Грыбы

Лепш чым мяса: гатуем беларускія стравы з грыбоў

103
(абноўлена 16:37 17.08.2019)
Самыя смачныя і цікавыя народныя рэцэпты страў з грыбоў – у падборцы Sputnik.

Збіраць грыбы любяць многія, а гатаваць – адзінкі. У самы разгар "ціхага палявання" прапануем незвычайныя рэцэпты грыбных ласункаў для тых, каму надакучалі смажаныя і салёныя, а душа патрабуе чагосьці незвычайнага.

Грыбны суп з аўсянай крупой

Для прыгатавання гэтай поснай стравы спатрэбіцца 40 гр сушаных баравікоў, столькі ж аўсяных круп, адна морквіна і цыбуліна, корань пятрушкі, дзве лыжкі сметанковага масла, а таксама соль, перац і лаўровы ліст па смаку.

Гатаваць беларускі народны грыбны супчык не складана – грыбы трэба вымачыць і паставіць варыць, праз некаторы час дадаць да іх памытую аўсяную крупу, падсмажаныя моркву і цыбулю. Усё гэта варыцца на слабым агні 30 хвілін, а потым у справу ідуць прыправы – соль, перац і лаўровы ліст.

Селядзец смажаны з грыбным соусам

Такая страва перанясе заўзятага грыбніка ў Нідэрланды – сталіцу паходжання марынаванага селядца. Каб прыгатаваць яе спатрэбіцца 5-6 селядцоў, цыбуліна, багет, дзве лыжкі мукі, аліўкавы алей і спецыяльны грыбны соус.

Сельдь жареная
© CC0 / Pixabay / mp1746
Смажаны селядзец

Але перш чым заняцца соусам, варта надаць увагу селядцу. Яго трэба пачысціць, мяса дробна парэзаць, дадаць пакрышаную цыбулю, вымачаны ў вадзе багет. Атрыманую масу можна запякаюць у духоўцы або асцярожна смажаць на скаварадзе. Можна зрабіць невялічкія шарыкі, каб іх было больш зручна макаць у соус.

Каб прыгатаваць грыбны соус, грыбы трэба дварыць і дробна пакрышыць. Іх трэба дадаваць у растопленае масла, змешанае з мукой і булёнам. Замест цэлых грыбоў можна выкарыстоўваць грыбны парашок або сухія грыбы.

Свежыя баравікі ў сметанковым масле

І хаця мы планавалі абыйсціся без звычайных смажаных грыбоў, нельга уявіць стол грыбніка без маладых баравічкоў. Але падсмажыць іх варта ў сметанковым масле – так будзе яшчэ смачней.

Грыбы неабходна пачысціць, добра памыць і прасушыць. Тым часам у каструльцы варта распусціць масла, дадаць у яе столькі грыбоў, каб яны былі пакрытыя маслам і падсмажыць да паўгатовасці. У гэтым масле можна падсмажыць некалькі порцый грыбоў.

Калі грыбы астынуць, перакласці ў невялікія шкляныя слоікі, кожны слой паліваючы свежым маслам. Калі слоікі запоўняцца, іх трэба заліць маслам, а праз некалькі гадзін закаркаваць. Перад ужываннем іх можна пратушыць у тым жа масле.

Салёныя лашанкі

Калі вам надакучылі баравікі і падасінавікі, можна набраць з лесу лашанак і засаліць іх.

Для гэтага грыбы трэба перабраць, добра вымыць, часта мяняючы ваду. Пасля гэтага іх неабходна ўзважыць — на 1 кг грыбоў выкарыстоўваюць 2 сталовыя лыжкі солі.

Рядовка
Лашанка або радоўка шэрая

Для засолкі выкарыстоўваюць каструлю: грыбы заліваюць вадой, каб яна пакрывала лашанкі поўнасцю. Падчас варкі трэба пастаянна здымаць пенку. Лашанкі лічацца гатовымі, калі асядаюць на дно пасудзіны, тады іх трэба адцадзіць і астудзіць.

Да гэтага часу павінна быць падрыхтаваная заправа, у якой на 1 кг звараных грыбоў выкарыстоўваецца 2-3 буйныя зубкі часнаку, дробка кміну і 3-4 лісцікі чорных парэчак. Часнок трэба дробна пакрышыць, кмін крыху пацерці з соллю, а лісцікі чорных парэчак проста памыць.

Грыбы змешваюць  з заправай, засцілаюць дно драўлянай або паліванай пасудзіны запаранай загадзя аржаной саломай так, каб яна пакрывала дно і пакідаюць страву на 40-45 дзён.

Порхаўкі смажаныя ў цыбульнай поліўцы

Яшчэ адзін незвычайны грыб, які выкарыстоўвалі ў беларускай народнай кухні – порхаўка. Іх таксама варта пакаштаваць проста падсмажанымі.

Смажаныя порхаўкі
© Photo : Ларыса Мятлеўская
Смажаныя порхаўкі

Для гэтага з порхаўкі здымаюць абалонку, мыюць іх, сушаць, рэжуць на лустачкі і смажаць у гарачым сметанковым масле. Праз 15 хвілін грыбы адпраўляюць у гарачую духоўку даходзіць.

Тым часам на патэльні разаграваюць яшчэ крыху масла, кладуць у яго дробна пакрышаную цыбулю і смажаць яе да мяккасці, затым дадаюць дзве лыжкі смятаны і тушаць. Атрыманы соус дадаюць да грыбоў.

103
Тэги:
Нацыянальная кухня, Беларусь
Тэмы:
Прыродная сталоўка: гатуем з таго, што пад нагамі (57)
У Бялынічах узводзяць капліцу на касцях

Парушэнне магілы. У Бялынічах незаконна узводзяць капліцу на касцях

39
(абноўлена 10:44 02.08.2020)
Свежы драўляны зруб прыкметны здалёк яшчэ на пад'ездзе да невялікага гарадка, і месца для яго будаўніцтва выбрана ўнікальнае: не проста маляўнічая Ільінская гара, а старажытныя могілкі.

Самі Бялынічы ў гэтыя дні нагадваюць адну вялікую будоўлю. У ранейшыя тлустыя гады гэта магло значыць толькі адно - падрыхтоўку да рэспубліканскіх "Дажынак". Цяпер падстава з пункту гледжання ўладаў куды больш празаічная, але статус мерапрыемства ўсё ж высокі.

Горад рыхтуецца ў верасні стаць пляцоўкай для святкавання Дня беларускага пісьменства. Гэта адна з падстаў успомніць, што менавіта беларусы першымі сярод усходніх славян абзавяліся сваім першадрукаром - Францыскам Скарынам. Прысутнасць на мерапрыемстве вышэйшых службовых асоб прадугледжвае адпаведны антураж.

Свежий сруб новой часовни на Ильинской горе заметен издалека
© Sputnik / Виктор Толочко
Свежы зруб новай капліцы на Іллінскай гары прыкметны здалёк

Мілы гарадок у дэкарацыях моранага рэльефу выглядае як сапраўднае месца для шчаслівага жыцця сярэднестатыстычнага беларуса. Бялынічы паўсталі няхай і не на сямі пагорках, як Рым, але Ільінская гара, як мяркуюць мясцовыя жыхары, стала месцам нараджэння горада. Чаму маштабная будоўля на яе месцы выклікае здзіўленне ў гісторыкаў, разбіраўся карэспандэнт Sputnik Станіслаў Андросік.

Магіла без кадзіла - што вугальная яма

У мінулым годзе стала вядома аб планах настаяцеля Бялыніцкай царквы Сергія Маслава пабудаваць на Іллінскай гары капліцу. Праект прайшоў неабходныя ўзгадненні, але трэба было правесці археалагічныя даследаванні, таму што навукоўцы даўно ведалі, што на гэтым месцы былі могілкі. Зрэшты, ведалі пра гэта і мясцовыя жыхары, таму нядзіўна, што гэта было адзінае ўзвышша ў Бялынічах, дзе яшчэ не было нічога пабудавана.

"У снежні 2019 года мы пачалі работы на тэрыторыі дадзеных могілак. Заказчык, прытрымліваючыся літары закона, звярнуўся да нас, каб мы далі заключэнне аб наяўнасці або адсутнасці там археалагічных аб'ектаў", - распавёў навуковы супрацоўнік Інстытута гісторыі НАН Беларусі Аляксандр Вашанаў.

Паводле яго слоў, нягледзячы на тое, што старажытныя могілкі не мелі статусу ахоўнага помніка, ніякія будаўнічыя працы там весціся не маглі без нагляду археолагаў.

Научный сотрудник Института истории НАН Беларуси Александр Вашанов рассказывает, что Ильинская гора была тщательно изучена
© Sputnik / Виктор Толочко
Навуковы супрацоўнік Інстытута гісторыі НАН Беларусі Аляксандр Вашанаў распавядае, што Ільінская гара была старанна вывучана

Аж да канца сакавіка бягучага года на Іллінскай гары праводзіліся археалагічныя даследаванні. Пляцоўка пад будучую капліцу была цалкам вывучана.

"Мы дастаткова доўга даследавалі гэтыя могілкі, і аказалася, што гэта шмат'ярусная пахаванне. Гэта значыць, што тут хавалі памерлых вельмі даўно. У некаторых месцах пахаванні ішлі проста пластамі", - растлумачыў гісторык.

Пры гэтым ён удакладніў, што ўсяго было выяўлена каля 200 пахаваных. У цяперашні час працягваецца антрапалагічная экспертыза. Дакладную колькасць пакуль назваць цяжка, таму што ў адной магіле часам аказвалася адразу некалькі пахаванняў.

Древнее кладбище в Белыничах оказалось многоярусным сооружением
© Sputnik / Виктор Толочко
Старажытныя могілкі ў Бялынічах аказалася шмат"ярусным збудаваннем

Аляксандр Вашанаў адзначыў, што знойдзеныя ў ходзе работ прадметы дазваляюць датаваць могілкі XVII-XIX стагоддзямі, у прыватнасці, такі прамежак часу дазволілі ўсталяваць манеты, якія былі знойдзеныя.

Найденные археологами предметы позволяют датировать кладбище XVII-XIX веками
© Sputnik / Виктор Толочко
Знойдзеныя археолагамі прадметы дазваляюць датаваць могілкі XVII-XIX стагоддзямі

Ільінская гара, такім чынам, з'яўляецца археалагічным аб'ектам згодна з беларускім заканадаўствам, таму што ўзрост пахаванняў перавышае 120 гадоў.

Усялякая магіла травой зарастае

Напрыканцы мая Інстытут гісторыі падрыхтаваў для праваслаўнага прыходу, які з'яўляецца заказчыкам работ, і мясцовых уладаў навуковае заключэнне аб выніках даследавання.

"У такіх дакументах мы заўсёды прапісваем, што працы могуць працягвацца, але ў выпадку выяўлення касцяных парэшткаў ці якіх-небудзь археалагічных аб'ектаў, неабходна абавязкова звярнуцца да археолагаў", - растлумачыў навуковы супрацоўнік.

Аляксандр Вашанаў успамінае, што пры правядзенні чарговага маніторынгу будаўніцтва капліцы ў Бялынічах на месцы ўзвядзення лесвіцы да яе проста ў паліцах пяску валяліся чалавечыя косткі і чарапы.

В начале июля при проведении очередного мониторинга на месте возведения лестницы к часовне археологи института зафиксировали множество человеческих костей и черепов
© Sputnik Александр Вашанов
На пачатку ліпеня пры правядзенні чарговага маніторынгу на месцы ўзвядзення лесвіцы да капліцы археолагі інстытута зафіксавалі мноства чалавечых костак і чэрапаў

"Самае сумнае, што па стане костак можна было сказаць, што яны ляжаць там не адзін тыдзень. Таму што, калі косткі доўга ляжаць на сонцы, яны выбельваюцца", - канстатаваў ён.

Атрымліваецца, што протаіерэй Маслаў працягнуў чарговы этап будаўніцтва, але пасля выяўлення астанкаў пахаваных на старажытных могілках людзей не звярнуўся да спецыялістаў, што ўжо з'яўляецца парушэннем заканадаўства Беларусі.

Так выглядит Ильинская гора, где обнаружены древние захоронения и возводится часовня, сегодня
© Sputnik / Виктор Толочко
Так выглядае Ільінская гара, дзе выяўленыя старажытныя пахаванні і ўзводзіцца капліца, сёння

Пасля гэтага Інстытут гісторыі падрыхтаваў афіцыйны запыт у Магілёўскі аблвыканкам і мясцовы райвыканкам.

Чужое сумленне - магіла

Праз дзве гадзіны дарогі з Мінска мы апынуліся ў Бялынічах, дзе жыццё цячэ сваім парадкам, нагадваючы аб мерным побыце правінцыі, дзе пра выбары прэзідэнта 9 жніўня, здаецца, і зусім не ўспамінаюць.

Въезд в город Белыничи Могилевской области
© Sputnik / Виктор Толочко
Уезд у горад Бялынічы Магілёўскай вобласці

Пад'ехаць да Іллінскай гары, дзе будуецца капліца, не складана, таму што яна бачная, мабыць, адусюль. На старажытных могілках працуюць будаўнікі з мясцовага ПМК, меланхалічна разбіраюць апалубку пад лесвіцай, шліфуюць сцены капліцы, а на косткі, якімі пакрытая пляцоўка, здаецца, і зусім не звяртаюць увагі.

Рабочие трудятся над возведением часовни, невзирая на торчащие из земли под лестницей кости предков
© Sputnik / Виктор Толочко
Працоўныя працуюць над узвядзеннем капліцы, нягледзячы на косткі продкаў, якія тырчаць з зямлі пад лесвіцай

Каля суседняга дома сустракаем мясцовую жыхарку Ірыну, фатаграфавацца яна, праўда, адмаўляецца, як і ўсе жыхары Бялынічаў пасля.

"Тут шмат костак знайшлі. Бацюшка прыязджаў са сваім памочнікам. Яны іх збіралі і павезлі кудысьці, - распавяла жанчына. - Сама я туды глядзець нават баюся, у мяне дзіцяці тры гады".

Жители окрестных домов о костях, конечно, знают и побаиваются
© Sputnik / Виктор Толочко
Жыхары навакольных дамоў аб касцях, вядома, ведаюць і пабойваюцца

Пасля гэтага адпраўляемся ў мясцовае РУУС, дзе нас сустракае дзяжурны афіцэр і просьба надзець маску і апрацаваць рукі дэзінфектарам (дзесьці каронавірус перамаглі, але пакуль, мабыць, толькі ў сталіцы).

Міліцыя ў Бялынічах аказваецца не ў курсе, што на Іллінскай гары з зямлі тырчаць косткі. Пасля тэлефоннай размовы з начальствам высвятляецца, што ніхто па гэтым факце да іх не звяртаўся, ды і пра вываз костак з могілак праваахоўнікі маленькага мястэчка не ведаюць нічога. Нам рэкамендавалі звярнуцца ў мясцовы Жылкамунгас.

Ни в Жилкоммунхозе, ни в местном РУВД о ситуации на Ильинской горе ничего не слышали
© Sputnik / Виктор Толочко
Ні ў Жылкамунгасе, ні ў мясцовым РУУС пра сітуацыю на Іллінскай гары нічога не чулі

Галоўны інжынер Мікалай Канкевіч адмаўляўся размаўляць, спасылаючыся на занятасць, але, пачуўшы, пра што гаворка, змог толькі коратка адказаць: "Мы пра гэта ўпершыню чуем і ніякія косткі нікуды не вывозілі".

Адпраўляемся пагаварыць з настаяцелем храма абраза Бялыніцкай Божай Маці протаіерэем Сергіем Маславым.

Праўда, высвятляецца, што на месцы святара няма і па тэлефоне ён гаварыць не можа. Пра гэта нам паведаміў яго памочнік - пасля размовы з Маславым па мабільным. Прадставіцца, дарэчы, ён адмовіўся.

На входе в храм иконы Белыничской Божией Матери объявление: принимаются пожертвования на строительство часовни на Ильинской горе
© Sputnik / Виктор Толочко
На ўваходзе ў храм абраза Бялыніцкай Божай Маці аб"ява: прымаюцца ахвяраванні на будаўніцтва капліцы на Іллінскай гары

Цэнтр Бялынічаў цяпер нагадвае ўдарную камсамольскую будоўлю, дзе ў броўнаўскім руху перамяшаныя тэхніка, будаўнікі і проста мінакі. Проста не верыцца, што яны могуць паспець навесці марафет у мястэчку да шостага верасня, таму што каля райвыканкама нават няма ганка, і, каб патрапіць унутр, трэба яго абыходзіць, ну ці пералазіць праз плот, як зрабілі мы з фатографам.

Белыничи погружены в благоустройство
© Sputnik / Виктор Толочко
Бялынічы пагружаныя ў добраўпарадкаванне

Пасля таго, як у аддзеле ідэалагічнай работы, культуры і па справах моладзі сказалі, што таксама не ведаюць пра тое, што ўвесь схіл Іллінскай гары абсыпаны косткамі, дзівіцца таму, што ніхто не спыніў будоўлю, не прыходзіцца.
"Мы нічога пра гэта не ведаем, і святар нам не паведамляў. Інстытут гісторыі нам дасылаў афіцыйны ліст, што працы можна працягваць", - заявіла начальнік аддзела Іна Ігнатовіч.

На улицах городка в броуновском движении перемешаны техника, строители и просто прохожие
© Sputnik / Виктор Толочко
На вуліцах мястэчка ў броўнаўскім руху перамяшаныя тэхніка, будаўнікі і проста мінакі

У пацверджанне сваіх слоў яна дастала важкую папку з афіцыйнай перапіскай са сталічнымі навукоўцамі, і ліст хутка знайшоўся, але ў ім ужо знаёмая фармулёўка - "у выпадку выяўлення касцяных парэштак работы павінны быць спыненыя".

Намеснік старшыні райвыканкама, які курыруе архітэктуру і будаўніцтва, Дзмітрый Давыдаў, як аказалася, таксама не ў курсе, што адбываецца на будаўнічай пляцоўцы. Хтосьці мог бы гэтаму здзівіцца, але не мы.

В Белыничах вовсю бурлит комсомольская стройка
© Sputnik / Виктор Толочко
У Бялынічах на ўсю моц бурліць камсамольская будоўля

Вузкія дзверы ў магілу

Напрыканцы мы вырашылі яшчэ раз пад'ехаць да капліцы, і, як аказалася, не дарэмна. Напярэдадні ў Бялынічах прайшоў моцны дождж, і зямля на зрэзаным бульдозерам схіле Іллінскай гары была вельмі вільготнай.

Пасля абеду, калі ўсе падсохла, там і тут сталі праступаць косткі, а каля парога будучай капліцы - і зусім фрагмент чэрапа. Зрэшты, мяркуючы па рэакцыі рабацяг з ПМК, гэта іх ужо мала здзіўляла.

Когда земля после дождя подсохла, на поверхности стали проступать кости
© Sputnik / Виктор Толочко
Калі зямля пасля дажджу падсохла, на паверхні сталі праступаць косткі
На горе без труда можно обнаружить останки черепов
© Sputnik / Виктор Толочко
На гары лёгка можна выявіць рэшткі чарапоў

На пытанне, што яны робяць з косткамі, якія так і вытыркаюць з зямлі, адзін з будаўнікоў прапанаваў пагаварыць з прарабам па тэлефоне.

Высветлілася, што будоўляй той камандуе ўсяго тры тыдні, але косткі збірае памочнік святара Віталь Вяргейчык (той самы, што не хацеў прадставіцца ля царквы). Усе яны захоўваюцца ў протаіерэя.

"Пасля таго, як будзе пабудавана капліца, святар іх з усёй пашанай перапахавае", - запэўніў прараб у тэлефоннай размове.

Кости лежат здесь уже не одну неделю и успели побелеть на солнце
© Sputnik / Виктор Толочко
Косткі ляжаць тут ужо не адзін тыдзень і паспелі пабялець на сонцы

Першы ж запыт у пошукавіку паказвае, што памочнік святара Вяргейчык у нядаўнім мінулым займаў пасаду начальніка аддзела архітэктуры і будаўніцтва Бялыніцкага райвыканкама. Наўрад ці дасведчаны чыноўнік не знаёмы з беларускім заканадаўствам і не ў стане падказаць протаіерэю Маславу, што закон парушаць не варта, нават калі так паспешліва будуеш храм.

Помощником настоятеля храма, который не захотел представиться, оказался Виталий Вергейчик, бывший начальник отдела архитектуры и строительства Белыничского райисполкома
© Sputnik / Виктор Толочко
Памочнікам настаяцеля храма, які не захацеў назваць сябе, апынуўся Віталь Вяргейчык, былы начальнік аддзела архітэктуры і будаўніцтва Бялыніцкага райвыканкама

Мясцовыя чыноўнікі спяшаюцца правесці выбары прэзідэнта, а пасля кароткай перадышкі прыняць Дзень пісьменства, ім няма справы да будоўлі, якая ідзе з парушэннем закона.

Жаданне хутчэй пабудаваць, руйнуючы магілы сваіх продкаў, цяжка растлумачыць, але факт застаецца фактам. Пакуль на гары зіхаціць у промнях сонца новы зруб, каля яе падножжа бялеюць косткі. З якім пачуццём сюды будуць прыходзіць вернікі і падымацца па лесвіцы, выбудаванай-над старажытных пахаваннях, можна толькі ўявіць.

39
Тэги:
Магілёўская вобласць
Возера, архіўнае фота

Што азначае Ільін дзень? Традыцыі і прыкметы свята

297
(абноўлена 10:49 30.07.2020)
У славян лічылася, што менавіта пасля Ільіна дня пачынае прыходзіць восень, менавіта таму на свята прынята купацца.

Вернікі адзначаюць Ільін дзень 2 жніўня — дата гэтага свята з года ў год застаецца нязменнай. Як і кожнае іншае рэлігійнае свята, дзень прарока Ільі мае свае правілы, прыкметы і забароны. Sputnik распавядае вам аб традыцыях Ільіна дня.

Хто такі прарок Ілья?

Ілья жыў у Ізраільскім царстве ў IX стагоддзі да нашай эры — на самым світанку хрысціянства.

Лічыцца, што ў царстве Ілья быў самым дбайным змагаром чыстай веры і выступаў рэзка супраць ідалапаклонства і бязбожнасці. У гады яго жыцця валадарыў Ахаў, а яго ганарлівая жонка Езавэль хацела ўсталяваць культ Ваала і Астарты — паганскіх багоў.

Хоць усе прапаведнікі хрысціянства і былі выгнаныя з Ізраільскага царства, Ілья пераадолеў жрацоў паганскага культу, тым самым раззлаваў царыцу. Але ён уратаваў краіну ад доўгіх гадоў голаду, пасля чаго сышоў у пустыню і знайшоў сабе там вучня.

Хрысціяне вераць, што Ілью забралі на неба жывым — "на вогненнай калясніцы".

У славян Ілья лічыцца заступнікам грому, нябеснага агню, дажджу. Акрамя таго, ён заступнік ураджаю і ўрадлівасці. Сёння Ілью, самага ўшанаванага старазапаветнага святога, называюць апекуном паветрана-дэсантных войскаў і ваенна-паветраных сіл — першыя нават святкуюць сваё свята на Ільін дзень.

Традыцыі Ільіна дня

Лічыцца, што на Ільін дзень нельга працаваць у полі і агародзе — потым можна чакаць клопатаў і няшчасцяў з ураджаем. Не прынята ў гэты дзень і касіць траву — яна таксама хутка прыйдзе ў непрыдатнасць.

У славян на Ільін дзень было прынята не выганяць скаціну на пашу — іх магла заспець навальніца ці град, пастаянныя спадарожнікі прарока.

На Ільін дзень часта ідзе дождж, і гэта лічыцца добрай прыкметай — атрымаецца ўраджай у наступным годзе, а таксама дождж змые грахі і благія думкі.

Пасля 2 жніўня, згодна з традыцыямі, надыходзіць восень — час збору ўраджаю і падрыхтоўкі да зімы. Таму і з'явілася традыцыя на Ільін дзень купацца ў вадаёмах — апошні раз у годзе. Згодна з гэтай традыцыяй і дэсантнікі святкуюць прафесійнае свята на Ільін дзень.

Раніцай жа ў Ільін дзень неабходна памыцца расой — гэта дадасць здароўя і даўгалецця. Таксама вернікам раяць 2 жніўня наведаць царкву і памаліцца прароку.

297
Тэги:
Рэлігійныя святы, Іллін дзень
Белавія

Беларуская авіякампанія з серады аднаўляе рэйсы ў Вільню

0
(абноўлена 16:49 04.08.2020)
Лётаць самалёты з Мінска ў літоўскую сталіцу будуць чатыры разы на тыдзень, час у шляху складзе 35 хвілін.

МІНСК, 4 жні - Sputnik. Авіякампанія "Белавія" з 5 жніўня аднаўляе выкананне рэйсаў па маршруце Мінск - Вільнюс - Мінск, паведамілі ў прэс-службе кампаніі.

У красавіку Літва выказала сумневы ў тым, што Беларусь эфектыўна змагаецца з каронавірусам, і паведаміла аб магчымасці абмежаванні авіязносін паміж краінамі. У сувязі з гэтым айчыннаму перавозчыку прыйшлося адмяніць усе свой рэйсы ў Вільню.

У аўторак беларуская авіякампанія заявіла аб аднаўленні палётаў у Вільню. Самалёты пачнуць курсіраваць паміж беларускай і літоўскімі сталіцамі чатыры разы на тыдзень (сераду, чацвер, пятніцу і нядзелю).

Пры гэтым у паведамленні прэс-службы адзначаецца, што ўезд на тэрыторыю суседняй дзяржавы дазволены пакуль толькі грамадзянам Літвы і ЕС, пасажырам з выглядам на жыхарства.

Нагадаем, у нядзелю таксама былі адноўленыя палёты з Мінска ў Варшаву. Рэйсы па гэтым маршруце таксама выконваюцца чатыры разы на тыдзень.

0
Тэги:
Вільнюс, Мінск