Rokash адзначаюць 10-годдзе

Rokash: беларускім рокерам трэба ехаць на “Еўрабачанне”

248
(абноўлена 09:59 18.06.2015)
Удзельнікі гурта распавялі пра запіс другога альбома, пра карысць музычных конкурсаў і пра тое, што трэба рабіць, каб пацясніць хобітаў і оркаў.

Юлія Хвошч, Sputnik.

Не так даўно нэафолькавы беларускі гурт Rokash адзначыў сваё 10-годдзе. У музычным асяроддзі іх адразу назвалі "самымі цяжкімі з фолькавых і самымі лайтовымі з металічных".

За час свайго існавання гурт паспеў выступіць на шэрагу фестываляў Беларусі і бліжэйшага замежжа, прыняць удзел у атборы на "Еўрабачанне-2014", запісаць два альбомы. Зараз калектыў працуе над наступным дыскам. Мяркуецца, што ён выйдзе на пачатку 2016-га.

Ад лірыкі да казкі

Першы альбом гурта "Запалі агонь" адрозніваўся шэрагам лірычных, пранікнёных кампазіцый, да свайго юбілею яны выпусцілі EP "Пад знакам крумкача", а зараз рыхтуюцца да запісу другога паўнаварстанага альбому.

Лідэр калектыву, гісторык Лявон Казакоў, распавёў карэспандэнту Sputnik, што ў гучанні новым альбоме не будзе прынцыповых адрозневанняў ад першага, але ў плане тэкстаў гурт паспрабуе адысці ад лірыкі і прымеркаваць новы альбом да тэмы беларускай міфалогіі. Увогуле другі альбом будзе адрознівацца канцэптуальнасцю і "дарослым падыходам".

Rokash:аўтар музыкі і вакал Паліна Дулінец, аўтар тэкстаў і басіст Лявон Казакоў
© Photo : Alexandra Fevra/Hitkiller.com
Rokash:аўтар музыкі і вакал Паліна Дулінец, аўтар тэкстаў і басіст Лявон Казакоў

"Апошнім часам у мяне з'явілася такая думка, што нашай балта-славянскай міфалогіі не надаецца такой увагі, якой яна заслугоўвае", — распавёў Казакоў.

Ён адзначыў, што беларусы больш ведаюць гісторыі пра гоблінаў, оркаў, хобітаў і іншых эльфаў, чым пра сваіх нацыянальных міфалагічных герояў. Казакоў звязвае гэта з вялікай папулярнасцю твораў англійскага паэта і прафесара Джона Толкіна, які на падставе германа-скандынаўскай міфалогіі напісаў свае сусветна-вядомыя творы.

"Мы сваёй музыкай хацім звярнуць увагу аудыторыі менавіта на беларускую міфалогію, на тое, што яна вельмі багатая, але да цяперашнега часу беларускія міфалагічныя сюжэты з'яўляюцца своеасаблівай тэра-інкогніта, іх амаль ніхто не даследуе", — кажуць музыканты.

"Але гэта бездань, якой мы на самой справе не ведаем. І таму я хацеў бы, каб наш другі альбом быў прымеркаваны менавіта да беларускай міфалогіі", — дадаў Казакоў.

Творчы працэс

Апошнім часам гурт робіць шмат эксперыментаў — перакладае свае песні на італьянскую мову, удзельнічае ў музычных конкурсах, мяняюць гучанне. Не так даўно Rokash зрабілі песню "Вяртанне", якая будзе прэзентавана на бліжэйшых фэстах.

басіст Rokash, аўтар тэкстаў, Лявон Казакоў
© Photo : Alexandra Fevra/Hitkiller.com
басіст Rokash, аўтар тэкстаў, Лявон Казакоў

"Мы паэксперыментавалі, і ў песне атрымаўся гук,блізкі да альтэрнатыўнага рока-метала. Але пры гэтым неабходна захоўваць разуменне свайго гучання, і я спадзяюся, што ў нас гэта атрымалася", — сказаў лідэр калектыву.

 "Гэта абсалютна адпавядае нашай канцэпцыі — менавіта спалучэнне нейкіх беларускіх традыцыяў, беларускага гучання, беларускай гісторыі разам з найбольш актуальнымі і цікавымі сучаснымі музычнымі стылямі", — падкрэслілі Rokash.

Таму музыканты раюць не здзіўляцца, калі раптам у альбоме будзе адна песня па альтэрнатыўным метале з беларускім фолькам, а другая — па беларускім фольку з электроншчынай. "Мы лічым, што так яно і трэба".

Распавядаючы пра творчы працэс музыканты адзначылі, што ён заўжды праходзіць досыць хаатычна.

беларускі неафолькавы гурт Rokash
© Photo : Rokash
беларускі неафолькавы гурт Rokash

" Музыка ці тэкст пераважае — бывае па-рознаму. Раней спачатку Лявон пісаў тэкст, а Паліна (вакалістка — Sputnik) пісала пад яго музыку. Аранжыроўку звычайна пішу я, але бывае і так, што яна неяк сама ўзнікае падчас рэпетыцый", — распавёў гітарыст калектывў Аляксандр Акульчык.

Дарэчы музыканты доўгі час не маглі знайсці барабаншчыка па розных прычынах — шэраг іншых праектаў, недахоп часу, любоўныя перажыванні ці проста несур'ёзнае стаўленне да музыкі і разгляданне яе ў якасці хоббі. Аднойчы Казакоў прывёў у гурт барабаншчыка са свайго іншага праекта "Подых навальніцы" — і пытанне з бубначамі, нарэшце, было вырашана.

"Подых навальніцы" — беларускамоўны doom-death-metal — мае зусім іншы стыль і іншы падыход да работы. Калі Лявон прапанаваў мне пайграць у "Рокашы", я адразу падумаў, што не пацяну, таму што я граю яшчэ ў трох групах. Неяк у мяне знайшоўся вольны час, і я вырашыў паспрабаваць. Паспрабаваў і падумаў, што застануся з імі на заўжды", — распавёў апошні барабаншчык Rokash Артур Мартынаў.

Ён дадаў, што яму вельмі падабаецца працаваць у гэтым калектыве, што ўсе тут — людзі адукаваныя і цікавыя, кожны з удзельнікаў можа прыўнесці ў творчы працэс нешта сваё, асабістае.

Беларускі андэграунд і "Еўрабачанне"

У 2014-м годзе гурт Rokash паспрабаваў трапіць на музычны конкурс "Еўрабачанне" ад Беларусі.

Па словах музыкантаў, выступ на "Еўрабачанні"  - гэта своеасаблівы эксперымент. Безумоўна, у "Рокашаў" недзе ў падкорцы галаўнога мозга знаходзіліся думкі наконт таго, што "было б прышпільна паўдзельнічаць і нешта выйграць", але сэнс далёка не ў гэтым.

"Наш удзел у "Еўрабачанні" азначаў своеасаблівае выключэнне беларускай фолькавай і рокавай музыкі са своеасаблівага інфармацыйнага гетта, у якім дэ-факта, але вельмі ў вялікай ступені беларуская альтэрнатыўя музыка да гэтага часу і існуе", — патлумачылі музыканты.

На думку ўдзельнікаў гурта, музыка як з'ява — вельмі фарматны прадукт, які мае гучаць па fm- станцыях,тэлебачанні і музычных еўрапейскіх конкурсах. Сваім удзелам на "Еўрабачанні" гурт хацеў паказаць, што і беларускі андэграунд таксама мае права на вялікую аудыторыю.

Rokash на атборачным туры Еўрабачанне-2014
© Photo : Rokash
Rokash на атборачным туры "Еўрабачанне-2014"

"Еўрабачанне" тое прайшло і будзе нейкае іншае "Еўрабачанне", і ў гэтым кантэксце я бы хацеў запрасіць усіх "калег па цэху" — беларускіх альтэрнатыўных музыкантаў — не саромецца і не чакаць нечага, сідзячы на месцы, не думаць што такіе конкурсы — зусім папсовае лоббі", — сказаў Казакоў.

"Мне хацелася не столькі таго, каб Рокаш прагучаў на "Еўрабачанні", каб паехалі ў якую Аўстрыю ці іншы Гандурас, гэта было вельмі другасна, першасна было тое, каб беларуская альтэрнатыўная музыка нарэшце загучала як ёй належыць", — распавёў Казакоў.

Падчас інтэрв'ю Rokash яшчэ не ведалі пра тое, што беларускі гурт "Нагуаль" трапіў у наступны тур украінскага тэле-шоу X-factor. Але калі даведаліся, сказалі, што яны малайцы.

Rokash упершыню спявае на італьянскай мове разам з Джэрманам П'янэзэ
© Photo : Алесь Дзешчанка
Rokash упершыню спявае на італьянскай мове разам з Джэрманам П'янэзэ

"І іх перамога пацвярджае тое, што нам ёсць што паказаць, нам ёсць што граць і трэба трошкі нейкіх намаганняў па прамоўшэну гуртоў — і ўсё будзе добра, і беларуская музыка загучыць", — адзначыў Казакоў.

На дадзены момант матэрыялу ў беларускіх музыкантаў аж занадта — трэба лёгкі штуршок. І вось каб адбыўся гэты штуршок, каб лавіна гэтая пайшла ўжо далей змятаць усе шаблоны, усе бар'еры, усе шлагбаумы гэтага шоу-бізнэса, засталіся толькі нейкія маленькія моманты — напрыклад, пачаць сябе паказваць "вялікай аудыторыі" на конкурсах. І поспех гурта "Нагуаль" сведчыць менавіта пра гэта, адзначыў лідэр Rokash.

Фестывалі

Для Rokash лета — самая актыўная пара ў плане музыкі і выступаў. Усе музыканты працуюць — выкладаюць гісторыю ў ВНУ, ладзяць гук у тэатры, займаюцца іншай працай. А летам калектыў ездзіць па Беларусі і краінах бліжэйшага замежжа, выступаюць на радасць сваім прыхільнікам.

"Пакуль што можам дакладна сказаць пра тое, што бліжэйшы наш выступ адбудзецца 20-га чэрвеня ў "Дудутках" на фестывалі "Купальскае кола". Там таксама будуць такія славутыя гурты, з якімі мы лічым за гонар дзяліць сцэну", — распавялі музыканты.

Далей гурт будзе прымаць удзел у фестывалі "Гонар продкаў", прымеркаванага да 555-годдзя горада Вілейкі 4 і 5  ліпеня, а 26-га ліпеня — у "Грундвальскім фэсце" ў "Дудутках" і 8-га жніўня ў Лепелі. Зараз музыканты вядуць перамовы наконт удзелу ў іншых летніх фестывалях.

248
Тэги:
культура і мастацтва, Музычныя жанры, Музычны гурт, Музычная індустрыя, Музыка, Стыль жыцця і адпачынак, Стыль жыцця, Rokash, Увесь свет, Беларусь, Еўропа
Тэмы:
Беларуская музыка: ад панку да пост-барду (24)

Акунуцца ў палонку ў вадохрышчанскі мароз: фотаздымкі, як гэта было пад Мінскам

20
(абноўлена 22:03 19.01.2021)
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Вадохрышча на выратавальнай станцыі вадасховішча Пціч
  • Крыж на Вадохрышча
Самыя загартаваныя вернікі не забаяліся і дваццаціградусных маразоў і адправіліся напярэдадні Вадохрышча на вадасховішча пад Мінскам, дзе абсталяваны купелі для купання.

Адно з такіх месцаў для купанняў мінскія выратавальнікі падрыхтавалі на Ваўковічскім вадасховішчы пад Мінскам на выратавальнай станцыі "Пціч".

Акрамя ратавальнікаў за бяспекай тых, хто акунаецца, сачылі медыкі Чырвонага Крыжа і супрацоўнікі АСВОД.

Глядзіце ў фотастужцы Sputnik, як акуналіся ў палонку на Пцічы самыя адважныя.

Вялікі чын асвячэння вады ўжо прайшоў ва ўсіх праваслаўных храмах Беларусі. Чысцюткую ваду можна будзе набраць і ў наступныя некалькі дзён свята.

Глядзіце таксама:

20
  • Вадохрышча на выратавальнай станцыі вадасховішча Пціч
    © Sputnik / Виктор Толочко

    Мужчына акунаецца ў палонку на Ваўкавічскім вадасховішчы пад Мінскам у дзень святкавання Вадохрышча.

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    Для купанняў мінскія выратавальнікі падрыхтавалі купелі пад Мінскам на вадасховішчы "Пціч".

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    Самыя загартаваныя вернікі не забаяліся і дваццаціградусных маразоў.

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    Абавязкова пры выхадзе з ледзяной вады надзець цёплы абутак ці хаця б стаць на сухую паверхню, інакш арганізм атрымае хуткае пераахаладжэнне.

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    Гэта вельмі моцны стрэс для арганізма, лічаць урачы. Нават даросламу трэба трымацца пільнасці, да гэтага трэба рыхтавацца цэлы год, паступова: абціранні, абліванні.

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    Свята Вадохрышча адзначаецца 19 студзеня. Вялікі чын асвячэння вады прайшоў ва ўсіх праваслаўных храмах Беларусі.

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    У Святым Евангеллі сказана, што Ісуса хрысціў сам Іаан Прадвеснік. Ісус прайшоў вадохрышчанскі абрад ва ўзросце 30-ці гадоў. Легенда абвяшчае: падчас святога таінства хрышчэння на Ісуса паў Дух Святы ў абліччы голуба. Ён паслаў Хрыста адпускаць грахі чалавечыя і дараваць грэшнікам другі шанец на жыццё.

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    Палатка Беларускага Чырвонага Крыжа ля палонкі на Ваўкавічскім вадасховішчы пад Мінскам, дзе жыхары акунаюцца ў дзень святкавання Хрышчэння.

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    З-за напружанай сітуацыі ў рэспубліцы з каронавірусам, медыкі раяць не акунацца ў купелі. Калі ж чалавек усё ж рашыўся на гэта, варта загадзя пракансультавацца з урачом.

  • Вадохрышча на выратавальнай станцыі вадасховішча Пціч
    © Sputnik / Виктор Толочко

    Крыніцай свяшчэннай вады ў гэты дзень лічыцца ўся вада. А сам рытуал носіць узнёслы характар ​​і ўзвялічвае Збавіцеля і вадохрышчанскі цуд.

  • Крыж на Вадохрышча
    © Sputnik / Виктор Толочко

    Акунуцца ў купель можна ў бліжэйшыя тры дні. Хрышчэнскую ваду таксама можна будзе набраць у храмах і ў наступныя некалькі дзён свята.

Тэги:
Беларусь, Мінск, Вадохрышча

Сусветны рэкорд пад лёдам Байкала: 85 метраў без гідракасцюма - відэа

19
(абноўлена 19:25 19.01.2021)
Масквічка Кацярына Някрасава ўстанавіла новы сусветны рэкорд, праплыўшы без гідракасцюма пад лёдам Байкала. Жанчына пераадолела 85 метраў з затрымкай дыхання на паўтары хвіліны, тэмпература вады, дарэчы, была +0.02°C. Глядзіце на відэа, як усталёўвалі рэкорд.

Жыхарка Масквы Кацярына Някрасава ўстанавіла новы рэкорд свету сярод жанчын па плаванні пад лёдам без гідракасцюма. Дыстанцыя ў 85 метраў была пераадоленая ёю пад вадой возера Байкал. У дзень заплыву тэмпература вады склала 0,02°C, а тэмпература паветра –22°C. Рэкорд быў адлюстраваны на відэа.

Кіраўнік клуба аматараў зімовага плавання Андрэй Бугай да пачатку заплыву прадэманстраваў разметку на дыстанцыі, выкананую на паверхні лёду. На ўсім працягу падводнай трасы былі высечаны страховачныя майны, пад вадой была нацягнута вяроўка з разметкай для арыенціра.

Кацярына Някрасава паспяхова пераадолела патрабаваную дыстанцыю за паўтары хвіліны. Па завяршэнні заплыву яна сказала кантрольную фразу, зацверджаную пратаколам нырцоў: "I'm ok" (са мной усё ў парадку).

З-за дрэннага надвор'я заплыў прыйшлося перанесці на адзін дзень. Паведамляецца, што папярэдні рэкорд падлёднага заплыву без гідракасцюма складаў 70 метраў.

У будучыні Кацярына Някрасава хоча не толькі паўтарыць, але і пабіць уласны рэкорд. Перад ад'ездам у Маскву, жанчына прызналася Андрэю Бугаю, што ўжо ў гэтым годзе плануе такім жа чынам праплысці пад лёдам 100 метраў.

Глядзіце таксама:

19
Тэги:
Рэкорды, Байкал, відэа
Біяметрычны пашпарт прызначаны для выезду за мяжу

Кіраўнік МУС: усё гатова, каб пачаць выдачу біяметрычных пашпартоў

4
(абноўлена 16:32 25.01.2021)
Дата, калі пачнуць выдаваць такія дакументы, пакуль не вызначана, яе прапануюць, калі ўсе нюансы будуць дапрацаваны.

МІНСК, 25 сту – Sputnik. Сістэма МУС ужо гатовая, каб пачаць выдачу біяметрычных дакументаў, сказаў міністр унутраных спраў Беларусі Іван Кубракоў.

Нарада, на якой абмяркоўвалася тэма выдачы біяметрычных пашпартоў, прайшла сёння ў прэзідэнта Беларусі Аляксандра Лукашэнкі.

Па словах кіраўніка МУС, прэзідэнтам былі пастаўлены дадатковыя пытанні, якія неабходна прапрацаваць. Гэта тычыцца абароны персанальных дадзеных - самае галоўнае пытанне. Тэрміны ўвядзення біяметрычных пашпартоў будуць вызначаны дадаткова з улікам аб'ёму неабходных дапрацовак і пасля правядзення пагаджальнай нарады з усімі зацікаўленымі дзяржорганамі.

Галоўнае - зручнасць

Міністр адзначыў, што ў першую чаргу на нарадзе звярталася ўвага на зручнасць насельніцтва пры атрыманні і выкарыстанні біяметрычных дакументаў. Іван Кубракоў растлумачыў, што нават пасля пачатку выдачы дакументаў новага ўзору ўсе ранейшыя пашпарты грамадзян будуць сапраўдныя на працягу свайго тэрміну дзеяння. Адна з прапаноў - дапрацаваць сістэму так, каб адным і тым жа дакументам можна было карыстацца як унутры краіны, так і пры выездзе за мяжу.

"З улікам пагадненняў іншых краін прапрацоўваецца магчымасць, каб была толькі ID-карта альбо адзін дакумент, які і для выезду за мяжу, і для выкарыстання ўнутры краіны", - рэзюмаваў ён.

Новыя дакументы

Новае пакаленне асабістых дакументаў для грамадзян Беларусі будзе прадстаўлена ў двух узорах - ідэнтыфікацыйнае пасведчанне і біяметрычны пашпарт.

У 2021 годзе беларусам пачнуць выдаваць ID-карты, якія заменяць стандартныя пашпарты на тэрыторыі краіны. Таксама ўводзяцца біяметрычныя пашпарты для паездак за мяжу.

Прэзідэнт Аляксандр Лукашэнка адобрыў увядзенне ў Беларусі біяметрычных дакументаў. Тым не менш, ён даручыў дапрацаваць асобныя моманты. Дакладная дата, з якой пачнуць выдаваць такія дакументы, пакуль не вызначана. Яна будзе прапанавана прэзідэнту ў праекце ўказа, калі ўсе нюансы будуць улічаны.

Чытайце таксама:

4
Тэги:
Беларусь, МУС Беларусі, Біяметрычны пашпарт