Халаднік з кіслага малака

Замест марозіва: самыя смачныя беларускія халаднікі

284
(абноўлена 09:50 14.06.2020)
Каб астудзіць сябе, не абавязкова есці выключна салодкія прысмакі. Самыя цікавыя рэцэпты беларускага халадніка – у падборцы Sputnik.

Звыклы для сучасных гурманаў варыянт халадніка – суп ружовага колеру, асновай якога з’яўляюцца буракі. Беларускія кухары і кухаркі, як і іх калегі з іншых краін заўсёды любілі фантазіраваць, таму прыдумалі шмат варыяцый на тэму халоднага супа.

Sputnik заклікае шукаць новыя гарызонты беларускай кулінарыі і прапануе пакаштаваць хаця б адзін варыянт халадніка. А лепш усе тры.

Халаднік з агурочнага расолу

Каб прыгатаваць халаднік для аматараў "чаго-небудзь салёненькага" спатрэбіцца 1 л агурочнага расолу, 2-3 вараныя яйкі, 400 гр вады, 2 свежыя агуркі, пер’е цыбулі, жменя зялёнага кропу, некалькі кветак агурочнага пустацвету і 200 гр смятаны.

Огуречная разгрузка - самая приятная
© CC0 / Pixabay / StockSnap
Агуркі = абавязковы інгрыдыенты любога халадніка

Прыгатаваць страву, якую асабліва ацэняць цяжарныя жанчыны і тыя, хто ўчора крыху перабраў з гарэлкай, вельмі лёгка. У агурочны расол трэба дадаць дробна пакрышаныя агуркі, цыбулю, кроп. Калі расол вельмі салёны, яго можна развесці вадой. Перад падачай ў талерку трэба пакрышыць варанае яйка, дадаць смятаны і упрыгожыць страву кветкамі агурочнага пустацвету.

Халаднік з кіслага малака

Не вельмі адрозніваецца па інгрыдыентах ад свайго агурочнага брата халаднік з кіслага малака. У ім крыху менш складнікаў – толькі кіслае малако, зялёная цыбуля, агурок, вараныя яйкі і кроп.

Окрошка на кефире. Третий шаг
© Sputnik Людмила Янковская
Асновай для халадніка можа стаць кіслае малако

Многія не разумеюць, як можна спалучаць свежую агародніну з малочнымі прадуктамі, але варта паверыць – гэта сапраўдная смаката. Хрумсткія агуркі і мяккі малочны смак не пакінуць абыякавым нікога.  

Халаднік са шчаўя

Халаднік са шчаўя мала чым, акрамя смаку, адрозніваецца ад звыклага халадніка з буракоў. Набор інгрыдыентаў стандартны: свежы агурок, цыбуля, кроп і вараныя яйкі. Аснова замест буракоў – шчаўе. Чым маладзейшым будзе шчаўе, тым смачнейшым – халаднік.

Шчаўе
© Photo : szczyptachili.pl
Шчаўе - таксама выдатны варыянт для халадніка

Страва мае прыемны кіславаты смак, які можна падкрэсліць смятанай. Хто баіцца празмернай кіслаты, ад малочных прадуктаў у гэтым халадніку можа адмовіцца.

284
Тэги:
Беларусь, Нацыянальная кухня
Тэмы:
Прыродная сталоўка: гатуем з таго, што пад нагамі (53)
Янка Купала і Якуб Колас

Тэст: адгадай Колас ці Купала?

473
(абноўлена 12:00 13.07.2020)
Нягледзячы на тое, што вершы двух песняроў беларускай зямлі добра вядомыя кожнаму школьніку, іх даволі часта блытаюць.

Якуб Колас і Янка Купала – дзве асобы, з якімі, сапраўды, асацыюецца беларуская паэзія. Абодва яны шчыра спачувалі нядолі роднай зямлі, абодва заклікалі працаваць, вучыцца і любіць Беларусь і беларускую мову. Вершы, паэмы і празаічныя творы Янкі Купалы і Якуба Коласа добра вядомыя кожнаму беларусу са школы.

Ці зможаце вы пазнаць радкі з вядомых твораў паэтаў – або, калі не памятаеце, паспрабаваць пазнаць стыль?

473
Тэги:
Вершы, тэст, Якуб Колас, Янка Купала
Тэмы:
Беларуская літаратура
По теме
Тэст: ці ведаеце вы беларускія прыказкі
Тэст: ці пазнаеце вы беларускія фразеалагізмы па эмодзі?
Тэст: ці добра вы ведаеце беларускія фразеалагізмы?
Тэст: пазнай Міцкевіча на партрэце
Тэст: якія беларускія творы схаваліся за эмодзі
Тэст: Багдановіч ці не?
Ежа на беларускім стале

Кухня нашых продкаў: гатуем адэльскія капыткі

167
(абноўлена 11:24 11.07.2020)
Этнограф Ларыса Мятлеўская распавядае пра адносіны нашых продкаў да ежы і вучыць гатаваць незвычайную страву.

"Каб не ежка ды адзежка, то была бы грошай дзежка", - так у народзе казалі  пра выдаткі на харчаванне. Ад іх пакутавалі не толькі  простыя людзі, але і шляхта – ладзячы пышныя банкеты багачы маглі страціць усю сваю маёмасць.

Этнограф Ларыса Мятлеўская
© Photo : фота з асабістага архіва Ларысы Мятлеўскай

Да ежы ва ўсе часы было своеасаблівае стаўленне. У нашых продкаў нават існавала свая адмысловая тэрміналогія. Так, згодна с "Маленькім маскоўска-беларускім (крывіцкім) фразеалагічным слоўнікам Яна Станкевіча", вылучалі "емя" і "еміну".

Емя і еміна –  ўсё тое, з чаго можа быць прыгатаваная ежа. Крупы, сырая гародніна, сырое мяса і падобнае – гэта ўсё еміна. Так калісці харчовая крама і харчовыя прадукты гучалі б як емінныя тавары, емінная крама. Меню гучала б па-беларуску як  емінная карта або ліст.

Станкевіч піша "...ежа і яда гэта ўжо еміна прыгатаваная да ядзення. Спечаны хлеб, вараная бульба, розная істрава, бліны, верашчака і пад., - гэта ўсё ежа, або яда. Апрача таго яда яшчэ значыць "працэс едзення". Напрыклад кажуць: "Гэта бульба на емя, а гэта на семя".

Слова "наедак" азначае як ежу наогул, так і ежу, якой можна добра наесціся, сытную ежу. У народзе і цяпер можна пачуць: "Бульба не наедак, сала – во гэта наедак".

Народны соннік пра ежу

  • Абаранкі есці – абнова, грошы;
  • Абед даваць, частаваць абедам – сваты будуць, клікаць на вясельнае застолле;
  • Абедаць у сне – добра ўродзіць скацінка, будзе добры ураджай;
  • Варыць ежу – сварка будзе;
  • Аб’есціся ў сне – надта нягодна, кажуць – утопішся;
  • Галоднаму быць – добра, нужды не будзе; хораша, здароў будзеш;
  • Ядомінай запасацца – падарожжа або асцярога перад галадоўкай;
  • Пірог есці - будзеш пацешаны.

Адэльскія капыткі

Капытка, капыткі, капытцы - страва з бульбы, блізкая сваячка клёцак. Гатуюць страву як з сырой, так і з варанай бульбы. Існуе шмат рэцэптаў прыгатавання гэтай стравы. Той, што хачу вам прапанаваць вышукала ў мястэчку Адэльск, што на Гарадзеншчыне. Капыткі добрая страва як самастойная з разнастайнымі соусамі, заскварай з цыбуляй так і ў выглядзе гарніру да мяса.

Інгрыдыенты:

  • 1 кг бульбы
  • 250 г бульбянога крухмалу
  • 3 яйкі
  • Каля 50 г солі
  • Чырвоны востры перац па смаку

Як гатаваць:

Зварыць бульбу ў мундзірах, гарачую пачысціць і добра стаўчы, каб не было камячкоў, дадаць яйкі, перамяшаць, дадаць шчопаць вострага  чырвонага перцу, крухмал, перамяшаць, скачаць клёцку і уткнуць у сярэдзіну пальцам, бо капытцы мелі сваю назву менавіта з-за гэтай дзіркі. Закіпяціць ваду, пасаліць яе і варыць у ёй  капытцы 10-15 хв.

Падаваць са смятанай або цыбуляй, падсмажанымі на сале або з грыбным соусам.

Грыбны соус

Інгрыдыенты:

  • 1 ст лыжка масла
  • 1 ст лыжка мукі
  • Соль
  • 5-8 грыбоў
  • 1 шклянка смятаны
  • 3-4 жаўткі
  • 1-2 цыбуліны

Як гатаваць:

Растапіць лыжку масла, падсмажыць у ім муку, развесці грыбным адварам з цыбуляй, пакласці некалькі лыжак смятаны, закіпяціць. Узбіць з жаўткамі, нагрэць і заліць страву з круп, бульбяныя катлеты ці штосьці іншае.

Можна дадаць да соуса некалькі дробна нарэзаных грыбкоў.

167
Тэги:
беларуская кухня, Ларыса Мятлеўская
Тэмы:
Прыродная сталоўка: гатуем з таго, што пад нагамі (53)

Чэргі да ЦВК: людзі падаюць скаргі на адмову ў рэгістрацыі двум кандыдатам

0
(абноўлена 17:35 15.07.2020)
Чарга выстраілася да Дома Урада ў сераду днём - глядзіце на відэа Sputnik, колькі людзей прыйшло выказаць сваё стаўленне да вырашэння ЦВК.

Чарга з жадаючых падаць скаргу ў ЦВК была каля Дома ўрада. Людзі, якія сабраліся такім чынам выказваюць сваю пазіцыю ў дачыненні да адмовы ў рэгістрацыі кандыдатамі ў прэзідэнты экс-банкіра Віктара Бабарыкі і былога кіраўніка ПВТ Валерыя Цапкалы.

З-за прапускной сістэмы, якая дзейнічае ў Доме ўрада, чарга рухаецца досыць павольна.

У сваіх скаргах падпісанты заклікаюць перагледзець гэтае рашэнне. Некаторыя карыстаюцца гатовымі раздрукаванымі ўзорамі скаргі і ўпісваюць свае пашпартныя дадзеныя прама стоячы ў чарзе. Да дзвюх гадзін дня тут сабралася каля ста чалавек.

ў ЦВК мае намер падаць і штаб Віктара Бабарыкі. Акрамя таго, у штабах абодвух кандыдатаў таксама рыхтуецца зварот у Вярхоўны суд. Яно можа быць пададзена ў трохдзённы тэрмін з дня прыняцця рашэння аб адмове ў рэгістрацыі.

Суд, у сваю чаргу, у трохдзённы тэрмін разгледзіць скаргу. Рашэнне Вярхоўнага суда з'яўляецца канчатковым.
Глядзіце на відэа, колькі людзей прыйшло выказаць сваё стаўленне па пытанні адмовы ў рэгістрацыі Цапкалу і Бабарыку.

0
Тэги:
Беларусь, Выбары
Тэмы:
Выбары прэзідэнта Беларусі - 2020