Дызайнер Людміла Лабкова

Дызайнер формы алімпійцаў: не мяхі для бульбы, а сакваяжы для медалёў

29
Супрацоўніцтва дызайнера і "Беллегпрама" прайшло так лёгка, што здзівіліся і мастак, і канцэрн.

Калекцыю алімпійскай формы ўпершыню ў гэтым годзе адшылі не толькі для беларускіх спартсменаў, але і для заўзятараў. Над адзеннем прыхільнікаў зборнай, як і над параднай формай для алімпійцаў, працавала беларускі дызайнер Людміла Лабкова.

На адкрыцці Алімпіяды ў Пхенчхане гэтага адзення беларусы не ўбачаць — спартсмены традыцыйна выйдуць у пухавіках ад літоўскай фірмы Audimas, якая шые зімовыя камплекты формы для беларусаў.

Аднак Лабкова спадзяецца, што ў спартсменаў будзе нагода прагуляцца і ў парадных камплектах.

"На прыём да прэзідэнта прымаць віншаванні, напрыклад", — сказала дызайнер.

Калі Міністэрства спорту і турызму прэзентавала форму, некаторыя інтэрнэт-карыстальнікі пісалі, што дастаткова было б пашыць для зборнай мяшкі для бульбы — маўляў, медалёў мы не дачакаемся. Дызайнер адказала крытыкам: зрабілі для атлетаў скураныя сакваяжы, таму алімпійцам будзе куды скласці трафеі.

Такіх адэкватных дызайнераў даўно не бачылі

За горадам, у вёсцы Лапаровічах, дзе жыве дызайнер, многія спартсмены пабудавалі хаты — самы вядомы катэдж каля Мінскага мора належыць Дар'і Домрачавай. Суседзі, збіраючыся да вадаёма, так і кажуць: хадзем да Дашы.

І хоць саму Домрачаву ў вёсцы там мала хто бачыў, такое суседства прымушае сачыць за Алімпіядай і заўзець за спартсменаў і тых, каму шоў-румы бліжэй лыжні.

Прапанову паўдзельнічаць у конкурсе праектаў парадна-выхадной формы для алімпійцаў прыйшла да Лабковай ад канцэрна Беллегпрам. Яе канкурэнтам была Юлія Латушкіна, якая займалася дызайнам формы для зборнай, якая прадстаўляла Беларусь на Алімпіядзе 2016 года ў Рыа-дэ-Жанейра.

Лабкова натхнілася маштабам праекта і вырашыла прапанаваць форму не толькі для каманды, але і для заўзятараў.

Дизайнер новой олимпийской формы белорусов среди вещей своих коллекций
© Sputnik / Елена Васильева
Дызайнер новай алімпійскай формы беларусаў сярод рэчаў са сваіх калекцый

"У многіх каманд ёсць форма для заўзятараў. Мы гэтага раней не рабілі. Прадставіўшы калекцыю, прачытала шмат каментароў у сацсетках — пісалі, што форма сумная і шэрая. Адказваю: гэта не шэра, не сумна і, галоўнае, не сорамна. Думаю, і беларускія прадпрыемствы натхнёныя праектам. Для іх гэта пакуль не бізнэс і не важны камерцыйны ход, бо прадпрыемствы нашы вялікія, а лінейка абмежаваная. Але гэта важны іміджавы ход. Наперадзе Еўрапейскія гульні, і ўжо трэба думаць пра тое, якую сувенірную прадукцыю мы прапануем замежнікам", — распавяла дызайнер карэспандэнту Sputnik.

У шоў-руме Лабковай акрамя камплектаў алімпійскай формы адзенне самых розных фасонаў, з якім дызайнер прадстаўляе краіну на выставах у Еўропе. Сукенкі з прынтам, які паўтарае архітэктурныя элементы базылікі, у якой знаходзіцца маўзалей польскай каралевы і вялікай княгіні літоўскай Боны Сфорцы і аблямаваныя мехам паліто.

Але сама дызайнер сустракае гасцей у гарнітуры з алімпійскага камплекта і шапачцы "Палессе", у такім жа вобразе яна і яе каманда нядаўна наведала выставу ў Дзюсельдорфе. На шапачцы надпіс "Беларусь" — такія атрымаюць у падарунак члены замежных дэлегацый. Дызайнер вырашыла замяніць назвай краіны традыцыйны сцяжок, таму што калі шапачка з чужым сцягам будзе захоўвацца на паліцы сярод іншых непатрэбных сувеніраў, то з надпісам "Беларусь" з большай верагоднасцю стане часткай гардэроба.

"У рабоце з прадпрыемствамі Беллегпрама праблем не ўзнікла. Дырэктара фабрык парой прызнаваліся, што такіх адэкватных дызайнераў даўно не сустракалі. Я і сама здзівілася, як лёгка ішла праца", — прызналася Лабкова і расказала, як у дырэкцыі Еўрапейскіх гульняў яе палохалі Беллегпрамам, маўляў, тэрміны не вытрымліваюць.

"Я падрыхтавалася да канфрантацыі і заявам аб тым, што "нам гэта не цікава". Але аказалася, усім цікава. Пасля гэтага праекта магу сказаць: людзі, з якімі я працавала, добрая каманда. Пасля таго як мы здалі алімпійскі праект, ад Беллегпрама прыйшла прапанова папрацаваць на Еўрапейскіх гульнях. Думаю, менавіта своечасова здадзены алімпійскі праект паўплываў на ўспрыманне прадпрыемстваў па-новаму", — лічыць дызайнер.

Лабкова таксама ўзгадала савецкія часы, калі Беларусь апранала ці ледзь не ўвесь Савецкі Саюз.

"Мы тэкстыльная краіна. Нашы прадпрыемствы шыюць для сусветных брэндаў. Я сама шмат гадоў адшывала сваю лінейку на "Бабруйсктрыкатаж", таму што там стаяла абсталяванне, на якім працавалі з французамі. Мы не горшыя за тых, з кім нас параўноўваюць і каго называюць "яны" ў найвышэйшай форме. У расіян ёсць Bosco, я сказала — мы зробім не горш", — паведаміла дызайнер.

"Нам гэта не трэба"

Зрабіць добрую калекцыю недастаткова, яе трэба прадаць. Калі з Беллегпрамам праблем не ўзнікла, то з сістэмай гандлю ўсё аказалася больш складана.

"Хацелася б, каб кропкі былі аформленыя прэзентабельна, пакуль што я атрымала здымкі стэнда толькі ад ГУМа. Там афармленне выканана годна. У некаторых крамах мне адказалі, што ім гэта не трэба. Не прыйшло разуменне, што магчымасць уліцца ў такі рух — гэта гонар, прыйшлося пераконваць прадпрыемствы ГУПР. Я спадзяюся, што, калі яны адпрацуюць гэты сезон, шмат у каго з'явіцца разуменне таго, што гэта агульная праца, што павесіць форму без афармлення стэнда — гэта непавага да праекту, да спартсменаў і заўзятараў, да спажыўца і да прадпрыемстваў, якія над ім працавалі", — лічыць Лабкова.

Дизайнер Лабкова в форме для болельщиков
© Sputnik / Елена Васильева
Дызайнер Лабкова ў форме для заўзятараў

Яна прапануе размясціць алімпійскую форму і ў крамах д'юці-фры мінскага аэрапорта, матывуе проста: "Сумачкі Furla гэта добра, але павінна быць сваё".

Няма шанцу павязаць гальштук

Першы вопыт супрацоўніцтва з дызайнерамі ў Міністэрства спорту і турызму быў два гады таму падчас Алімпіяды ў Рыа. Тады над камплектам працавала Латушкіна. У гэтым годзе прэзідэнту Аляксандру Лукашэнку паспрабавалі прад'явіць тую ж форму Латушкінай, але ў іншым колеры — кіраўнік дзяржавы ўспомніў, што гэтыя эскізы ён ужо бачыў, і запатрабаваў прапанаваць новы камплект. У мінулы раз у конкурсе ўдзельнічалі Латушкіна і Іван Айплатаў, у гэтым годзе месца Айплатава заняла Лабкова — яе ідэя перамагла.

"Камплект прадуманы аж да рамянёў, туфляў, а кашулі не патрабуюць гальштукаў. Камплект завершаны, калі я агучыла, што гальштукі не патрэбны, у Мінспорту стаялі авацыі. Касцюмы былі зацверджаны без змен, адзіная заўвага, якую зрабіў прэзідэнт, адносілася да герба. Спярша іх проста прышпілілі да гарнітура, але Аляксандр Рыгоравіч заўважыў, што белая цэнтральная частка занадта кантрастуе з агульным шэрым фонам. У выніку набівалі фонавы прынт з пераходам колеру, каб стварыць уражанне, быццам герб набіты прама на пінжаку", — распавяла дызайнер і прапанавала ў наступны раз прапрацаваць камплект яшчэ больш старанна.

Стильная олимпийская шапочка для болельщиков
© Sputnik / Елена Васильева
Стыльная алімпійская шапачка для заўзятараў

У дэлегацыі акрамя спартсменаў ёсць і чыноўнікі, Лабкова прапануе стварыць для іх асобны камплект формы. У гэтым годзе на гэта не хапіла часу — на рэалізацыю праекта было ці ледзь больш за тыдзень. Затое атрыманы вопыт можна выкарыстоўваць пры падрыхтоўцы да Еўрапейскіх гульняў.

"Добра было б зрабіць сувенірную прадукцыю ў выглядзе адзення, зразумець, што найбольш хадавое. Я папрасіла ўдзельнікаў дэлегацыі прааналізаваць кошты і асартымент на прадукцыю, якая будзе прадстаўлена ў Пхенчхане", — падагульніла Лабкова.

29
Тэги:
Алімпійская форма беларусаў, Алімпійскія гульні-2018, Людміла Лабкова, Мінск, Беларусь

"Падаючыя зоркі" прадаюць з аўкцыёну - відэа

11
(абноўлена 17:38 23.02.2021)
Зорку, якая ўпала з неба, можна купіць - метэарыты прадае з малатка аўкцыённы дом Christie's. Глядзіце на відэа, як выглядаюць самыя "касмічныя" лоты.

Знічкі, а дакладней - абломкі метэарытаў і іншых нябесных аб'ектаў можна купіць на аўкцыёне. Праўда, за ўражальную суму. Продажам незвычайных прадметаў заняўся аўкцыённы дом Christie's.

Вага самага цяжкага лота - больш за 130 кілаграмаў. Каб падняць метэарыт на п'едэстал, спатрэбілася цэлая каманда людзей. А яго стартавая цана - 260 тысяч долараў!

Усе гэтыя аб'екты вельмі рэдкія. Калі скласці ўсе вядомыя людзям метэарыты, што падалі на зямлю, атрымаецца менш, чым гадавы аб'ём здабычы золата. Сярод лотаў ёсць нават узоры месяцовай пароды.

"Калі вы ўпершыню трымаеце ў руцэ кавалачак Месяца, валасы на шыі варушацца. Гэта сапраўды чароўны момант", - распавёў кіраўнік аддзела навукі і прыродазнаўства Christie's Джэймс Хіслап.

Некаторыя метэарыты падобныя на скульптуры, Хіслап называе іх "натуральнымі творамі мастацтва".

Абяцалі дастаць зорку з неба? Тады перш, чым адпраўляцца ў шлях, разгледзьце бліжэй, як выглядаюць "падаючыя зоркі" на відэа Sputnik.

Глядзіце таксама:

11
Тэги:
метэарыт, Christie's, Аўкцыён, зоркі

Гарачая лаціна і бальная класіка: відовішчныя танцы ў фотаздымках

35
(абноўлена 23:25 23.02.2021)
  • Турнір па бальных танцах
  • Турнір па бальных танцах
  • Турнір па бальных танцах
  • Лацінаамерыканскі танец
  • Макіяж для выступлення
  • Танцор рыхтуецца да выступлення
  • Лацінаамерыканскі танец
  • Лацінаамерыканскі танец
  • Лацінаамерыканскі танец
  • Удзельнікі турніру
  • Турнір па бальных танцах
  • Лацінаамерыканскі танец
  • Лацінаамерыканскі танец
  • Лацінаамерыканскі танец
  • Лацінаамерыканскі танец
  • Турнір па бальных танцах
  • Турнір па бальных танцах
  • Балельшчыкі турніру
  • Турнір па бальных танцах
  • Танцавальны клуб Сігма адзначае 35-годдзе
  • Турнір па бальных танцах
  • Турнір па бальных танцах
У сталіцы Беларусі, нягледзячы на эпідэміялагічныя абмежаванні, з вялікім поспехам прайшоў міжнародны турнір па спартыўных бальных танцах Minsk Open.

Спаборніцтвы прайшлі сярод спартсменаў-аматараў усіх узроставых катэгорый. Як падкрэслілі арганізатары, Minsk Open удалося зрабіць сапраўды адкрытым турнірам, на якім былі рады танцорам любых федэрацый. Усяго ў сталічным клубе "Фалькон" выступілі больш за 800 пар з Расіі, Беларусі і Украіны.

Старшыня Беларускага рэспубліканскага танцавальнага саюза Аляксандр Казыра застаўся задаволены, што ўдалося захаваць міжнародны характар ​​спаборніцтваў і якасную іх арганізацыю: выдатная прасторная зала, якаснае святло, вытанчанае афармленне, жывая музыка ад аркестра Boris Myagkov Band, прафесійная судзейская брыгада і, вядома ж, незвычайная атмасфера свету танца.

Для фіналістаў IDSU Grand Prix Adult Latin, Standard быў разыграны салідны прызавы фонд.

Разыначкай стала святкаванне ў рамках спаборніцтваў танцавальным клубам "Сігма" свайго юбілею. Павіншаваць трэнераў, мабыць, самага паспяховага беларускага спартыўнага аб'яднання ў свеце танцаў прыехалі і дзейсныя спартсмены, і тыя, што ўжо скончылі кар'еру. Велізарны торт з лічбамі "35" быў урачыста прадэманстраваны прама на танцавальнай пляцоўцы.

Але галоўнай узнагародай для ўсіх гасцей спаборніцтваў стала магчымасць нарэшце пагутарыць з калегамі і аднавіць спартыўную практыку. Мінск як ніколі засумаваў па буйных міжнародных турнірах.

35
  • Турнір па бальных танцах
    © Sputnik / Виктор Толочко

    У сталічным клубе "Фалькон" у мінулыя выхадныя прайшоў відовішчны Minsk Open.

  • Турнір па бальных танцах
    © Sputnik / Виктор Толочко

    У рамках спаборніцтваў па спартыўных і бальных танцах выступілі больш за 800 пар.

  • Турнір па бальных танцах
    © Sputnik / Виктор Толочко

    Спаборніцтвы прайшлі сярод спартсменаў-аматараў усіх узроставых катэгорый.

  • Лацінаамерыканскі танец
    © Sputnik / Виктор Толочко

    Як падкрэслілі арганізатары, Minsk Open удалося зрабіць сапраўды адкрытым турнірам, на якім былі рады танцорам любых федэрацый.

  • Макіяж для выступлення
    © Sputnik / Виктор Толочко

    Турнір па спартыўных бальных танцах выклікаў вялікую цікавасць сярод удзельнікаў і гледачоў: усе засумавалі па танцах.

  • Танцор рыхтуецца да выступлення
    © Sputnik / Виктор Толочко

    Усе ўдзельнікі спаборніцтваў старанна рыхтаваліся да выступленняў.

  • Лацінаамерыканскі танец
    © Sputnik / Виктор Толочко

    А для фіналістаў IDSU Grand Prix Adult Latin, Standard - салідны прызавы фонд.

  • Лацінаамерыканскі танец
    © Sputnik / Виктор Толочко

    У танцавальным саюзе засталіся задаволены не толькі "геаграфіяй" пар, якія прыехалі, і маштабам турніру, але і якаснай арганізацыяй саміх спаборніцтваў.

  • Лацінаамерыканскі танец
    © Sputnik / Виктор Толочко

    Выдатная прасторная зала, якаснае святло, вытанчанае афармленне, жывая музыка ад аркестра Boris Myagkov Band, прафесійная судзейская брыгада і, вядома ж, незвычайная атмасфера свету танца.

  • Удзельнікі турніру
    © Sputnik / Виктор Толочко

    Удзельнікі турніру з задавальненнем назіраюць за праграмай.

  • Турнір па бальных танцах
    © Sputnik / Виктор Толочко

    У еўрапейскую праграму спартыўнага бальнага танца ўваходзяць: павольны вальс (Бостан), квікстэп (хуткі факстрот), венскі вальс, танга, павольны факстрот.

  • Лацінаамерыканскі танец
    © Sputnik / Виктор Толочко

    У лацінаамерыканскую праграму - самба, ча-ча-ча, румба, пасадобль, джайв.

  • Лацінаамерыканскі танец
    © Sputnik / Виктор Толочко

    Для лацінаамерыканскіх танцаў конкурсныя сукенкі дам, як правіла, кароткія, вельмі адкрытыя і абліпальныя.

  • Лацінаамерыканскі танец
    © Sputnik / Виктор Толочко

    Сучасны конкурсны касцюм кавалераў таксама досыць абліпальны, падкрэслівае мужныя лініі цела.

  • Лацінаамерыканскі танец
    © Sputnik / Виктор Толочко

    Лацінаамерыканскія танцы - адзін з самых прыгожых і палымяных відаў танца.

  • Турнір па бальных танцах
    © Sputnik / Виктор Толочко

    Але самае дзівоснае - гэта бальныя танцы, прычым у самай юнай групе.

  • Турнір па бальных танцах
    © Sputnik / Виктор Толочко

    Звычайна дзеці пачынаюць займацца танцамі з 4 гадоў.

  • Балельшчыкі турніру
    © Sputnik / Виктор Толочко

    Мамы - самыя актыўныя балельшчыкі.

  • Турнір па бальных танцах
    © Sputnik / Виктор Толочко

    З 4 да 7 гадоў у дзяцей фарміруецца пачуццё рытму, яны лёгка паддаюцца расцяжцы, фарміруецца правільная пастава і навык валодання сваім целам.

  • Танцавальны клуб Сігма адзначае 35-годдзе
    © Sputnik / Виктор Толочко

    Разыначкай стала святкаванне ў рамках спаборніцтваў танцавальным клубам "Сігма" свайго юбілею. Павіншаваць трэнераў, мабыць, самага паспяховага беларускага спартыўнага аб'яднання ў свеце танцаў прыехалі і дзейсныя спартсмены, і тыя, што ўжо скончылі кар'еру. Велізарны торт з лічбамі "35" быў урачыста прадэманстраваны прама на танцавальнай пляцоўцы.

  • Турнір па бальных танцах
    © Sputnik / Виктор Толочко

    Прынцып школы просты: танцаваць можа кожны, і ўсё роўна, колькі вам гадоў. З моманту свайго заснавання ў 1986 годзе школа-студыя "Сігма" выгадавала не адно пакаленне прафесійных танцораў і аматараў.

  • Турнір па бальных танцах
    © Sputnik / Виктор Толочко

    Але галоўнай узнагародай для ўсіх гасцей спаборніцтваў стала магчымасць нарэшце пагутарыць з калегамі і аднавіць спартыўную практыку. Мінск як ніколі засумаваў па буйных міжнародных турнірах.

Тэги:
турнір, Беларусь, фотаздымкі, бальныя танцы, танцы
Лячэнне пацыентаў c COVID-19

Апублікавана свежая статыстыка па каронавірусе: за суткі 1 191 хворы

2
(абноўлена 16:36 25.02.2021)
За ўвесь перыяд пандэміі ў Беларусі памерлі амаль дзве тысячы чалавек з выяўленай каронавіруснай інфекцыяй.

МІНСК, 25 лют – Sputnik. За мінулыя суткі ў Беларусі зарэгістраваны 1 191 пацыент з каронавіруснай інфекцыяй - на 88 чалавек менш, чым на дзень раней, паведаміла прэс-служба Міністэрства аховы здароўя рэспублікі.

Па звестках ведамства, за мінулыя 24 гадзіны выпісаны 1 413 пацыентаў, якія ачунялі ад каронавіруса.

"Усяго, ад пачатку пандэміі, у Беларусі былі зарэгістраваны 282 898 чалавек са станоўчым тэстам на каронавірус. Паправіліся 273 146 пацыентаў, у якіх раней быў пацверджаны дыягназ COVID-19", - гаворыцца ў паведамленні.

За ўвесь час распаўсюджвання інфекцыі памерлі 1 948 пацыентаў (плюс дзевяць смярцей за апошнія суткі).

Усяго ў краіне праведзена амаль пяць мільёнаў тэстаў на COVID-19, за мінулыя 24 гадзіны - больш за 17 тысяч ПЦР-даследаванняў.

Вакцынацыя ад каронавіруса

Прышчапляць ад каронавіруса ў рэспубліцы пачалі 29 снежня: першыя ўколы расійскага прэпарата "Спутник V" былі зроблены медработнікам 5-й гарадской клінічнай паліклінікі. Масавая вакцынацыя персаналу бальніц і паліклінік, якія знаходзяцца ў зоне рызыкі, стартавала ў краіне 19 студзеня.

На мінулым тыдні ў краіне адкрыўся папярэдні запіс на прышчэпку супраць каронавіруса. Плануецца, што ўсеагульная масавая вакцынацыя пачнецца ў канцы сакавіка. Прыкладна ў сакавіку-красавіку ў краіне таксама запрацуе вытворчасць вакцыны ад каронавіруса "Спутник V". Беларусь плануе штомесяц выпускаць па 500 тысяч доз расійскага прэпарата.

Раней прэзідэнт Беларусі Аляксандр Лукашэнка паведаміў, што беларуская вакцына будзе гатова да восені.

Вынікі падводзіць пакуль рана

Міністр аховы здароўя Дзмітрый Піневіч раней заявіў, што канчатковыя вынікі па барацьбе з пандэміяй будуць падведзены пасля завяршэння эпідэмічнага сезона, і казаць пра гэта пакуль рана, паколькі ў рэспубліцы цяпер фіксуецца толькі другая хваля. Паводле яго слоў, можа быць і трэцяя, але з менш інтэнсіўным перыядам уздыму. Як патлумачыў Піневіч, многае будзе залежаць ад новых штамаў.

Чытайце таксама:

2
Тэги:
Міністэрства аховы здароўя, Беларусь, Статыстыка, каронавірус
Тэмы:
Каронавірус COVID-19