Вінтоўка Anschutz, падораная прэзідэнтам Аляксандрам Лукашэнкам, Дар'і Домрачавай

Лукашэнка падарыў Домрачавай вінтоўку - Sputnik высвятліў, якую

15
(абноўлена 17:33 23.08.2019)
Урачыстая цырымонія ўзнагароджання славутай біятланісткі малым Крышталёвым глобусам прайшла ў пятніцу ў Раўбічах.

Малы Крышталёвы глобус за перамогі ў гонках пераследу ў сезоне 2014/2015, вінтоўка і знак "За заслугі" - такія ўзнагароды сёння атрымала герой Беларусі і чатырохразовая алімпійская чэмпіёнка Дар'я Домрачава.

Sputnik пацікавіўся ў кіраўніцтва Беларускай федэрацыі біятлона, якой менавіта вінтоўкай цяпер валодае "наша Даша".

Як высветлілася, падораная зброя Домрачавай добра знаёма - менавіта з гэтай вінтоўкай Anschutz яна заваёўвала алімпійскае золата. Вінтоўка належала дзяржаве і захоўвалася ў Федэрацыі біятлона. Але ў знак высокай ацэнкі заслуг спартсменкі кіраўнік Нацыянальнага алімпійскага камітэта Аляксандр Лукашэнка прыняў адмысловае рашэнне перадаць ёй "шчаслівую зброю".

Дакументы на вінтоўку аформленыя належным чынам і цяпер ДаДо зможа, калі захоча, выходзіць на старты са звыклай зброяй у руках.

Награждение Дарьи Домрачевой в Раубичах
© Sputnik / Виктор Толочко
Узнагароджанне Дар"і Домрачавай у Раўбічах

Разам з тым сям'і Домрачавай-Б'ёрндален прыйдзецца абсталяваць у сваіх дамах спецыяльнае месца для захоўвання вінтоўкі.

Нагадаем, што сын Аляксандра Лукашэнкі выступае на спаборніцтвах "Снежны снайпер" з імянной вінтоўкай "Аншутц" 1827 сістэмы Фортнер - гэта элітная мадэль, якую яшчэ называюць "Трыўмф хуткасці".

Домрачава завяршыла біятлонную кар'еру летам 2018 года.

15
Тэги:
зброя, Дар'я Домрачава, Раўбічы (спарткомплекс)

Цiкавосткi