдная і нават карысная, яд гадзюкі здольны забіць, таму іх знішчалі, а каб пазбегнуць укуса, перад тым, як ісці ў месцы, дзе водзяцца змеі, чыталі загавар. 

Вуж-дамавік аберагаў ад бяды

На беларускіх землях вужы здаўна лічыліся апекунамі дома і дамашніх жывёл. Ім пакідалі малако і ніколі не крыўдзілі, таму што верылі: такі жылец можа папярэдзіць пра няшчасце і нават дапамагчы знайсці скарб.

У хаце вуж жыў звычайна пад печчу. Раней, калі дзяцей саджалі снедаць на падлогу, ён мог выпаўзаць і есці з імі з адной міскі. Малыя гулялі з ім і вуж ніколі іх не крыўдзіў.

Жылі вужы і ў хляве, дзе нават маглі піць малако прама з каровінага вымя. Іх ні ў якім разе не праганялі, таму што па-перше, яны знішчалі грызуноў, якія маглі пераносіць хваробы, а па-другое, лічылася, што калі пазбавіць карову такога "сябра", у яе можа знікнуць малако.

Сыход вужа з хаты з'яўляўся перасцярогай гаспадарам пра нейкую бяду. Напрыклад, неўзабаве ў доме мог здарыцца пажар, або ў яго магла трапіць маланка.

Вужыны кароль, яго дачкі і чароўныя скарбы

Па легендах, вуж таксама мог дапамагчы гаспадару знайсці скарб. У некаторых мясцінах, калі дамашні вуж паміраў, з яго тлушчу рабілі свечку. Людзі верылі, што калі яе запаліць, з'явіцца цэлае змяінае войска на чале з Вужыным каралём, які пакажа, дзе схаваны скарб.

Калі Вужынага караля давадзілася сустрэць недзе ў лесе або полі, трэба было пакласці перад ім рушнік. Тады ён нібыта запаўзе на яго і пакіне сваю залатую карону. Але часта караля суправаджала яго світа, і вось гэтыя змеі зусім не былі бяспечнымі, таму тым, хто шукае клады, раілі насіць з сабой ясеневы кій – нібыта калі ўдарыць ім па клубку змей, яны разпаўзуцца, пакінуўшы свайго караля.

Нямала паданняў існуе і пра прыгожых дачок Змяінага цара – вужалак. Яны нібыта да паловы мелі выгляд прыгожых дзяўчын з доўгімі валасамі, а замест ног у іх быў хвост. Вужалкі любілі залатыя ўпрыгожваллі, а вось вопраткі не насілі ніякай. Да чалавечых дамоў вужалкі не набліжаліся, жылі глыбока ў лесе, каля вадаёмаў. Самі дачкі Вужынага цара не робяць чалавеку ніякай шкоды, але там, дзе яны жывуць, шмат змей. Лічылася, што калі чалавек знойдзе ўпрыгожванне вужалкі, яму больш не страшныя змяіныя ўкусы.

Жоўтыя плямы на галаве вужа - нібы завушніцы
© CC0 / Pixabay / JarkkoManty
Па легендзе, Вужалкі маглі ператварацца ў змей, а жоўтыя плямачкі па баках галавы нагадваюць залатыя завушніцы

Змей-волат і цмок-спакуснік

Існуюць на беларускіх землях паданні і пра велізарных змей, велічынёй з дом і нават больш. Па адной легендзе, у даўніну асілак змог перамагчы такога змея, парубіў яго на тры часткі і пахаваў іх асобна – так утварыліся вялікія курганы. Па іншай, людзі здолелі злавіць змея, але не забіць яго, і тады вырашылі закапаць вялізную пачвару. Але кожную раніцу яны знаходзілі зямлю раскіданай. І тады адзін чалавек узяў чорнага пеўня, запраг яго ў стары лапаць і ў ім прывёз да звязанага змея зямлі. Тры разы хадзіў ён так, і больш зямля са змея не асыпалася.

У адрозненні ад велізарнага змея (на вобраз якога, несумненна, аказала ўплыз хрысціянскае паданне пра змаганне святога Георгія з драконам), лятучы змей, цмок, мог пераўтварацца ў чалавека. Паўставаў ён звычайна ў абліччы барадатага мужчыны або прыгожага хлопца. Калі дзяўчына закахалася ў такога, яна неўзабаве памірала.

У абліччы змея цмока ўяўлялі велізарным, памерам з дом, да таго ж, у яго магло быць шмат галоў – некаторыя легенды налічвалі да 12.

Свайму гаспадару цмок прыносіў багацце, але гэтыя грошы лічыліся нешчаслівымі. Часта цмок увогуле асацыюецца з вобразам чорта або Люцыфера, які ненавідзіць усе божыя стварэнні. Падчас навальніцы цмок хаваецца ў дупле старога дуба, таму маланка святога Пятра часцей за ўсё трапляе менавіта ў гэта дрэва.

320
Тэги:
Традыцыі і абрады, змяя
Тэмы:
Спадчына: традыцыі і вераванні нашых продкаў
Лес, архіўнае фота

Святкуем узвіжанне і гатуем пачастунак для Вужынага Цара

13
(абноўлена 12:37 25.09.2020)
Этнограф Ларыса Мятлеўская распавядае пра сённяшняе містычнае свята і вучыць гатаваць калдуны.

27 верасня адзначаецца адно са значных хрысціянскіх святаў у гонар Крыжа, які сімвалізаваў сабой выратаванне роду чалавечага. Ушаноўваючы яго ў гэты дзень вяскоўцы ставілі крыжы на ростанях.

Свята Уздзвіжанне Крыжа Гасподня ў Народным календары пазначана як Здзвіжанне, Уздзвіжанне, Звіжанне, Часнэйка і мае глыбокія старажытныя карані. Лічылася, што гэта свята "закрывання" зямлі на зіму. Згодна з народнымі ўяўленнямі, замыкаюць яе птушкі, якія, адлятаючы ў вырай, забіраюць з сабой ключы на неба. Аб гэтых падзеях нашы продкі казалі: "Уздвіжанне лета замыкае, ключык шызая галачка за мора панесла". Падчас гукання вясны гэтыя ключы просяць вярнуць з неба святога Георгія, каб адамкнуць зямлю і выпусціць цёплае лета.

У народных уяўленнях у прыродзе ўсё прыходзіць у рух або "здзвігаецца". Гэтым тлумачацца і назвы свята. Адна з іх – Здзвіжанне звязана з назіраннямі за сонцам, якое ў час блізкі да восеньскага раўнадзенства быццам рухаецца, купаецца, пераліваецца ўсімі колерамі вясёлкі, "іграе і дрыжыць", "грае, здзвігаецца". Такую з’яву можна назіраць толькі на Дабравешчанне, Вялікдзень і Купалле.

Іншае тлумачэнне – у прыбіранні рэшткаў ураджаю з палеткаў, у прадчуванні блізкіх прымаразкаў: "Усё ў хату ўздзвігаецца, каб мароз не пабіў".

Яшчэ адна назва – Дзвіжанне, звязана са змеямі, якія быццам бы менавіта ў гэты дзень пачынаюць выпаўзаць з нораў, каб рушыць на зімовы сон да вясны: "Дзвіжанне – гадзюкі здвігаюцца ў кучу".

З даўніх часоў вужам пакланяліся як істотам, ад якіх залежала пладароддзе зямлі, а значыць і само жыццё. Беларусы ў вужах бачылі пасланцоў добрых багоў. Яны нібыта прыйшлі на зямлю з нябёс. Да іх звярталіся з малітвамі аб хуткім дажджы, добрым ураджаі, а таксама з просьбамі аб прыватным шчасці.

Уздзвіжанне – чароўны дзень, у які, згодна з легендамі, можна было паспрабаваць здабыць для сябе звышнатуральныя здольнасці, атрымаўшы залатую карону або ражок з яе ад Вужынага Цара. Чалавек, у якога гэта атрымлівалася, з падобным дарункам станавіўся відушчым, мог угадваць чужыя думкі, надзяляўся моцным здароўем, незвычайнай мудрасцю, шчасцем і багаццем. Яму станавіліся бачны ўсе схаваныя скарбы, а таксама ён быццам бы мог здымаць усе замкі і засаўкі. Чалавека, які хацеў здабыць карону Вужынага Цара, чакалі сур’ёзныя выпрабаванні, якія патрабавалі кемлівасці, пачцівасці і вытрымкі. Трэба было, прыхапіўшы з сабой чысты рушнік і хлеб-соль, адважыцца ісці ў лес тады, калі гэта было вельмі небяспечна, нарэшце сустрэцца ў непралазных лясных нетрах з жахлівай вужынай працэсіяй, каб прапанаваць Вужынаму Цару пачастунак і чакаць, калі той скіне сваю карону ці хаця б ражок з яе.

Тыя, хто ў лес ісці не хоча, можа проста якую-небудзь смачную страву і ўявіць, што да яго ў госці прыедзе Вужыны Цар.

Булён з калдунамі

Інгрыдыенты:

для булёна:

  • 250 г мяса ялавічыны
  • 250 г мяса свініны
  • 1 цыбуліна
  • 1 морква
  • 1 корань пятрушкі
  • Соль
  • Лаўровы ліст

Для калдуноў:

  • 1,5 шклянкі мукі
  • 500 г мяса (мякаць)
  • 1 яйка
  • 1 цыбуліна
  • Соль
  • Перац

Як гатаваць:

Зварыць мясны булён, дадаўшы карэнне і цыбулю. Каб булён быў празрысты, трэба варыць яго на слабым агні і напрацягу гатавання, некалькі разоў падліваць па чвэрці шклянкі халоднай вады, у канцы варкі пасаліць, укласці лаўровы ліст. Гатовы булён працадзіць.

Мяса разам з цыбуляй двойчы прапусціць праз мясарубку, уліць трошкі вады або булёну, дадаць молаты перац, соль, старанна перамяшаць.

З прасеянай мукі, яйка, солі і вады замясіць крутое цеста, тонка раскачаць яго. Выразаць кубачкам кружкі, пакласці на сярэдзіну кожнага фарш, краі зашчыпаць.

Падрыхтаваныя калдуны на некалькі секунд апусціць у кіпень, затым перакласці ў булён і варыць на слабым агні 6-8 хвілін.

13
Тэги:
Узвіжанне, беларуская кухня, Ларыса Мятлеўская
Пасол Расіі ў Беларусі Дзмітрый Мезенцаў

Расійскі пасол пракаментаваў газавыя спрэчкі з Беларуссю

0
(абноўлена 09:13 28.09.2020)
На думку Дзмітрыя Мезенцава, абедзве дзяржавы прайшлі экзамен на сяброўства і пераканалі навакольных у тым, што яны разам.

МІНСК, 28 вер - Sputnik. Расійскі пасолр Дзмітрый Мезенцаў пракаментаваў газавыя і "малочныя" спрэчкі з Беларуссю.

Інтэрв'ю дыпламата паказалі ў эфіры тэлеканала СТБ у нядзелю.

"Было не раз няёмка і крыўдна чуць, што то 100 бутэлек кефіру знятыя з дэгустацыі на выставе "Аграпрам Расіі", то нейкія абмежаванні якія, калі абгрунтавана, таксама трэба гэта прызнаваць, калі па інэрцыі ўставалі на шляху сельгаспрадукцыі з Беларусі", - сказаў пасол.

"Калі нашы нафтавыя і газавыя спрэчкі ў кагосьці ў некаторых кабінетах, у некаторых аўдыторыях маглі нарадзіць сумневы ў стратэгіі нашых адносін, у славянскім брацтве, у той дружбе, у мільёнах сувязяў паміж грамадзянамі дзвюх краін", - дадаў Мезенцаў.

Пасол дадаў, што абедзве дзяржавы прайшлі экзамен на адносіны і сяброўства. На яго думку, ён "выразна ўсіх пераконвае, што Расія і Беларусь разам".

Падзеі ў Беларусі

Пасол заявіў, што Расія мае намер падтрымліваць беларускі народ.

Падчас інтэрв'ю пасол падзяліўся сваімі ўспамінамі пра развал СССР.

"Мы перажылі гібель вялікай краіны. Я ўспамінаю 89, 90, 91 год і нават 93-і, калі сотні тысяч людзей выходзілі на плошчы. Сапраўды, яны хацелі быць пачутымі, сапраўды, яны хацелі, каб краіна была мацнейшай, больш адкрытай і, напэўна, больш свабоднай, як камусьці здавалася. Але платай за гэта аказалася страта вядучы пазіцый СССР, страта паловы тэрыторый і амаль паловы насельніцтва", - заявіў Дзмітрый Мезенцаў.

"Ці варта гэтым прыкладам не скарыстацца, каб ацаніць тыя пагрозы, якія фармуюцца, у тым ліку, з-за мяжы, Telegram-каналамі, адрасуючы да тых маладых людзей, якія не ведаюць адзінай айчыны. Але ў гэтым іх немагчыма вінаваціць, яны выраслі у іншы час", - дадаў ён.

Таксама Дзмітрый Мезенцаў пракаментаваў заявы замежных паслоў з нагоды падзеяў у Беларусі. На яго думку, кожны дыпламат павінен сябе паводзіць такім чынам, каб не ўмешвацца ва ўнутраныя справы суверэннай дзяржавы.

"Фармат тых заяў, якія прагучалі з шэрагу сталіц еўрапейскіх дзяржаў, у тым ліку са сталіцы Еўрасаюза, на мой погляд, - гэта прыклад нядобрасумленнага стаўлення, парушэння практыкі партнёрскіх адносін і безумоўнага ўмяшання ва ўнутраныя справы краіны, спроба даваць тыя ацэнкі, якія суверэнная дзяржава не заслугоўвае", - сказаў расійскі пасол.

Роўмінг і мяжа

Пасол адзначыў, што пакуль транспартныя зносіны паміж Расіяй і Беларуссю застаюцца абмежаваным з-за сітуацыі з каронавірусам.

"Мы з вамі не можам не адчуваць рэаліі, якія фарміруюць, пра што нас інфармуе Міністэрства аховы здароўя і служба дзяржаўных санітарных урачоў Расіі і Беларусі. Мы бачым, што відавочна ідзе павелічэнне колькасці захворванняў. у шэрагу рэгіёнаў Еўропы ўжо ідзе другі этап захворвання. COVID не адступіў. І ў гэтым плане клопат пра бяспеку людзей, пра іх здароўе, аб іх жыццях, напэўна, на першым плане. А наш камфорт паніжаны сёння. Можа быць, не вельмі прыемна, што мы не заўсёды можам падняцца, паехаць у Маскву, у Пецярбург, у Бранск або Пскоў, як і наадварот. Але давайце пацерпім. Тым больш што самалёты ўжо сталі лётаць: два рэйса "Аэрафлота", два рэйсы "Белавія". Верым, што будзе пашырэнне. Паверце , усе кіраўнікі - закладнікі думкі, у самым шырокім сэнсе слова (і правільна паступаюць) меркавання санітарных урачоў", - сказаў Мезенцаў.

Каментуючы роўмінг, пасол паведаміў, што 29 верасня расійскі і беларускі бок у чарговы раз абмяркуюць усе нюансы гэтага пытання.

"Пытанне, якое ўчора, можа быць, так востра не стаяла - гэта забеспячэнне бяспекі тэлефоннай сувязі. Тым больш мы бачым прыклады кібератакі. І ў гэтым плане абрынуць сістэму ў рамках увядзення адзінага роўмінгу ніхто не дазволіць, і мы на гэта права не маем. Таму давайце дазволім зараз прафесіяналам з двух профільных міністэрстваў яшчэ раз усё ўзважыць. Палітычная воля пазначаная. (...) Пытанне аб роўмінгу набліжана было настолькі, наколькі было магчыма. Мы чакалі, што гэты год будзе менавіта годам вырашэння гэтага пытання. Веру, спадзяюся , што як мага хутчэй міністэрствы, зацікаўленыя бакі, аператары, у тым ліку і замежныя, якія працуюць (не толькі расійскія) на тэрыторыі Беларусі, зробяць крокі насустрач людзям", - рэзюмаваў дыпламат.

0
Тэги:
Дзмітрый Мезенцаў, Беларусь, Расія