Навагодні стол

Калі вы стаміліся ад "Адзін дома": лепшыя навагоднія фільмы на мове

273
(абноўлена 08:03 01.01.2021)
Не ведаеце, як бавіць час у першы выхадны новага года, калі на вуліцы нямы ні сняжынкі? Sputnik прапануе падборку нясумнага кіно, агучанага на беларускай мове.

Што можа быць лепей, чым схавацца пад цёплай і пушыстай коўдрай з кубкам какавы або гарбаты пад любімы фільм? Sputnik сабраў некалькі зімовых стужак, якія прыйдуцца да спадобы і дзецям, і дарослым.

Хронікі Нарніі: Леў, вядзьмарка і гардэроб

У чароўным каралеўстве Нарнія наступіла вечная зіма, якую наслала злая вядзьмарка. Чацвёра дзяцей з нашага міру, у адпаведнасці са старажытным прароцтвам, здольныя палажыць канец марозам і перамагчы варожае воінства. Гісторыя пра сяброўства і здраду, веру ў цуд і адвагу не пакіне абыякавымі ні малых, ні іх бацькоў.

Гісторыя Раства

Біблейская гісторыя ажывае ў стужцы Кэтрын Гардуік. Фільм пачынаецца досыць крывава – з забойства немаўлят па загадзе цара Ірада. Далей падзеі вяртаюцца на год назад – да Дабравешчання і нараджэння Ісуса Хрыста. Стужка распавядае пра лёс Марыі і Іосіфа, пакланенне валхвоў і ўцёкі бацькоў Збаўцы ў Егіпет. У фільме ўздымаюцца філасофскія і рэлігійныя пытанні і падзеі ў першую чаргу нагадваюць аб чалавечай годнасці, сумленні і стойкасці перад цяжкімі іспытамі.

Аднойчы ў Токіа

Трэйлер на рускай мове

Аніміраваная стужка распавядае гісторыю трох беспрытульнікаў, якія напярэдадні Раства раптоўна знаходзяць на вуліцы кінутае немаўля. Аб'яднаўшыся ў спробах знайсці бацькоў дзяўчынкі, яны і не ведаюць, што знаходзяцца на шляху іншага важнага пошуку – пошуку саміх сабе.

Балта

Трэйлер на рускай мове

Зімовы мультфільм пра сапраўднае цуда – які, дарэчы, заснаваны на рэальных падзеях. У Алясцы здарылася эпідэмія дыфтэрыі, і прывезці лекі можна толькі на сабачай запрэжцы. Але ў завіруху запрэжка збіваецца са шляху і дзецям дапамагчы вырашае Балта, якога не любяць у пасёлку за тое, што ён на палову воўк.

Падынгтан

Добрая і мілая стужка пра мядзведзяня Падынгтана не распавядае пра Каляды і Новы год, але таксама вяртае веру ў цуд. Лёгкі англійскі гумар, з якім падаецца гісторыя мядзведзяня, якое прыехала ў Лондан у пошуках сям'і, суседствуе з глыбокім філасофскім сэнсам, сямейнымі каштоўнасцямі і пошукамі сябе.

273
Тэги:
Беларуская мова, кіно, Новы год
Карціна Хаіма Суціна Ева

Хаім Суцін: жабрацтва ў Парыжы і самая дарагая карціна ў Беларусі

350
(абноўлена 16:30 13.01.2021)
Сёння спаўняецца 128 гадоў са дня нараджэння беларускага мастака-экспрэсіяніста Хаіма Суціна.

Выбітны прадстаўнік Парыжскай школы нарадзіўся ў 1893 годзе ў мястэчку Смілавічы, пад Мінскам, у сям'і яўрэйскага краўца. Дзяцінства Суціна прайшло ў беднаце: хлопчыку пастаянна не хапала ежы і калі-некалі ён краў са стала бульбу і збягаў у лес, каб падсілкавацца і вярнуцца да хаты за пакараннем.

Змагацца з серасцю будняў будучаму мастаку дапамагала фантазія. Яна ж дапамагла "выбіцца ў людзі": маці заўважыла здольнасці хлопчыка і адправіла яго ў Мінск да мясцовага мастака Кругера. Вучыцца Хаім Суцін адправіўся разам з Міхаілам Кікоіным, які пазней таксама ўвайшоў у кагорту Парыжскай школы. Пасля Мінска была Вільня, а потым — Парыж.

З 1912 года пачынаецца французская гісторыя Суціна: ён працуе ў міжнародный творчай камуне "Вулей" у Пасажы Данцыг. Сярод новых знаёмых — Марк Шагал, Рабер Дэланэ, Фернан Лежэ.

Мастак не хацеў капіраваць чужыя працы, там хутка кінуў акадэмічнае навучанне і цэлымі днямі прападаў у Луўры. Сярод яго творчых дзівацтваў называюць яшчэ і тое, што ён ніколі не маляваў эскізаў алоўкам: рабіў пару штрыхоў вуглем і адразу ж браўся за фарбы. Вядома, што карціны Суціна сталі натхненнем для Джэксана Полака і Фрэнсіса Бэкана.

Суцін спрабаваў праявіць свой талент па ўсіх напрамках: кубізм, футурызм, дадаізм і сюрэалізм. Адным з галоўных матываў яго творчасці стала адчуванне жыцця як пастаяннага душэўнага болю. Напрыклад, у дваццатыя гады мастак Хаім Суцін намаляваў серыю карцін з мертвымі жывеламі. Вядома, што маляваў ён з натуры: бычыя тушы віселі ў яго масцярской, гнілі і збіралі вакол сябе мух. Мастак не звяртаў на гэта аніякай увагі і толькі калі-некалі паліваў мяса свежай кроўю.

Мастак вельмі неардынарна ставіўся да творчага працэсу і некаторыя свае карціны маляваў голым. Але, некаторыя кажуць, што гэта дзіўнасць тлумачылася даволі празаічна: ён не хацеў пэцкаць адзенне, таму што вольных грошай  на новае не было.

Адзін з самых вядомых твораў Суціна — карціна "Ева" — была прададзеная за 1.805.000 долараў і таму прызнана "самай дарагой карцінай Беларусі".

Хаім Суцін як сапраўдная творчая натура паводзіў сябе з астатнімі не вельмі ветліва і яго лічылі грубым і замкнёным чалавекам. Ён часта мяняў кватэры, не звяртаў увагі на чысціню і хатнія дробязі. Сучаснікі казалі, што ён "ажаніўся з мастацтвам", таму аб адносінах з жанчынамі не магло быць размовы. Адзінай жанчынай стала немка Герда Грот, што з'явілася ў яго жыцці ў 1937 годзе, але ўжо ў 1943 годзе Хаім Суцін памёр ад язвавай хваробы страўніка.

Зараз творы мастака прадстаўлены ў найбуйнейшых музейных зборах Еўропы і ЗША. Напрыклад, у 1997 г. Эрмітаж (Санкт-Пецярбург) набыў "Аўтапартрэт" Суціна, а ў Парыжы, недалёка ад вакзала Манпарнас, Суціну ўсталяваны бронзавы помнік скульптара А. Блатаса.

350
Тэги:
Хаім Суцін, Францыя, Беларусь
Калядныя песні: сеем, веем, падсяваем, з Новым годам паздраўляем!

Калядныя песні: я каза-страказа, за тры грошы куплена, паўбока аблуплена

3794
(абноўлена 12:42 05.01.2021)
Рэпертуар калядоўшчыкаў складаецца як з жартаўлівых прыпевак, у якіх яны заклікаюць гаспадароў падзяліцца прысмакамі, каб у хаце ўвесь будучы год быў лад і дабрабыт, так і з сапраўдных рэлігійных гімнаў.

Калядаваць, або шчадраваць, было прынята ў кожнай беларускай вёсцы, а зараз і ў гарадах маладыя людзі пераапранаюцца ў кажухі навыварат, хаваюць твары пад маскамі і ходзяць па кватэрах сяброў. Sputnik ужо пісаў, як зрабіць сапраўдны беларускі калядны касцюм, а сёння мы прапануем вам пазнаёміцца з традыцыйнымі спевамі, якія этнограф Таццяна Кухаронак сабрала па ўсёй Беларусі.

Мы захавалі асаблівасці беларускіх гаворак, распаўсюджаных на той ці іншай тэрыторыі, каб вы ўбачылі калядкі ў тым выглядзе, у якім іх, магчыма, і зараз спяваюць на Кобрыншчыне, Слонімшчыне, Камянеччыне і іншых мясцінах.

Чытайце таксама:

3794
Тэги:
Беларуская мова, Каляды
Тэмы:
Беларускія Каляды
Старшыня Камісіі па спартыўным праве Асацыяцыі юрыстаў Расіі, доктар юрыдычных навук, прафесар Сяргей Аляксееў

Мінск можа аспрэчыць рашэнне IIHF пра перанос хакейнага чэмпіянату - эксперт

7
(абноўлена 16:08 19.01.2021)
Рашэнне IIHF парушае статут арганізацыі і многія міжнародныя дакументы ў галіне спорту, беларускі бок павінен запатрабаваць кампенсацыі ўжо панесеных страт на арганізацыю першынства, лічыць расійскі юрыст Сяргей Аляксееў.

МІНСК, 19 сту – Sputnik. Рашэнне савета Міжнароднай федэрацыі хакея (IIHF) парушае статут арганізацыі, а таксама іншыя міжнародныя дакументы, заявіў старшыня камісіі па спартыўным праве Асацыяцыі юрыстаў Расіі Сяргей Аляксееў, каментуючы адмену федэрацыяй правядзення ЧС у Мінску. Ён падкрэсліў, што рашэнне можна абскардзіць у Спартыўным арбітражным судзе (CAS).

Таксама юрыст зазначыў, што беларускі бок можа запатрабаваць кампенсацыі страт, якія панесены пры арганізацыі чэмпіянату. Калі Мінск дакументальна пацвердзіць расходы, тады ёсць шанец гэтыя сродкі спагнаць.

"Гэта паспешлівае рашэнне, непрадуманае і юрыдычна непрапрацаванае. Яно можа негатыўна адбіцца і на маральным стане спартсменаў, можа дэмаралізаваць беларускіх спартсменаў", - дадаў ён.

Аляксееў удакладніў, што IIHF прыняла чыста палітычнае рашэнне.

"Рашэнне IIHF, прынятае па навядзенні членаў Еўрапарламента, уяўляе элемент ціску на "непаслухмяныя" краіны, якія паказваюць добрыя вынікі ў спорце", - адзначыў ён.

Эксперт упэўнены, што трэба дамагацца аргументаванага адказу МАК па прынятаму рашэнню, "каб спадзявацца не на сілу палітычнай кан'юнктуры і рэверансаў, а на сілу прававых нормаў, якія дзейнічаюць у сферы спартыўнага і алімпійскага руху".

Што не так з чэмпіянатам

Чэмпіянат свету па хакеі планавалі правесці ў сталіцах Беларусі і Латвіі. У панядзелак, 18 студзеня, Міжнародная федэрацыя хакея абвясціла, што Мінск пазбаўлены права на правядзенне мерапрыемства.

Рашэнне IIHF патлумачыла тым, што ў краіне існуюць праблемы з бяспекай з-за палітычнай сітуацыі, якая склалася. Таксама ёсць пытанні, звязаныя з пандэміяй каронавіруса.

Нагадаем, што раней Мінск заяўляў аб поўнай гатоўнасці правесці ЧС сваімі сіламі, калі Рыга адмовіцца ад сумеснай арганізацыі форуму. Цяпер статус Латвіі як суарганізатара чэмпіянату не вядомы, рашэнне па гэтым пытанні будзе разглядаць федэрацыя ў бліжэйшыя дні.

Што тычыцца кампенсацыі, Міжнародная федэрацыя хакея паабяцала выплаціць яе Беларусі, як толькі ўсе пытанні па канчатковым правядзенні форуму будуць вырашаны.

У Мінску ўжо выказалі шкадаванне з прычыны адмены чэмпіянату. Як заявіў старшыня Федэрацыі хакея Беларусі Дзмітрый Баскаў, турнір 2021 года быў бы праведзены не горш, чым у 2014 годзе. Паводле яго слоў, форум прыцягнуў бы ў краіну тысячы балельшчыкаў і журналістаў, якія "на свае вочы ўбачылі б прыгажосці Беларусі і пераканаліся ў бяспецы краіны".

Чытайце таксама:

7
Тэги:
Хакей, Беларусь, Чэмпіянат свету па хакеі 2021 года