Мёд

Стаміліся ад мядовікаў? Арыгінальныя рэцэпты страў з мёдам

97
(абноўлена 09:18 14.08.2020)
На Мядовы Спас Sputnik прапануе рэцэпты не толькі смачных, але і карысных ласункаў.

А вы ведаеце, што калі дадаваць мёд замест сахара ў стравы, гэта не толькі дадасць ім непаўторны смак, але і дапаможа захаваць здароўе страўніка і сардэчна-сасудзістай сістэмы? Sputnik прапануе прыгатаваць смачныя стравы з мёдам: ласуны застануцца задаволеныя.

Курыныя ножкі ў мядовай глазуры

6 курыных ножак памыць, абцерці насуха і нацерці соллю ды перцам, паставіць ў духоўку.

Прыгатаваць глазур: на 2 сталовыя лыжкі мёду дадаць 1 чайную лыжку соевага соўсу, 1 ч.л. воцату або лімоннага соку, ½ ч.л. чырвонага перцу. Калі глазур атрымалася занадта рэдкай, варта дадаць чайную лыжку мукі.

За 15 хвілін да гатоўнасці абмазаць ножкі сумессю, на пяць хвілін вярнуць у духоўку, паўтарыць яшчэ два разы.

Бруснічная пасціла на мёдзе

Брусніцы насыпаць у посуд, пажадана медны, заліць вадой і кіпяціць, пакуль ягады не стануць белымі. Пакласці на рэшата і даць вадзе сцячы, а брусніцы перацерці праз сіта ў пюрэ. На кожныя 2 шклянкі пюрэ дадаць 1 шклянку мёду, які перад гэтым трэба ўзбіць да белага колеру.

Брусніцы ў каструлі
© CC0 / Pixabay / mp1746
Брусніцы ў каструлі

Пасцілу выліць на бляху і трымаць яе ў духоўцы на мінімальнай тэмпературы, пакуль яна не высахне. Захоўваць гатовую пасцілу ў сухім месцы – яна не страчвае карысных і смакавых уласцівасцяў нават некалькі гадоў.

Мядовыя пернікі

0,5 літра мёду ўскіпяціць, астудзіць і ўзбіць на нізкай хуткасці да белай масы. Дадаць у яго 500 г мукі, 4 ўзбітыя жаўткі і таўчоны міндаль па смаку. Міндаль варта папярэдне абдаць кіпенем і зняць з яго скурку. Прагрэць духоўку на сярэдняй тэмпературы.

Пернікі ў глазуры
© CC0 / Pixabay / ChristopherPluta
Пернікі ў глазуры

У цеста акуратна дадаць узбітыя бялкі і выкласці пернікі на бляху. Гатаваць, пакуль не падрумяняцца.

Чытайце таксама: 

97
Тэги:
Рэцэпты, Ежа і напоі, кухня, Мядовы Спас
Тэмы:
Прыродная сталоўка: гатуем з таго, што пад нагамі (75)
Кнігі

Алесь Бачыла: мне лепей ад роднага краю нічога на свеце няма

554
(абноўлена 18:12 01.03.2021)
У сто трэці дзень нараджэння беларускага паэта, драматурга і перакладчыка Sputnik успамінае яго вершы.

Алесь Бачыла нарадзіўся 2 сакавіка 1918 года ў вёсцы Лешніца, непадалёк ад Мінска, у сялянскай сям'і. Пачаў друкавацца яшчэ ў 1934 годзе, але першы зборнік убачыў свет толькі ў 1947 годзе. Вышэйшую адукацыю Алесь Бачыла атрымаў у Мінскім настаўніцкім інстытуце, пасля яго заканчэння быў прызваны ў армію і служыў да 1945 года.

Пасля заканчэння вайны Алесь Бачыла працаваў у "Настаўніцкай газеце", а потым – у газеце "Літаратура і мастацтва", дзе ў 1952 годзе стаў намеснікам галоўнага рэдактара.  

Алесь Бачыла – аўтар шматлікіх зборнікаў паэзіі: "Шляхі", "Зоры вясеннія", "Юнацтва", "Тры багіні", "Паэмы тугі" і іншых. Шматлікія яго вершы пакладзены на музыку. Акрамя таго, Бачыла напісаў лібрэта для опер "Яснае світанне", "Калючая ружа", "Зорка Венера" і іншых, а таксама аперэты "Паўлінка". Звяртаўся паэт і да жанра сатыры. Ведаў некалькі моў, перакладаў на беларускую творы рускіх, украінскіх, латышскіх паэтаў.

Пайшоў з жыцця Алесь Бачыла 3 студзеня 1983 года, калі яму было ўсяго 64 гады, і быў пахаваны ў Мінску на Усходніх могілках.

У дзень нараджэння славутага паэта Sputnik прапануе ўспомніць яго творы, а мабыць нават і праспяваць іх.

Чытайце таксама:

554
Тэги:
Беларуская мова, Вершы, Алесь Бачыла
Тэмы:
Беларуская літаратура

Беларускі лён: сакрэты вытворчасці элітнай тканіны

593
(абноўлена 11:03 01.03.2021)
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
  • Беларускі лён
Людзі спрадвеку з павагай ставіліся да льну: у льняныя тканіны заварочвалі муміі егіпецкіх фараонаў і апраналі цнатлівых дзяўчат на вяселлі.

Лён на Беларусі вырошчваюць са старадаўніх часоў. Продкі заўсёды ставіліся з павагай да гэтай культуры, бо яна літаральна магла апрануць цэлую сям’ю і нават вёску.  Чыстае і светлае льняное адзенне было сімвалам нявіннасці і маральнай чысціні, таму маладыя дзяўчаты на вяселле апраналі сукенкі, зробленыя з ільнянога матэрыялу. А ў Старажытным Егіпце, дзе людзі даведаліся пра лён 7-9 тысяч гадоў таму, тканіны з лёну лічыліся элітнымі, таму ў іх заварочвалі муміі егіпецкіх фараонаў.

Прыгажосць і зручнасць ільняной тканіны цэніцца ва ўсім свеце, а на Беларусі і дагэтуль захоўваюць традыцыі льнянога ткацтва. Кросны, варштат, мялкі, церніцы, трапкач і іншыя старадаўнія прылады для вырабу льняной тканіны — у фотастужцы Sputnik.

Гэта, безумоўна, не нанатэхналогіі, але паглядзець таксама ёсць на што.

Глядзіце таксама:

593
  • Беларускі лён
    © Sputnik Альфрэд Мікус

    На Беларусі лён вырошчваюць са старадаўніх часоў. Нашы продкі казалі, што "лён усіх апранае", і прысвячалі гэтай сельскагаспадарчай культуры свае песні, вершы і казкі.

  • Беларускі лён
    © Sputnik Альфрэд Мікус

    Лён быў сімвалам нявіннасці і маральнай чысціні, таму нявеста на вяселле апранала сукенку з ільну. На беларускім гербе кветачкі льну сімвалізуюць працавітасць, дабрабыт і парадак.

  • Беларускі лён
    © Sputnik Альфрэд Мікус

    Традыцыйнай прыладай ткацтва на Беларусі быў гарызантальны ткацкі станок — кросны. Беларускія навукоўцы вылучаюць некалькі тыпаў ткацкіх станкоў, якія існавалі ў XIX — пачатку XX стагоддзя і адрозніваліся па канструкцыі. У больш прымітыўных (на "сохах" і на "станінах") асобныя дэталі ўкапваліся ў зямлю ці мацаваліся да столі. Больш дасканалыя называліся "рамавы ткацкі станок" ці "варштат".

  • Беларускі лён
    © Sputnik Альфрэд Мікус

    На першым этапе льноапрацоўкі ад сцяблоў саспеўшага, а потым вымачанага і высушанага льну аддзяляюць галоўкі. Рабілася гэта пры дапамозе драўляных "пранікаў", якімі іх аббівалі. На поўначы Беларусі галоўкі абрывалі спецыяльнымі нажамі-"драчкамі".

  • Беларускі лён
    © Sputnik Альфрэд Мікус

    Пасля абрывання галовак сцябло льну разміналі на "мялках" або "церніцах", каб вызваліць з яго валакно. На Беларусі вядомыя нахільныя і гарызантальныя мялкі. Іх рухомыя часткі — білы — мелі адно ці два рэбры.

  • Беларускі лён
    © Sputnik Альфрэд Мікус

    Пасля апрацоўкі на мялках рэшткі кастры на валакне выдалялі пры дапамозе "трапала".

  • Беларускі лён
    © Sputnik Альфрэд Мікус

    Прыладамі для часання льну служылі драўляныя і металічныя "грэбні". Пры іх дапамозе валакно расшчаплялася на больш тонкія валаконцы і канчаткова ачышчалася ад кастры. Пасля часання льну атрымлівалася валакно рознай якасці. Адыходы ад часання ўтваралі "кудзелю".

  • Беларускі лён
    © Sputnik Альфрэд Мікус

    Валакно, якое заставалася пасля часання, — "кужаль" — спляталася ў косы і ў такім выглядзе захоўвалася да прадзення.

  • Беларускі лён
    © Sputnik Альфрэд Мікус

    Наступны этап апрацоўкі льну — прадзенне — звязаны з вырабам нітак з валакна. Звычайна ім займаліся жанчыны ў перыяд з лістапада па сакавік. Асноўнымі прыладамі прадзення былі прасніца, верацяно і самапралка.

  • Беларускі лён
    © Sputnik Альфрэд Мікус

    Працэс прадзення пачынаўся з замацавання кудзелі на прасніцы. На стойцы мацавалася кудзеля, а на донца садзілася жанчына. Стойка прасніцы, якая не мела донца, устаўлялася ў спецыяльную адтуліну ў лаве.

  • Беларускі лён
    © Sputnik Альфрэд Мікус

    Самая старадаўняя прылада для прадзення — верацяно. Яго выраблялі з драўніны ясеня, грушы ці бярозы. Пры прадзенні жанчына пальцамі правай рукі выцягвала валакно з кудзелі, адначасова трыма пальцамі левай рукі паварочвала верацяно.

Тэги:
лён, Беларусь, Народныя традыцыі, спадчына
Аптэка ў Мінску

Міністэрства аховы здароўя вядзе перамовы аб зніжэнні цэн на лекі

3
(абноўлена 11:17 02.03.2021)
Беларускае ведамства дамаўляецца аб памяншэнні кошту лекавых сродкаў напрамую з вытворцамі.

МІНСК, 2 сак – Sputnik. Цэны на пералік лекаў знаходзяцца на пастаянным кантролі Міністэрства аховы здароўя, Міністэрства антыманапольнага рэгулявання і гандлю (МАРГ) і іншых ведамстваў, паведамляе прэс-служба Міністэрства аховы здароўя Беларусі.

Нагадаем, некаторыя аптэкі пасля павелічэння падатку на даданую вартасць да 10% сталі павышаць цэны на лекавыя прэпараты. З 23 лютага ў Беларусі абмежаваны рост цэн на 50 найменняў лексродкаў першай неабходнасці, сярод якіх - амоксіцілін, анальгін, амепразол і арпетол.

Міністэрства аховы здароўя вядзе перамовы аб зніжэнні цэн на лекі наўпрост з вытворцамі, так як галоўным складнікам ў рознічным кошту прэпаратаў з'яўляецца кошт ад вытворцы. Ён складае ад 72% да 97%, адзначылі ў ведамстве.

Міністэрства аховы здароўя ўжо дамовілася з нямецкім Bayer, праўда, пакуль толькі па адной пазіцыі.

"Прадстаўніцтва кампаніі Bayer AG, Германія інфармавала Міністэрства аховы здароўя аб прынятым рашэнні аб зніжэнні кантрактных цэн для Беларусі на лекавыя сродкі: Ксарэлта 10 мг №30 - на 35%; Ксарэлта 2,5 мг №56 - на 25%", - адзначыў намеснік міністра аховы здароўя Дзмітрый Чэрэднічэнка.

Лекі па зніжанаму кошту будуць пастаўляцца ў краіну пачынаючы з бягучага месяца, дадаў ён.

З беларускім вытворцам лекаў Міністэрства аховы здароўя таксама заключыла дамоўленасць. Па словах Чэрэднічэнка, РУП "Белфармацыя" будзе рэалізоўваць рэшткі лекавых сродкаў і вырабаў медыцынскага прызначэння па старых цэнах (сфарміраваных да 1 студзеня 2021 г.).

Намеснік міністра адзначыў таксама, што "Белфармацыя" плануе захаваць даступнасць цэн на шырокі пералік лекаў за кошт унутраных рэзерваў.

"Так, рознічныя цэны на некаторыя лексродкі зменшаны за кошт памяншэння гандлёвай і аптовай надбавак, а таксама кошту набыцця", - гаворыцца ў паведамленні. Акрамя таго, у аптэчнай сетцы падаюцца зніжкі да 10% на лекі, адзначылі ў ведамстве.

Чаму цэны ўсё яшчэ адрозніваюцца?

У сувязі з абмежаваннем росту цэн на лекі, беларускія аптэкі з 1 сакавіка не могуць падымаць кошт прэпаратаў больш, чым на 0,2% у месяц.

У Міністэрстве аховы здароўя растлумачылі, чаму розніца ў цане на адзін і той жа прэпарат у розных аптэках да гэтага часу захавалася. Адрозненні ў кошту залежаць ад цаны вытворцы, часу, калі лекі паступіла на аптэчны склад, наяўнасці рэшткаў прэпарата, закупленых раней.

"Значная доля лекавых сродкаў, якія знаходзяцца ў рэалізацыі, паступала ў аптэкі і на аптэчныя склады на працягу 2020 і нават 2019 года", - растлумачылі ў ведамстве.

Асаблівы кантроль

У панядзелак прэзідэнт Беларусі Аляксандр Лукашэнка ў ходзе сустрэчы з кіраўніком Камітэта дзяржаўнага кантролю Васілём Герасімавым заявіў, што цэны на лекі будуць у краіне на асаблівым кантролі.

Кіраўнік дзяржавы адзначыў, што на беларускім рынку палова аптэк - дзяржаўныя, палова - прыватныя.

"Калі ў пачуццё не прывядзём прыватнікаў, ну што ж, тады будуць працаваць дзяржаўныя аптэкі. Але мы не можам дазволіць на здароўе людзей нажывацца. Таму лекі - на асаблівы кантроль", - падкрэсліў Лукашэнка.

Чытайце таксама:

3
Тэги:
Лекі, Цэны і кошты, цэны, Беларусь, Міністэрства аховы здароўя, Ахова здароўя