Адкрыццё байк-сезону ў Мінску

Мінскія байкеры адкрылі мотасезон-2015

68
(абноўлена 11:45 20.04.2015)
Больш за 300 матацыклістаў з'ехалася ў беларускую сталіцу 19 красавіка ў суботу, каб абвесціць мотасезон-2015 адкрытым.

МІНСК, 20 кра — Sputnik. Беларускія байкеры адкрылі чарговы мотасезон на пляцоўцы каля Лядовага палацу па вуліцы Прытыцкага, паведаміў карэспандэнт Sputnik.

На цэрэмонію адкрыцця, не гледзячы на халоднае надвор'е, з'ехалася больш за 300 матацыклістаў. У байкераў пры пад'езде да палацу правяралі наяўнасць дакументаў супрацоўнікі ДАІ.

На пляцоўцы можна было афіцыйна здаць іспыт на катэгорыю "А". Для гэтага трэба было мець пры сабе вадзіцельскае пасведчанне на права кіравання легкавым аўтамабілем.

Мерапрыемства прыцягнула ўвагу аўтааматараў, шматлікія жыхары прыходзілі разам з дзецьмі паглядзець на "жалезных коней" самых разнастайных відаў. Тут былі прадстаўлены і класічныя, і спартыўныя, і матацыклы марак "Ява" і "Minsk".

Да адкрыцця мотасезона арганізатары зладзілі спецыяльныя конкурсы. Байкеры ўздымалі гіры, удзельнічалі ў спаборніцтве на самы павольны байк і самы гучны выхлап. Матацыклісты таксама павіншавалі ветэранаў, а тыя, у сваю чаргу, пажадалі байкерам езды без аварый.

Пасля конкурснай праграмы байкеры пабудавалі калону і з благаслаўлення святара, які акрапіў матацыклы, узялі накірунак на лінію "Сталіна"
.

68
Тэги:
Матацыклы і мапеды, Стыль жыцця, Стыль жыцця і адпачынак, Мінск, Беларусь
Каментары