Бакалы з шампанскім, архіўнае фота

Марынаваныя вочы авечкі: тузін самых дзіўных сродкаў ад пахмелля

204
(абноўлена 09:06 01.01.2021)
Змагацца з пахмеллем можна як традыцыйнымі спосабамі, напрыклад, выпіць расол з агуркоў, так і нетрадыцыйнымі. Для гэтага спатрэбяцца смажаныя перапёлкі, яйкі пугача, бычынае малако і яшчэ шмат "прысмакаў".

Каб сустрэць свята ў поўным узбраенні, а пасля яго хутка вярнуцца ў належны выгляд, Sputnik падрыхтаваў падборку самых дзіўных сродкаў барацьбы з пахмеллем, якімі карыстаюцца ці некалі карысталіся ў свеце.

Старажытны Рым

Грамадзяне Старажытнага Рыма часцяком прачыналіся і адчувалі сябе так, быццам у іх галаве адбывалася гонка на калясніцах, але ж знаходзілі ў сабе сілы справіцца з гэтым. Пліній Старэйшы раіў добра пасмажыць канарэйку і хутка яе з'есці. Пакуль вы не распачалі паляванне на птушак, пераходзім да менш крыважэрных спосабаў.

Стихийная торговля соленьями в Минске
© Sputnik Андрей Диченко
Беларусы не выкарыстоўваюць крыважэрныя спосабы барацьбы з пахмеллем

Старажытная Грэцыя

Старажытныя грэкі елі на сняданак лёгкія авечкі і яйкі пугача.

Намібія

Раніцай жыхары Намібіі п'юць бычынае малако. Гэта ўсяго толькі густыя тапленыя вяршкі, цёмны ром, сметанковы лікёр і звычайныя вяршкі. Такое адчуванне, што гэтым напоем можна нават зарабіць пахмелле, але ж у Намібіі ўпэўненыя, што дапамагае.

Пуэрта Рыка

Кажуць, што жыхары Пуэрта Рыка ведаюць, як прадухіліць пахмелле. Перад вечарам яны шаруюць падпаху той рукі, якой яны будуць піць, кавалачкам лімона. Яны спадзяюцца, што гэта дапаможа пазбегнуць абязводжвання.

Соус из укропа и лимонов
© Sputnik Людмила Янковская
Лімон заўсёды спатрэбіцца

Японія

Пасля ўжывання вялікай колькасці сакэ ў бары Токіа, японцы ядуць умебошы — марынаваныя высушаныя фрукты, якія нагадваюць абрыкос або сліву. Сам фрукт вельмі кіслы, таму яго вымочваюць у зялёнай гарбаце, якую потым выпіваюць.

Германія

Перабралі? Прыйшоў час для katerfrühstück, адмысловага сняданку — рулецік з сырога марынаванага селядца з карнішонамі і лукам.

Канада

Вось тут усё робяць правільна: пасля фінальнага куфля піва LaBatt канадцы бяруць бульбу фры з сырам і вострым соусам.

Картофель фри
© Pixabay
Бульба фры

Сіцылія

Тры словы: высушаны бычыны пеніс. Цяпер гэта ўжо не ў фаворы, але ў мінулым — жыхары Сіцыліі верылі, што гэта верне ім іх мужнасць.

Гаіці

Некаторыя майстры Вуду вельмі крыўдзяцца на сваё пахмелле, яны праколваюць 13 іголкамі вінны корак.

Ірландыя

Паводле падання, лепшы спосаб пазбавіцца ад пахмелля — каб цябе закапалі па шыю ў вільготным рачным пяску. Ірландыя — гэта не цёплая краіна, так што пясок будзе даволі халодным. Эфект павінен атрымаецца, як ад халоднага душа.

В'етнам

Тут людзі здрабняюць рог насарога, змешваюць усё гэта ў гарачай вадзе і выпіваюць. Гэта лекі ад усяго, ад алергіі да раку. У выніку ў гэтай краіне вялікі попыт на рогі насарогаў. Хоць па праўдзе, гэта наўрад ці працуе.

Манголія

Жыхары гэтай краіны спраўляюцца з пахмеллем пры дапамозе адмысловага кактэйлю — таматавы сок і марынаваныя вочы авечкі.

204
Тэги:
традыцыі, Навагоднія святы, Увесь свет
Тэмы:
Новы год - 2020 (44)
Карціна Хаіма Суціна Ева

Хаім Суцін: жабрацтва ў Парыжы і самая дарагая карціна ў Беларусі

301
(абноўлена 16:30 13.01.2021)
Сёння спаўняецца 128 гадоў са дня нараджэння беларускага мастака-экспрэсіяніста Хаіма Суціна.

Выбітны прадстаўнік Парыжскай школы нарадзіўся ў 1893 годзе ў мястэчку Смілавічы, пад Мінскам, у сям'і яўрэйскага краўца. Дзяцінства Суціна прайшло ў беднаце: хлопчыку пастаянна не хапала ежы і калі-некалі ён краў са стала бульбу і збягаў у лес, каб падсілкавацца і вярнуцца да хаты за пакараннем.

Змагацца з серасцю будняў будучаму мастаку дапамагала фантазія. Яна ж дапамагла "выбіцца ў людзі": маці заўважыла здольнасці хлопчыка і адправіла яго ў Мінск да мясцовага мастака Кругера. Вучыцца Хаім Суцін адправіўся разам з Міхаілам Кікоіным, які пазней таксама ўвайшоў у кагорту Парыжскай школы. Пасля Мінска была Вільня, а потым — Парыж.

З 1912 года пачынаецца французская гісторыя Суціна: ён працуе ў міжнародный творчай камуне "Вулей" у Пасажы Данцыг. Сярод новых знаёмых — Марк Шагал, Рабер Дэланэ, Фернан Лежэ.

Мастак не хацеў капіраваць чужыя працы, там хутка кінуў акадэмічнае навучанне і цэлымі днямі прападаў у Луўры. Сярод яго творчых дзівацтваў называюць яшчэ і тое, што ён ніколі не маляваў эскізаў алоўкам: рабіў пару штрыхоў вуглем і адразу ж браўся за фарбы. Вядома, што карціны Суціна сталі натхненнем для Джэксана Полака і Фрэнсіса Бэкана.

Суцін спрабаваў праявіць свой талент па ўсіх напрамках: кубізм, футурызм, дадаізм і сюрэалізм. Адным з галоўных матываў яго творчасці стала адчуванне жыцця як пастаяннага душэўнага болю. Напрыклад, у дваццатыя гады мастак Хаім Суцін намаляваў серыю карцін з мертвымі жывеламі. Вядома, што маляваў ён з натуры: бычыя тушы віселі ў яго масцярской, гнілі і збіралі вакол сябе мух. Мастак не звяртаў на гэта аніякай увагі і толькі калі-некалі паліваў мяса свежай кроўю.

Мастак вельмі неардынарна ставіўся да творчага працэсу і некаторыя свае карціны маляваў голым. Але, некаторыя кажуць, што гэта дзіўнасць тлумачылася даволі празаічна: ён не хацеў пэцкаць адзенне, таму што вольных грошай  на новае не было.

Адзін з самых вядомых твораў Суціна — карціна "Ева" — была прададзеная за 1.805.000 долараў і таму прызнана "самай дарагой карцінай Беларусі".

Хаім Суцін як сапраўдная творчая натура паводзіў сябе з астатнімі не вельмі ветліва і яго лічылі грубым і замкнёным чалавекам. Ён часта мяняў кватэры, не звяртаў увагі на чысціню і хатнія дробязі. Сучаснікі казалі, што ён "ажаніўся з мастацтвам", таму аб адносінах з жанчынамі не магло быць размовы. Адзінай жанчынай стала немка Герда Грот, што з'явілася ў яго жыцці ў 1937 годзе, але ўжо ў 1943 годзе Хаім Суцін памёр ад язвавай хваробы страўніка.

Зараз творы мастака прадстаўлены ў найбуйнейшых музейных зборах Еўропы і ЗША. Напрыклад, у 1997 г. Эрмітаж (Санкт-Пецярбург) набыў "Аўтапартрэт" Суціна, а ў Парыжы, недалёка ад вакзала Манпарнас, Суціну ўсталяваны бронзавы помнік скульптара А. Блатаса.

301
Тэги:
Хаім Суцін, Францыя, Беларусь
Калядныя песні: сеем, веем, падсяваем, з Новым годам паздраўляем!

Калядныя песні: я каза-страказа, за тры грошы куплена, паўбока аблуплена

3745
(абноўлена 12:42 05.01.2021)
Рэпертуар калядоўшчыкаў складаецца як з жартаўлівых прыпевак, у якіх яны заклікаюць гаспадароў падзяліцца прысмакамі, каб у хаце ўвесь будучы год быў лад і дабрабыт, так і з сапраўдных рэлігійных гімнаў.

Калядаваць, або шчадраваць, было прынята ў кожнай беларускай вёсцы, а зараз і ў гарадах маладыя людзі пераапранаюцца ў кажухі навыварат, хаваюць твары пад маскамі і ходзяць па кватэрах сяброў. Sputnik ужо пісаў, як зрабіць сапраўдны беларускі калядны касцюм, а сёння мы прапануем вам пазнаёміцца з традыцыйнымі спевамі, якія этнограф Таццяна Кухаронак сабрала па ўсёй Беларусі.

Мы захавалі асаблівасці беларускіх гаворак, распаўсюджаных на той ці іншай тэрыторыі, каб вы ўбачылі калядкі ў тым выглядзе, у якім іх, магчыма, і зараз спяваюць на Кобрыншчыне, Слонімшчыне, Камянеччыне і іншых мясцінах.

Чытайце таксама:

3745
Тэги:
Беларуская мова, Каляды
Тэмы:
Беларускія Каляды

Імпічмент Трампу і інаўгурацыя Байдэна: што адбываецца ў Вашынгтоне - відэа

0
(абноўлена 14:34 16.01.2021)
Палата прадстаўнікоў ЗША прагаласавала за імпічмент прэзідэнту Дональду Трампу з-за беспарадкаў у Капітоліі, тым часам на ўсю моц ідзе падрыхтоўка інаўгурацыі Джо Байдэна. Глядзіце на відэа, што адбываецца ў Вашынгтоне.

Дональд Трамп стаў першым прэзідэнтам ЗША у гісторыі, якога двойчы падвергнулі імпічменту падчас яго знаходжання на пасадзе. Палата прадстаўнікоў Кангрэсу ЗША адобрыла рэзалюцыю аб імпічменце дзеючага прэзідэнта краіны, абвінаваціўшы яго ў "падбухторванні да нападзення" на будынак Капітолія, якое адбылося ў сераду, 6 студзеня.

Тэкст рэзалюцыі аб імпічменце быў абнародаваны ў панядзелак, і праз два дні ён быў прыняты ў ходзе галасавання усімі дэмакратамі і дзесяццю рэспубліканцамі. За імпічмент дзеючага прэзідэнта ЗША прагаласавалі 232 чалавекі, супраць - 197.

Лідэр рэспубліканскага большасці Мітч Маконэл заявіў, што Сенат разгледзіць абвінавачванне пасля інаўгурацыі Джо Байдэна, якая адбудзецца 20 студзеня. Тым часам у Вашынгтоне ідзе падрыхтоўка да цырымоніі інаўгурацыі Байдэна.

Працоўныя манціруюць сцэну і дэкарацыі для мерапрыемства, а вакол будынка ўзмацняецца бяспека: усталёўваюць платы і блакіруюць дарогі, паліцэйскія і нацыянальная гвардыя ахоўваюць уваходы вакол.

Пасля штурму Капітолія ЗША прыхільнікамі Трампа на мінулым тыдні ФБР папярэдзіла аб запланаваных узброеных пратэстах у Вашынгтоне перад інаўгурацыяй.

Паведамляецца, што 20 студзеня Нацыянальная гвардыя накіруе ў акругу Калумбія 20 тысяч вайскоўцаў для ўзмацнення бяспекі.

Чытайце таксама:

0
Тэги:
ЗША, інаўгурацыя, Кангрэс ЗША