IOWA прадставіць у Мінску праграму “Б’е біт”
(абноўлена 14:55 26.01.2016)
У праграме прагучаць лепшыя і новыя песні ў суправаджэнні пашыранага складу музыкаў і новага мультымедыйнага шоў.МІНСК, 18 сту — Sputnik. Гурт IOWA пакажа беларускаму гледачу сваю новую праграму "Б'е біт" 22 красавіка ў сталічным Prime Hall.
Дыск гурта IOWA "Export" трапіў у выніковы топ-20 найбольш прадаваемых альбомаў расійскага iTunes за 2015 год, а іх песні амаль кругласутачна можна пачуць па радыё, ТБ ці ў папулярных серыялах.
"Для нас вельмі важна заўжды рухацца, ісці наперад. З часу нашага апошняга сольніка ў Мінску прайшло шмат часу, таму новая праграма будзе адлюстроўваць і нашыя новыя фантазіі, і наш новы досвід. Нам бы хацелася, каб кожны наш канцэрт быў святам — і для нас, і для гледачоў", — распавяла арганізатарам канцэрта ў Мінску вакалістка гурта Кацярына Іванчыкава.
Гурт IOWA — магілёўскага паходжання, які пакарыў расійскі музычны алімп з гітамі "Мама", "Усміхайся", "Маршрутка".
IOWA з новай праграмай "Б'е біт" выступіць у сталічным Prime Hall 22 красавіка, пачатак а 19-й гадзіне, кошт квіткоў складае ад 500 тыс. рублёў (танцпляц) да 1. 100 тыс. рублёў.
Супергероі здзіўляюць пацыентаў дзіцячай бальніцы - відэа
(абноўлена 14:06 13.01.2021)
Маленькім пацыентам італьянскай бальніцы зладзілі сюрпрыз - іх наведалі супергероі. Глядзіце на відэа, як персанажы мультфільмаў і коміксаў "упалі" з даху.Для хворых дзяцей, якія знаходзяцца ў педыятрычным аддзяленні бальніцы Сан-Паола ў Мілане, арганізавалі прыемны сюрпрыз.
Капітан Амерыка, Чалавек-павук, Халк, Жалезны чалавек, Бэтмен і Шрэк фактычна ўпалі з даху. Медперсанал і наведвальнікі бальніцы апладзіравалі шоу стоячы.
Героі мультфільмаў і коміксаў павіталі маленькіх пацыентаў з вокнаў палат, а некаторыя нават увайшлі ў педыятрычнае аддзяленне і падарылі маленькім пацыентам падарункі.
За маскамі супергерояў на самай справе хаваліся тэхнікі кампаніі па абслугоўванні і рамонце будынкаў і небаскробаў.
Тэги:
Бізнэс на траве: як зарабляць падчас пандэміі - відэа
(абноўлена 16:22 10.01.2021)
Мінулы год зламаў планы многім бізнесменам па ўсім свеце, але некаторыя здолелі пераарыентавацца і нядрэнна зарабіць. На чым - глядзіце на відэа.Да прыкладу, бізнесмен Хуршэд тура з Таджыкістана "раскруціўся" на лекавай траве - гармалу (яшчэ адна назва - магільнік), нягледзячы на тое, што яна лічыцца атрутнай, у Цэнтральнай Азіі заўсёды выкарыстоўвалі ў якасці антысептыку.
Хуршэд вырашыў спрасоўваць гармалу і пачаў прадаваць яе ў брыкетах. І ад заказчыкаў няма адбою - траву нават адпраўляюць на экспарт.
А вось грузінскія стартаперы пайшлі іншым шляхам - арганізавалі спартзалу пад адкрытым небам. Аўтарам ідэі стаў чэмпіён па змешаных адзінаборствах Лаша Раінішвілі. Бо ўсе спартзалы ў краіне зачыненыя, падтрымліваць прыхільнікаў ЗЛЖ вырашылі вось такім спосабам. Увесь інвентар баец прывозіць на машыне і раскладвае на вуліцы.
Бізнесмены з Кыргызстана хутка пераключыліся на анлайн - арганізавалі кансультацыі і нават спартыўныя трэніроўкі. Фатографы таксама выходзяць з сітуацыі - праз спецыяльныя праграмы або прыкладанні падбіраюць для сваіх мадэляў розныя фоны.
Што яшчэ прыдумалі для таго, каб выратаваць свой бізнес у няпросты час пандэміі - глядзіце на відэа.
Глядзіце таксама:
- Відэа. Топ самых дзіўных і незвычайных масак 2020 года. Частка 1
- Відэа. Маскі, якія нас уразілі ў 2020 годзе. Частка 2
- Першыя прышчэпкі: як пачалася масавая вакцынацыя ад COVID ў Беларусі
Тэмы:
Расія абвясціла пра выхад з Дамовы па адкрытым небе
(абноўлена 16:39 15.01.2021)
Пытанне аб удзеле Расіі ў ДАН паўстала восенню мінулага года пасля выхаду з дамовы Злучаных Штатаў.МІНСК, 15 сту – Sputnik. Расія заявіла пра выхад з Дамовы па адкрытым небе (ДАН), вынікае з паведамлення, апублікаванага на сайце МЗС РФ.
"У сувязі з адсутнасцю прагрэсу ў справе ліквідацыі перашкодаў для працягвання функцыянавання Дамовы ў новых умовах МЗС Расіі ўпаўнаважаны заявіць пра пачатак унутрыдзяржаўных працэдур па выхаду Расійскай Федэрацыі з ДАН", - гаворыцца ў заяве.
"Пасля іх завяршэння адпаведнае апавяшчэнне будзе накіравана дэпазітарыям", - дадалі ў расійскім МЗС.
У міністэрстве нагадалі, што 22 лістапада ЗША "па надуманых падставах" выйшлі з Дамовы па адкрытым небе. У прыватнасці, у Белым доме заяўлялі, што Расія неаднаразова парушала ДАН і выкарыстала яго як інструмент "ваеннага прымусу". У сваю чаргу ў Маскве ўсе абвінавачванні амерыканскага боку адхілялі.
Пасля выхаду ЗША з дамовы, падкрэслілі ў МЗС, быў парушаны баланс інтарэсаў дзяржаў-удзельніц ДАН, "нанесена сур'ёзная шкода яго дзеянню, падарвана роля ДАН як інструмента умацавання даверу і бяспекі".
Расійскі бок выступіў з канкрэтнымі ініцыятывамі па падтрыманні ДАН у новых умовах, але ў Вашынгтоне яны не атрымалі падтрымкі.
Дагавор па адкрытым небе быў падпісаны ў 1992 годзе і стаў адной з мер па ўмацаванні даверу ў Еўропе пасля халоднай вайны. Ён дазваляе краінам-удзельніцам адкрыта збіраць інфармацыю аб узброеных сілах і мерапрыемствах адзін аднаго. Удзельнікамі дамовы да апошняга часу былі 34 дзяржавы.
Чытайце таксама:
- Мінск разлічвае, што ЗША праявяць "палітычную мудрасць"
- Расія не выключае ніякіх дзеянняў у дачыненні да Дагавора па адкрытым небе
- МЗС Беларусі пракаментаваў выхад ЗША з Дамовы па адкрытым небе
Тэги: