Яблычны сыр і квашанне пад смажаніну: як нарыхтоўвалі яблыкі стагоддзі таму

Яблычны сыр і квашанне пад смажаніну: як нарыхтоўвалі яблыкі стагоддзі таму

154
(абноўлена 12:25 02.12.2019)
Ці ведалі вы, што з яблыкаў можна прыгатаваць не толькі зефір, але і сыр? Чытайце на Sputnik пра небанальныя нарыхтоўкі на зіму па старадаўніх рэцэптах.

Мочаныя і марынаваныя яблыкі здаўна лічацца лепшай закускай да смажаніны і іншых мясных страў дзякуючы даўкаму, кісла-салодкага густу. Для таго, каб яблыкі атрымаліся смачнымі, яны павінны адпавядаць некаторым патрабаванням. Так, яблыкі павінны быць чыстымі і без плям, і збіраць іх трэба рукамі, а не страсаць з дрэва.

Для шчаслівых уладальнікаў бочак Sputnik знайшоў старадаўнія рэцэпты арыгінальных марынадаў, а тыя, каму прыйдзецца абыйсціся слоікамі, могуць паспрабаваць прапарцыйна паменшыць колькасць інгрэдыентаў. Аднак гурманы сцвярджаюць, што драўніна бочкі надае яблыкам свой непаўторны водар і густ, таму "сапраўдныя" мочаныя яблыкі можна нарыхтоўваць толькі так і ніяк інакш.

Sputnik працягвае гартаць кнігу Алены Малахавец "Падарунак маладым гаспадыням, або Сродак да памяншэння расходаў у хатняй гаспадарцы". Яна ўбачыла свет амаль 160 гадоў таму і змяшчае каля 1500 рэцэптаў і каштоўных парад, шмат з якіх прыйдуцца да спадобы і сучасным гаспадыням.

Мы ўжо прапанавалі вашай увазе незвычайныя рэцэпты з рыбай і распавялі пра варэнне.

Яблоки
© CC0 / Pexels / Suzy Hazelwood
Яблыкі для нарыхтовак павінны быць чыстымі і без плям, і збіраць іх трэба рукамі, а не страсаць з дрэва

Сыр яблычны з мёдам

Узяць кіслых яблыкаў, ачысціць скурку, выняць семечкі, разрэзаць на часткі і спячы ў духоўцы. Працерці скрозь сіта, на 1 шклянку яблычнай масы патрабуецца 1 шклянка мёду або цукру. Змяшаць і варыць, пакуль не згусне настолькі, што будзе адставаць ад лыжкі. За пяць хвілін да гатоўнасці ўсыпаць апельсінавай цэдры, гваздзікаў ці карыцы, молатых імбіра і перцу па смаку, перамяшаць, выкласці ў мокрую сурвэтку або складзеную ў некалькі слаёў марлю, перавязаць яе і пакласці пад прэс. Праз два дні сыр будзе гатовы, захоўваць яго рэкамендуецца ў сухім месцы, зрэдку праціраючы сухім ручніком, каб пазбезнуць з'яўлення цвілі.

Яблыкі марынаваныя

Штук 20 яблыкаў ачысціць, разрэзаць на некалькі частак, ваду (узятую з разлікам, каб яна потым цалкам пакрыла яблыкі) закіпяціць з цукрам або мёдам, апусціць у яе яблыкі, двойчы давесці да кіпення і адкінуць на рэшата. Калі яблыкі абсохнуць, скласці іх у банку. 4,5 шклянкі воцату закіпяціць з 700 грамамі цукру або мёду, з гваздзікай, карыцай, перцам і соллю. Астудзіць, заліць яблыкі, зачыніць банку і паставіць у халоднае месца.

Яблыкі мочаныя

Для мочаных яблык рэкамендуецца браць садавіну цвёрдых гатункаў - лепш за ўсё падыдзе антонаўка. У бочку іх укладваюць, перакладаючы парэчкавым і вішнёвымі лісцем, эстрагонам і базілікам - або дадаюць гэтыя прыправы ў расол. Калі яблыкі мочаць у бочцы, то на 2 вёдры яблыкаў бяруць 1 вядро вады і паўшклянкі солі, вада тройчы даводзіцца да кіпення, астуджаецца і заліваецца ў яблыкі. Закаркаваная бочка захоўваецца ў сухім прахалодным месцы, як правіла, склепе.

У Склепе  ўсё так, як і было ў Якуба Коласа
© Sputnik Віктар Талочка
Закаркаваная бочка захоўваецца ў сухім прахалодным месцы, як правіла, склепе

Таксама можна на тыя ж 2 вёдры ўзяць 0,5 кг жытняй мукі, якая заварваецца вядром кіпеню. Сумесь размяшаць, астудзіць, зліць ваду і ёю ўжо заліць яблыкі.

Яшчэ адзін рэцэпт падрыхтоўкі марынада - на вядро вады ўзяць 0,5 - 1 кг мёду, 0,5 шклянкі солі, дадаць эстрагон і васількі, паўгадзіны кіпяціць, астудзіць і затым заліць яблыкі.

Таксама яблыкі можна перакласці лісцем мяты і эстрагонам, а расол прыгатаваць так: узяць пароўну ячменнага соладу і пшанічнай мукі і ўдвая больш жытняй мукі, заварыць кіпенем і патрымаць шчыльна закрытым. Дадаць солі па гусце і на кожныя 2 вёдры яблыкаў 0,5 кг мёду.

154
Тэги:
Рэцэпты

Аграралі: параўноўваем заезды на трактарах у Тайландзе і Беларусі - відэа

10
(абноўлена 09:49 24.11.2020)
У Тайландзе трактар не баіцца вады, а ў Беларусі - бруду. Параўноўваем аграралі ў дзвюх цалкам непадобных краінах.

Незвычайнае ралі прайшло ў Тайландзе. Трактары, якія працуюць на рысавых палях выйшлі на старт. Гэтыя машыны ў народзе называюць "жалезнымі буйваламі". Такія "буйвалы" ёсць амаль у кожным доме.

Калі сезон збору ўраджаю падыходзіць да канца, трактары выкарыстоўваюць не для працы, а для весялосці - спаборнічаюць у хуткасці.

А памятаеце, як падобны заезд праходзіў з беларускімі трактарамі? Тры гады таму яны паўдзельнічалі ў ралі "Парыж-Мосар". У заездзе стартавалі два гусенічныя і шэсць колавых трактароў вытворчасці МТЗ.

Параўнайце тайскі і беларускі заезды - хто больш манеўраны, а хто зусім не баіцца бездарожжа.

10
Тэги:
Беларусь, Тайланд

Беларускі лён: сакрэты вытворчасці элітнай тканіны

510
(абноўлена 09:47 23.11.2020)
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
Людзі спрадвеку з павагай ставіліся да льну: у льняныя тканіны заварочвалі муміі егіпецкіх фараонаў і апраналі цнатлівых дзяўчат на вяселлі.

Лён на Беларусі вырошчваюць са старадаўніх часоў. Продкі заўсёды ставіліся з павагай да гэтай культуры, бо яна літаральна магла апрануць цэлую сям’ю і нават вёску.  Чыстае і светлае льняное адзенне было сімвалам нявіннасці і маральнай чысціні, таму маладыя дзяўчаты на вяселле апраналі сукенкі, зробленыя з ільнянога матэрыялу. А ў Старажытным Егіпце, дзе людзі даведаліся пра лён 7-9 тысяч гадоў таму, тканіны з лёну лічыліся элітнымі, таму ў іх заварочвалі муміі егіпецкіх фараонаў.

Прыгажосць і зручнасць ільняной тканіны цэніцца ва ўсім свеце, а на Беларусі і дагэтуль захоўваюць традыцыі льнянога ткацтва. Кросны, варштат, мялкі, церніцы, трапкач і іншыя старадаўнія прылады для вырабу льняной тканіны — у фотастужцы Sputnik.

Гэта, безумоўна, не нанатэхналогіі, але паглядзець таксама ёсць на што.

Глядзіце таксама:

510
  • Беларускі лён
    © Sputnik Альфрэд Мікус

    На Беларусі лён вырошчваюць са старадаўніх часоў. Нашы продкі казалі, што "лён усіх апранае", і прысвячалі гэтай сельскагаспадарчай культуры свае песні, вершы і казкі.

  • Беларускі лён
    © Sputnik Альфрэд Мікус

    Лён быў сімвалам нявіннасці і маральнай чысціні, таму нявеста на вяселле апранала сукенку з ільну. На беларускім гербе кветачкі льну сімвалізуюць працавітасць, дабрабыт і парадак.

  • Беларускі лён
    © Sputnik Альфрэд Мікус

    Традыцыйнай прыладай ткацтва на Беларусі быў гарызантальны ткацкі станок — кросны. Беларускія навукоўцы вылучаюць некалькі тыпаў ткацкіх станкоў, якія існавалі ў XIX — пачатку XX стагоддзя і адрозніваліся па канструкцыі. У больш прымітыўных (на "сохах" і на "станінах") асобныя дэталі ўкапваліся ў зямлю ці мацаваліся да столі. Больш дасканалыя называліся "рамавы ткацкі станок" ці "варштат".

  • Беларускі лён
    © Sputnik Альфрэд Мікус

    На першым этапе льноапрацоўкі ад сцяблоў саспеўшага, а потым вымачанага і высушанага льну аддзяляюць галоўкі. Рабілася гэта пры дапамозе драўляных "пранікаў", якімі іх аббівалі. На поўначы Беларусі галоўкі абрывалі спецыяльнымі нажамі-"драчкамі".

  • Беларускі лён
    © Sputnik Альфрэд Мікус

    Пасля абрывання галовак сцябло льну разміналі на "мялках" або "церніцах", каб вызваліць з яго валакно. На Беларусі вядомыя нахільныя і гарызантальныя мялкі. Іх рухомыя часткі — білы — мелі адно ці два рэбры.

  • Беларускі лён
    © Sputnik Альфрэд Мікус

    Пасля апрацоўкі на мялках рэшткі кастры на валакне выдалялі пры дапамозе "трапала".

  • Беларускі лён
    © Sputnik Альфрэд Мікус

    Прыладамі для часання льну служылі драўляныя і металічныя "грэбні". Пры іх дапамозе валакно расшчаплялася на больш тонкія валаконцы і канчаткова ачышчалася ад кастры. Пасля часання льну атрымлівалася валакно рознай якасці. Адыходы ад часання ўтваралі "кудзелю".

  • Беларускі лён
    © Sputnik Альфрэд Мікус

    Валакно, якое заставалася пасля часання, — "кужаль" — спляталася ў косы і ў такім выглядзе захоўвалася да прадзення.

  • Беларускі лён
    © Sputnik Альфрэд Мікус

    Наступны этап апрацоўкі льну — прадзенне — звязаны з вырабам нітак з валакна. Звычайна ім займаліся жанчыны ў перыяд з лістапада па сакавік. Асноўнымі прыладамі прадзення былі прасніца, верацяно і самапралка.

  • Беларускі лён
    © Sputnik Альфрэд Мікус

    Працэс прадзення пачынаўся з замацавання кудзелі на прасніцы. На стойцы мацавалася кудзеля, а на донца садзілася жанчына. Стойка прасніцы, якая не мела донца, устаўлялася ў спецыяльную адтуліну ў лаве.

  • Беларускі лён
    © Sputnik Альфрэд Мікус

    Самая старадаўняя прылада для прадзення — верацяно. Яго выраблялі з драўніны ясеня, грушы ці бярозы. Пры прадзенні жанчына пальцамі правай рукі выцягвала валакно з кудзелі, адначасова трыма пальцамі левай рукі паварочвала верацяно.

Тэги:
лён, Беларусь, Народныя традыцыі, спадчына
Урач хуткай дапамогі

Мінздароўя: На выплату "кавідных" надбавак сышло больш за 844 мільёны рублёў

0
(абноўлена 17:39 24.11.2020)
У кастрычніку грашовае заахвочванне атрымалі звыш за 71 тысячу работнікаў медыцыны - і гэта не толькі ўрачы і медсёстры.

МІНСК, 24 ліс - Sputnik. За час пандэміі на выплату "кавідных" надбавак было выдзелена 844,8 мільёна рублёў, паведаміла прэс-служба Міністэрства аховы здароўя.

У прыватнасці, з кансалідаванага бюджэту накіравана 422,4 млн рублёў, мясцовых бюджэтаў - 405,7 млн ​​рублёў, рэспубліканскага бюджэту - 16,7 млн ​​рублёў.

Па дадзеных Міністэрства аховы здароўя, у кастрычніку выплаты атрымалі больш за 71 тысячу работнікаў аховы здароўя. Паведамляецца, што сярод іх былі ўрачы, медсёстры, санітаркі, медыцынскія дэзінфектары, вадзіцелі, ліфцёры і іншыя супрацоўнікі.

Сярэдні памер фактычна выплачанай надбаўкі склаў: урачам - 700 - 1800 рублёў, сярэдняму медперсаналу - 400 - 1000 рублёў, іншым работнікам - 300 - 500 рублёў.

Нагадаем, устанаўленне штомесячнай надбаўкі за працу ва ўмовах, звязаных з інфекцыямі, прадугледжана Указам прэзідэнта Беларусі №131 ад 16 красавіка 2020 года. Выплаты атрымліваюць урачы-спецыялісты, медыцынскія работнікі з сярэдняй медыцынскай адукацыяй, іншы персанал аховы здароўя. Пералiк пасад вызначаны пастановай Міністэрства аховы здароўя ад 8 чэрвеня 2009 года №61. У яго ўключаны ўсе - ад прадстаўнікоў адміністрацыі клінік да малодшага медперсаналу, а таксама медыцынскія дэзінфектара, медрэгістратар, біёлагі, хімікі і кіроўцы. Памер даплат складае ад 300 да 4000 рублёў.

0
Тэги:
Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19