Кухня нашых продкаў: гатуем стравы з рагозу

90
(абноўлена 15:42 13.11.2020)
Ларыса Мятлеўская дзеліцца рэцэптамі з незвычайнай травы, якая дапамагала нашых продкам перажываць голад.

Цяпер мала каму вядома, што рагоз шырокалісты – не толькі лекавая, але і харчовая расліна. Ужыванне яе ў народнай кулінарыі не справядліва забытае і, тым не менш, у Беларусі існавала не мала цікавых кулінарных рэцэптаў, у якіх галоўным інгрыдыентам быў рагоз.

Падчас вандровак па Беларусі не раз даводзілася чуць, як у полі пастухі ласаваліся печанымі карэнішчамі рагозу. У народзе сцвярджалі, што ў гады ліхалецця гэта лекавая расліна не раз ратавала ад голаду. Розныя яе часткі варылі, смажылі, пяклі, марынавалі, малолі на муку, з якой пяклі хлеб і варылі кісель, гатавалі сурагат кавы.

Каб заўсёды мець пад рукой каштоўны прадукт, гаспадыні імкнуліся яго назапасіць. Асабліва гэта тычылася карэнішчаў рагозу, паколькі з іх рабілі муку або крупы.

Як нарыхтоўваць рагоз

Карэнішчы нарыхтоўваюць увосень, па завяршэнні вегетацыі, маладыя парасткі кветканосных сцяблін – у маі, лісце і кветкі - ў чэрвені, а пачаткі да маразоў.

Карэнішчы нашы продкі сушылі, захоўвалі ў палатняных мяшочках і выкарыстоўвалі па патрэбе. Дарэчы муку з рагозу пачалі рабіць ужо 30 тысяч гадоў таму. Але ў муцэ з рагозу мала клейкавіны. Каб хлеб атрымаўся смачнейшым з цягам часу пры яго выпяканні гаспадыні сталі дадаваць жытнюю або пшанічную муку.

Навукоўцы сцвярджаюць, што пажыўная каштоўнасць рагозу вагаецца ў межах ад 72 да 87 ккал на 100 грамаў. Багатыя на  крухмал, цукар, бялок, аскарбінавую кіслату, карацін, солі жалеза, калія, марганца, цынка, медзі і крыху тлушчу. Крухмалу ў іх столькі ж, колькі і ў бульбе.

Найпрасцей прыгатаваць карэнішчы рагозу так, як гэта рабілі пастухі, якія пяклі яго на вуголлях і пасля абіралі абгарэлыя скарынкі. Запечаныя ў духоўцы або печы карэнішчы рэжуць на кавалкі і паліваюць алеем або сметанковым маслам. З папярэдне высушаных карэнішчаў рагозу лёгка прыгатаваць і напітак накшталт кавы.

Як высушыць карэнішчы рагозу

Памытыя і пачышчаныя ад тонкіх бакавых карэнчыкаў і вонкавай скуркі карэнішчы трэба дробна нарэзаць і сушыць у духоўцы пры тэмпературы 50-60 градусаў да крохкасці. Захоўваюць іх не больш за паўтары гады.

"Кава" з карэнішчаў рагозу шырокалістага

Інгрыдыенты на 200 мл напою:

  • 40 г карэнішчаў рагозу
  • 200 г вады
  • Цукар па смаку

Як гатаваць:

Растаўчы ў ступцы невялікія, крохкія кавалачкі карэнішчаў рагозу і пасмажыць іх на сухой патэльні або ў гарачай духоўцы да пабурэння. Змалоць у кавамолцы і варыць як звычайную каву.

Можна ў такую каву дадаваць цыкорый. У такім выпадку на 200 мілілітраў напою спатрэбіцца 20 г карэнішчаў рагозу і 20 г кораню цыкорыя.

Карэнішчы рагозу, тушаныя з бульбай

Інгрыдыенты:

  • 200 г карэнішчаў рагозу
  • 150 г бульбы
  • 5 г кропу
  • 10 г сметанковага масла
  • Соль па смаку

Як гатаваць:

Карэнішчы вымыць, нарэзаць на кавалачкі даўжынёй 2-3 см, адварыць у падсоленай вадзе. Ваду зліць, дадаць да рагозу пакрышаную бульбу, масла, соль і тушыць да гатовасці бульбы. Гатовую страву пасыпаць зелянінай кропу.

У ежу ўжываюць не толькі карэнішчы рагозу, але і маладыя парасткі, якія таксама марынавалі, смажылі і елі сырымі. Багаты на вітаміны і мінералы пылок ужывалі як спецыю да мяса і рыбы.

Карэнішчы рагозу, тушаныя з морквай

Інгрыдыенты:

  • 200 г карэнішчаў рагозу
  • 50 г парасткаў рагозу
  • 30 г морквы
  • 5 г кропу
  • 7 г пятрушкі
  • 20 г сметанковага масла
  • Соль па смаку
  • Перац па смаку

Як гатаваць:

Карэнішчы памыць, пачысціць ад скуркі, нарэзаць на кавалачкі. Парасткі або маладое лісце нарэзаць, усё адварыць у падсоленай вадзе да паўгатовасці. Выняць з вады, пакласці на патэльню з растопленым сметанковым маслам, тушыць пад накрыўкай з буйна нацёртай морквай, калі страва амаль гатовая, дадаць таматны соус, зеляніну кропу і пятрушкі, соль і спецыі па смаку.

Парасткі рагозу шырокалістага, смажаныя ў сухарах

Інгрыдыенты:

  • 120 г парасткаў рагозу
  • 15 г сметанковага масла або алею
  • 10 г таматнага соуса
  • 10 г паніровачных сухароў
  • Соль па смаку
  • Спецыі па смаку

Як гатаваць:

Парасткі рагозу адварыць у падсоленай вадзе, адкінуць на дуршлаг і запаніраваць у сухарах, абсмажыць на масле або алеі. Падаць з таматным соусам.

Парасткі рагозу шырокалістага вараныя

Інгрыдыенты:

  • 120 г парасткаў рагозу
  • 15 г сметанковага масла
  • 10 г таматнага соуса
  • Соль і спецыі па смаку

Як гатаваць:

Маладыя парасткі рагозу памыць у халоднай вадзе, апаласнуць у цёплай кіпячонай вадзе, адварыць у падсоленай вадзе, адкінуць на дуршлаг і даць вадзе сцячы. Падаць з таматным соусам і растопленым вяршковым маслам.

Папярэджанне: Памятаючы, што рагоз - лекавая расліна, ужываць яго трэба ў меру. Асабліва людзям з вялікай вагой і схільнасцю да запораў, а таксама алергікам. У гэтым выпадку стравы каштуюць у невялікіх порцыях і сочаць за станам свайго здароўя.

90
Тэги:
беларуская кухня, Ларыса Мятлеўская
Тэмы:
Прыродная сталоўка: гатуем з таго, што пад нагамі (69)

Каханне пераадолее ўсё: лепшыя вясельныя фота 2020

24
(абноўлена 12:06 30.11.2020)
  • Здымак аўстралійскага фатографа Джэймса Сіманса, які перамог у конкурсе 2020 International Wedding Photographer of the Year
  • Праца амерыканскага фатографа Антоніа Кратчлі, якая заняла другое месца ў конкурсе
  • Здымак новазеландскага фатографа Коралі Стоўн, які перамог у катэгорыі BRIDAL PARTY
  • Канадскі дуэт фатографаў Шары + Майк Валелі перамог у катэгорыі FROM ABOVE
  • Фотаздымак аўстралійскага фатографа Кігалі Кронін, які перамог у катэгорыі SINGLE CAPTURE
  • Здымак харвацкага фатографа Мідхата Мулабдзіка, які перамог у катэгорыі SOLO PORTRAIT
  • Праца французскага фатографа Патрыка Ломберта, які перамог у катэгорыі COUPLE PORTRAIT
  • Праца амерыканскага фатографа Брытані Дыліберта, якая перамагла ў катэгорыі DANCE FLOOR
  • Здымак канадскіх фатографаў Вірджыніі Штробель і Эвана Чыкалюка, які перамог у катэгорыі EPIC LOCATION
  • Праца харвацкага фатографа Мідхата Мулабдзіка перамагла ў катэгорыі THE RISING (NINJA) STAR
  • Фотаздымак расійскага фатографа Кацярыны Мухінай, які стаў фіналістам ў катэгорыі EPIC LOCATION у конкурсе 2020 International Wedding Photographer of the Year.
  • Здымак іспанскага фатографа Карласа Альберта Пейшоту Ферэйра, які стаў фіналістам ў катэгорыі COUPLE PORTRAIT.
  • Здымак аўстралійскага фатографа Дэміена Мілана, які стаў фіналістам у катэгорыі EPIC LOCATION у конкурсе 2020 International Wedding Photographer of the Year.
  • Фотаздымак польскага фатографа Кшыштафа Краўчыка, які стаў фіналістам у катэгорыі DANCE FLOOR у конкурсе 2020 International Wedding Photographer of the Year.
  • Яшчэ адзін фіналіст у катэгорыі DANCE FLOOR - італьянскі фатограф Мірка Тураці.
  • Праца чэшскага фатографа Дэвіда Ліхтага, якая выйшла ў фінал у катэгорыі EPIC LOCATION у конкурсе 2020 International Wedding Photographer of the Year.
Толькі шчырыя эмоцыі, бясконцае каханне, неверагоднае пачуццё стылю - і ніякіх шаблонаў і банальнасцяў. Менавіта так здымаюць вясельныя фатографы, якія перамагаюць на конкурсах.

Глядзіце ў фотастужцы Sputnik кадры пераможцаў міжнароднай прэміі "Лепшы вясельны фатограф 2020 года" - International Wedding Photographer of the Year.

Чытайце таксама:

24
  • Здымак аўстралійскага фатографа Джэймса Сіманса, які перамог у конкурсе 2020 International Wedding Photographer of the Year

    Здымак аўстралійскага фатографа Джэймса Сіманса, які перамог у конкурсе 2020 International Wedding Photographer of the Year. "На розум адразу ж прыйшоў сімвал інь і янь, але пазней, калі я апрацоўваў малюнак, трапіў пад уплыў вобразаў шахматнага караля і каралевы, што таксама добра спрацавала візуальна".

  • Праца амерыканскага фатографа Антоніа Кратчлі, якая заняла другое месца ў конкурсе

    Праца амерыканскага фатографа Антоніа Кратчлі, якая заняла другое месца ў конкурсе. "Юнія і Гамаліэль - самая мілая пара, якую я калі-небудзь фатаграфаваў. У іх было шмат крэатыўных ідэй і яны прывезлі на здымкі шмат рэквізіту. Для гэтага кадра я папрасіў іх сесці ў машыну і прадставіць, што яны чытаюць нешта цікавае ў газеце".

  • Здымак новазеландскага фатографа Коралі Стоўн, які перамог у катэгорыі BRIDAL PARTY

    Здымак новазеландскага фатографа Коралі Стоўн, які перамог у катэгорыі BRIDAL PARTY. "Нявеста Кендра ўсё яшчэ рабіла макіяж і прычоску, у той час як яе сяброўкі апраналіся. Энергія ў пакоі была шалёнай, час цырымоніі набліжаўся. Хтосьці агучыў ідэю, што мы павінны зрабіць фота "we're-in-our-shape- wear-kardashian-lol", і дзяўчаты хутка сабраліся разам, уключаючы Крыс Джэнер (маці нявесты)".

  • Канадскі дуэт фатографаў Шары + Майк Валелі перамог у катэгорыі FROM ABOVE

    Канадскі дуэт фатографаў Шары + Майк Валелі перамог у катэгорыі FROM ABOVE. "Падчас здымак мы заўсёды шукаем іншую перспектыву. Калі я ўбачыў балкон наверсе, я зразумеў, што гэта лепшыя месца, каб зняць, як госці будуць піць шоты з лыжы ў бары".

  • Фотаздымак аўстралійскага фатографа Кігалі Кронін, які перамог у катэгорыі SINGLE CAPTURE

    Фотаздымак аўстралійскага фатографа Кігалі Кронін, які перамог у катэгорыі SINGLE CAPTURE. "Пара з Ньюкасла, Аўстралія, хацела зрабіць некалькі партрэтаў на пляжы, таму я пайшоў з імі на шпацыр. (...) Многія людзі каментуюць, што выява маляўнічая і падобная да твора мастацтва. Я думаю, што гэта проста было поспехам - апынуцца у патрэбным месцы ў патрэбны час".

  • Здымак харвацкага фатографа Мідхата Мулабдзіка, які перамог у катэгорыі SOLO PORTRAIT

    Здымак харвацкага фатографа Мідхата Мулабдзіка, які перамог у катэгорыі SOLO PORTRAIT. "Фатаграфія была зроблена на вяселлі ў Лазане, Швейцарыя, і заснаваная на традыцыйнай любові жанчын да туфляў. Я заўсёды імкнуся фатаграфаваць стандартныя рэчы і вясельныя мерапрыемствы па-іншаму. Таму я з усіх сіл імкнуся паказаць звычайныя рэчы ў рэальных жыццёвых сітуацыях, дадаючы чалавечы фактар".

  • Праца французскага фатографа Патрыка Ломберта, які перамог у катэгорыі COUPLE PORTRAIT

    Праца французскага фатографа Патрыка Ломберта, які перамог у катэгорыі COUPLE PORTRAIT. "Мне падабаецца гуляць з аб'ёмамі і лініямі. Калі я ўбачыў гэтую алею дрэў, я адчуў графічны патэнцыял сцэны. Фотаздымак мог быць звычайнай выявай сілуэтаў, але элегантны скачок жаніха зрабіў яго асаблівым".

  • Праца амерыканскага фатографа Брытані Дыліберта, якая перамагла ў катэгорыі DANCE FLOOR

    Праца амерыканскага фатографа Брытані Дыліберта, якая перамагла ў катэгорыі DANCE FLOOR. "Калі я сустрэў Райана і Эрыка, мяне ўразілі дзве рэчы: наколькі яны падтрымліваюць адзін аднаго і што іх першая задача пры планаванні вяселля заключалася ў тым, каб падарыць гасцям незабыўныя ўражанні. Пасля сустрэчы з дрэг-квін Лейлані Лопес я зразумеў, што яе выступ стане яркай падзеяй іх дня!"

  • Здымак канадскіх фатографаў Вірджыніі Штробель і Эвана Чыкалюка, які перамог у катэгорыі EPIC LOCATION

    Здымак канадскіх фатографаў Вірджыніі Штробель і Эвана Чыкалюка, які перамог у катэгорыі EPIC LOCATION. "Мірна і Джэймі хацелі, каб вяселле было максімальна натуральным і вясёлым. Іх прыярытэтам было правесці час удалечыні ад гарадской мітусні і ўцячы ў суровыя скалістыя горы, паколькі яны заўзятыя вандроўцы і даследчыкі".

  • Праца харвацкага фатографа Мідхата Мулабдзіка перамагла ў катэгорыі THE RISING (NINJA) STAR

    Праца харвацкага фатографа Мідхата Мулабдзіка перамагла ў катэгорыі THE RISING (NINJA) STAR. Намінацыя "Узыходзячая зорка" сумесна з Studio Ninja ўручаецца ўдзельніку, які трапіў у спіс 100 лепшых работ, прадэманстраваў цудоўную тэхніку і ўнікальны, смелы погляд вясельнага фатографа. "Будзь то вялікае вяселле, сціплая цырымонія або змовіны, ён падыходзіць да кожнай пары як да унікальнай гісторыі".

  • Фотаздымак расійскага фатографа Кацярыны Мухінай, які стаў фіналістам ў катэгорыі EPIC LOCATION у конкурсе 2020 International Wedding Photographer of the Year.

    Фотаздымак расійскага фатографа Кацярыны Мухінай, які стаў фіналістам ў катэгорыі EPIC LOCATION у конкурсе 2020 International Wedding Photographer of the Year.

  • Здымак іспанскага фатографа Карласа Альберта Пейшоту Ферэйра, які стаў фіналістам ў катэгорыі COUPLE PORTRAIT.

    Здымак іспанскага фатографа Карласа Альберта Пейшоту Ферэйра, які стаў фіналістам ў катэгорыі COUPLE PORTRAIT.

  • Здымак аўстралійскага фатографа Дэміена Мілана, які стаў фіналістам у катэгорыі EPIC LOCATION у конкурсе 2020 International Wedding Photographer of the Year.

    Здымак аўстралійскага фатографа Дэміена Мілана, які стаў фіналістам у катэгорыі EPIC LOCATION у конкурсе 2020 International Wedding Photographer of the Year.

  • Фотаздымак польскага фатографа Кшыштафа Краўчыка, які стаў фіналістам у катэгорыі DANCE FLOOR у конкурсе 2020 International Wedding Photographer of the Year.

    Фотаздымак польскага фатографа Кшыштафа Краўчыка, які стаў фіналістам у катэгорыі DANCE FLOOR у конкурсе 2020 International Wedding Photographer of the Year.

  • Яшчэ адзін фіналіст у катэгорыі DANCE FLOOR - італьянскі фатограф Мірка Тураці.

    Яшчэ адзін фіналіст у катэгорыі DANCE FLOOR - італьянскі фатограф Мірка Тураці.

  • Праца чэшскага фатографа Дэвіда Ліхтага, якая выйшла ў фінал у катэгорыі EPIC LOCATION у конкурсе 2020 International Wedding Photographer of the Year.

    Праца чэшскага фатографа Дэвіда Ліхтага, якая выйшла ў фінал у катэгорыі EPIC LOCATION у конкурсе 2020 International Wedding Photographer of the Year.

Тэги:
Вяселле, фотаздымкі
Народныя прыкметы на снежань: тэст

Народныя прыкметы на снежань: тэст

459
(абноўлена 17:11 27.11.2020)
Калі будзе адліга, а калі маразы, што з'яўляецца знакам працяглай зімы – прайдзіце тэст на Sputnik і даведайцеся, наколькі добра вы ведаеце звычаі продкаў або разумееце навакольную прыроду.

Па тым, як ляжыць снег, мыецца котка і спяваюць птушкі, нашы продкі маглі не толькі прадказаць, якім будзе надвор'е, але і даведацца пра ўраджай на наступны год.

Прыродныя знакі маглі быць прымеркаваныя да канкрэтнага дня, а маглі ўзнікаць штодзень на працягу месяца і нават больш, але і па гэтых сталых прыкметах вяскоўцы бачылі, ці ўродзіцца жыта, ці будзе ў возеры рыба і наколькі хутка прыйдзе вясна.

Sputnik сабраў прыкметы, якім верылі нашы продкі: прайдзіце тэст і даведайцеся, ці здольныя вы прадказаць будучыню.

Чытайце таксама: 

459
Тэги:
народныя прыкметы, Надвор'е, тэст
Оскар

Драму Перэльмана "Урокі фарсі" вылучылі на "Оскар" ад Беларусі

0
(абноўлена 18:11 01.12.2020)
Фільм апавядае пра падзеі 1942 гады ў акупаванай Еўропе, у галоўных ролях - Ларс Айдзінгер і Науэль Перэс Біскаярт.

МІНСК, 1 сне - Sputnik. Карціна "Урокі фарсі", знятая рэжысёрам Вадзімам Перэльманам, вылучана на "Оскар" ад Беларусі ў намінацыі "Лепшы фільм на замежнай мове", паведаміла прэс-служба кампаніі "Белыя ночы".

Публіка ўбачыла фільм упершыню на Берлінскім кінафестывалі ў праграме Berlinale Special. Па дадзеных кампаніі Hype Film, якая займаецца продажам правоў на карціну, яе плануюць паказаць больш, чым у 50 краінах свету.

"Фільм Вадзіма Перэльмана "Урокі фарсі" вылучаны на "Оскар"ад Беларусі. Карціна створана ў капрадукцыі Расіі, Германіі і Беларусі, дзе праходзілі здымкі драмы", - распавялі ў прэс-службе.

Пра што фільм "Урокі фарсі"

Па сюжэце, падзеі кіно адбываюцца ў 1942 годзе ў акупаванай Еўропе. Галоўны герой - вязень канцлагера, бельгіец з яўрэйскімі каранямі Жыль Крэм'е - прыкідваецца персам, каб пазбегнуць смяротнага пакарання. У гэтым яму дапамагае антыкварная кніга персідскіх казак, якую ён вымяняў у апошнія хвіліны перад расстрэлам на бутэрброд.

Тым часам повар у канцлагеры, Клаўс Кох, марыць пра тое, як пасля вайны паедзе ў Іран да брата і адчыніць там свой рэстаран. Коху для дасягнення сваёй мэты трэба ведаць фарсі, калегі па канцлагеры, даведаўшыся пра персідскае паходжанне Жыля, адпраўляюць зняволенага вучыць повара новай мове.

"Наша карціна дзіўна актуальная часу. Гэтая глыбокая гісторыя напоўнена трагедыяй, іроніяй, зараджэннем надзеі і дружбы ў самых неверагодных абставінах. Я асабліва шчаслівы магчымасці шырока паказаць наш фільм міжнароднай аўдыторыі", - так адклікаецца аб карціне яе рэжысёр Вадзім Перэльман.

93 цырымонія ўручэння прэмій Амерыканскай кінаакадэміі пройдзе 25 красавіка 2021 года.

0
Тэги:
Беларусь, Оскар (прэмія)