Клюшку з аўтографам Лукашэнкі выставілі на аўкцыён

© Sputnik / Виктор ТолочкоЛукашэнка на Калядным турніры па хакеі ў Мінску
Лукашэнка на Калядным турніры па хакеі ў Мінску - Sputnik Беларусь
Падпісацца
На другі дзень таргоў стаўкі, каб купіць прэзідэнцкі спортінвентар, зрабіла 17 чалавек.

МІНСК, 17 сту — Sputnik. Хакейная клюшка з аўтографам прэзідэнта Беларусі Аляксандра Лукашэнкі, падораная ім аднаму з беларускіх журналістаў пасля Каляднага хакейнага турніру, выстаўлена на аўкцыён.

Лот з'явіўся на адной з папулярных гандлёвых пляцовак краіны 15 студзеня. Таргі павінны адбыцца да 29 студзеня.

Першая стаўка была зроблена 15 студзеня і была роўная аднаму мільёну рублёў. На другі дзень таргоў стаўкі зрабілі ўжо 17 чалавек, зацікаўленых у куплі. На дадзены момант цана клюшкі складае 29 мільёнаў 500 тысяч рублёў.

Клюшка акрамя аўтографа кіраўніка дзяржавы валодае сваёй гісторыяй: з яе дапамогай на нядаўніх спаборніцтвах прэзідэнт набраў дзесяць заліковых балаў па сістэме "гол + пас" (2 + 8). Клюшку вырабіла эстонская кампанія Frontier, па дадзеных ад вытворцы, яе вага складае 440 грам, а даўжыня — 1525 міліметраў.

Лукашэнка падарыў клюшку журналісту 8 студзеня, пасля заканчэння Каляднага турніру. Тады ж было заяўлена, што яна будзе выстаўлена на аўкцыён, а грошы ад продажу клюшкі пойдуць на дабрачыннасць.

Стужка навiн
0