Алесь Таболіч: беларускі арнамент набіваюць нават аргентынцы

© Sputnik / Елена ВасильеваМайстра робіць тату
Майстра робіць тату - Sputnik Беларусь
Падпісацца
Замежнікі набіваюць сабе беларускі арнамент у якасці сувеніра і замест "магніта на лядоўню".

МІНСК, 13 жні — Sputnik. Замест кітайскіх іерогліфаў і кельцкіх рун беларусы ўсё часцей набіваюць татуіроўкі з беларускімі арнаментальнымі матывамі.

Але ў апошні час за мясцовым арнаментам прыходзяць і замежнікі: зусім нядаўна арнамент у адным з мінскіх салонаў набіла пара аргентынцаў. Тату-майстар Алесь Таболіч распавёў пра не спадаючую папулярнасць арнаментальнай татуіроўкі.

"Даволі даўно мы з жонкай вырашылі зрабіць татуіроўкі, якія сімвалізуюць нашу нацыянальную прыналежнасць. Тады асабліва папулярныя былі геральдычныя тату. Але ў адрозненне ад гербаў, арнамент не нясе палітычнай падаплёкі, гэта традыцыйны абярэг, які выкарыстоўваўся ў вышыванках. З гэтым арнаментам на міжнароднай канвенцыі ў Кіеве я заняў другое месца. Адсюль і пачала расці папулярнасць", — распавёў Таболіч.

© Sputnik / Елена ВасильеваАлесь Таболіч - музыка і майстра па тату
Тату-мастер Алесь Таболич - Sputnik Беларусь
Алесь Таболіч - музыка і майстра па тату

Татуіроўка спадабалася выканаўцы Shuma, якая расказала пра арнаментальную татуіроўку на сваім сайце, і ідэя прыжылася.

"Калісьці былі папулярныя татуіроўкі-іерогліфы, але многія не разумелі іх значэння. Многія набівалі японскіх драконаў, але ж для нас гэта незнаёмая культура. А славянская культура нам бліжэй, і татуіроўкай людзі падкрэсліваюць сваю да яе прыналежнасць. Нават выязджаючы на мора, людзі пазнаюць адзін аднаго па татуіроўках", — распавёў Таболіч.

А што гэта ў вас?

Аргентынцы, амерыканцы, расіяне — беларускі арнамент набілі ужо многія.

"Прыязджаеш на мора, і нават нарвежцы пытаюцца — а што гэта ў вас? Пачынаеш распавядаць пра краіну і культуру, пра якую яны раней і не чулі", — распавядае Таболіч і прымаецца за працу над адной з арнаментальных татуіровак.

© Sputnik / Елена ВасильеваАлесь Таболіч робіць тату з арнаментам
Тату-мастер Алесь Таболич делает татуировку - Sputnik Беларусь
Алесь Таболіч робіць тату з арнаментам

Нядаўна майстры салона ездзілі на фестываль "Басовішча" ў Беласток. Этнічныя беларусы прасілі набіць арнамент, практычна ніхто не выбіраў абстрактны малюнак.

© Sputnik / Елена ВасильеваБеларускі арнамент набіваюць нават замежнікі
Белорусский орнамент набивают даже иностранцы - Sputnik Беларусь
Беларускі арнамент набіваюць нават замежнікі

"Час папулярнасці геральдычных татуіровак сыйшоў, шмат хто расчараваўся ў палітыцы, цяпер людзям культура цікавей дзяржаўнасці. А вось ніводзін палітык не зрабіў у мяне ніводнай арнаментальнай татуіроўкі", — успомніў майстар.

Чэмпіёнка па веславанні з Расіі таксама набіла беларускі арнамент. Кліентка прызнала, што культура Беларусі ёй падабаецца, а ўласна рускіх арнаментальных сімвалаў яна не ведае, так што беларускі варыянт цалкам падышоў.

"Замест кітайскага іерогліфа "кахання" беларусу прыемней набіць уласны арнамент. Чаму людзі купляюць вышыванкі, а не трусы Milavitsa? Таму што хочацца прывезці з сабой часцінку культуры", — растлумачыў Таболіч.

Ці проста модна

"Чалавек не павінен рабіць татуіроўку толькі таму, што акуратна і прыгожа". Калі ты нічога не ўкладаеш у яе, калі культурны кантэкст табе не важны, лепш не набіваць арнамент", — упэўнены Таболіч.

Сам ён заўсёды быў прыхільнікам папулярызацыі беларускай культуры. Дарэчы, перабіваць татуіроўку з беларускім арнаментам яшчэ не даводзілася.

"Людзі заўсёды спрабуюць самавызначыцца, нехта ў вопратцы сябе праяўляе, хтосьці ў спорце, а некаторыя ў татуіроўцы. Адну з самых цікавых арнаментальных татуіровак набіла дзяўчына — малюнак выйшаў на палову спіны", — распавёў майстар.

Цяпер падобныя татуіроўкі набіваюць і ўкраінцы, толькі з уласным арнаментам. Дарэчы, выкарыстоўваць арнамент на білбордах і ў адзенні ўкраінцы пачалі раней за нас, а вось у арнаментальнай татуіроўцы першымі былі беларусы.

© Sputnik / Елена ВасильеваУ арнаментальных тату першымі былі беларусы
В орнаментальной татуировке первыми были белорусы - Sputnik Беларусь
У арнаментальных тату першымі былі беларусы

"Мне казалі, што ідэю трэба запатэнтаваць, але як запатэнтаваць арнамент? Гэта ж народная творчасць, а татуіроўка — усяго толькі спосаб падачы", — лічыць Таболіч.

Чытайце таксама:

Алесь Таболіч: камусьці не падабаецца мода на нацыянальныя татуіроўкі>>

Майстар тату: для сучаснай жанчыны татуіроўка стала неабходнасцю>>

Стужка навiн
0