Партрэт з шышак

"Думаю, яна сябе пазнала": каму гамяльчанін прысвяціў карціну з шышак

35
(абноўлена 15:08 19.05.2018)
Адміністрацыя бальніцы гатовая дапамагчы аўтару партрэта сабраць шышкі, калі ён вырашыць зрабіць яшчэ адну карціну.

ГОМЕЛЬ, 19 мая — Sputnik. Дзесяціметровы партрэт дзяўчыны з хваёвых шышак адразу зрабіў папулярнай тэрыторыю гарадской бальніцы №3 — на "мастацтва" едуць паглядзець з усяго горада, аўтару жа незвычайнай карціны не даюць спакою журналісты.

"Косця, спачатку паабедаць, кампот абавязкова выпі, а толькі потым давай інтэрв'ю", — раяць 28-гадоваму пацыенту ўрачы і просяць карэспандэнта Sputnik не забываць аб галоўным — бальнічны рэжым ніхто не адмяняў.

Гамяльчанін Канстанцін Кавалёў працуе інжынерам станкоў ЧПУ на "Святлотэхніцы", піша лірычныя вершы і рэп. Ніколі ў жыцці не маляваў, а тут, кажа, штосьці найшло.

Гомельчанин Константин Ковалев
© Sputnik / Мария Амелина
Гамяльчанін Канстанцін Кавалёў

Паступіў на лячэнне ў мінулую пятніцу, шукаў, чым сябе заняць і, гледзячы на сасновы лес з 7-га паверха, прыдумаў. У суботу пачаў збіраць сасновыя шышкі. Да раніцы панядзелка на зямлі пад вокнамі бальніцы з'явіўся дзесяціметровы малюнак.

"Сабраў каля сотні еўраоптаўскіх пакетаў шышак. Сам, ніхто мне не дапамагаў. Партрэт рабіў па фотаздымку ў тэлефоне. Так, гэта мая знаёмая дзяўчына. Яна тут працуе, і думаю, ужо пазнала сябе", — падзяліўся падрабязнасцямі Кавалёў.

Созданный Константином портрет
© Sputnik / Мария Амелина
Створаны Канстанцінам партрэт

Па словах Канстанціна, у першую чаргу ён хацеў зрабіць прыемна сваёй знаёмай. Але ёсць яшчэ адно тлумачэнне яго творчаму парыву.

"Вырашыў усім у бальніцы падняць настрой. Напэўна, хтосьці ўсміхнецца, гледзячы ў акно, і гэта стане па-сапраўднаму аздараўленчай працэдурай", — сказаў аўтар незвычайнай карціны.

Таемная муза

Пры гэтым імя сваёй музы Кавалёў не называе.

"Мы цяпер не маем зносінаў, таму я не ведаю, як яна ўспрыняла мой парыў. Раптам у яе хтосьці ёсць, таму давайце не будзем пра гэта", — сышоў ад адказу на галоўнае пытанне суразмоўца Sputnik.

Не исключено, что Константин нарисует шишками еще что-нибудь
© Sputnik / Мария Амелина
Магчыма, Канстанцін намалюе шышкамі яшчэ што-небудзь

Тым часам адміністрацыя бальніцы падтрымала творчы парыў свайго пацыента: калі да выпіскі ён вырашыць яшчэ пацешыць людзей сваёй творчасцю, яму нават гатовыя дапамагчы сабраць шышкі.

35
Тэги:
бальніца, партрэт, Гомель
Папа Рымскі Францыск

Новы Сусветны патоп прадказаў Папа Рымскі

11
(абноўлена 18:23 06.03.2021)
Пантыфік нагадаў, што Ною ўдалося перажыць патоп дзякуючы дабрачыннасці і заклікаў грамадзян і палітыкаў да разважлівасці.

МІНСК, 7 сак – Sputnik. Чалавецтва чакае новы Сусветны патоп, заявіў Папа Рымскі Францыск.

Паводле яго слоў, катастрофа здарыцца, калі лідэры розных дзяржаў не будуць прадпрымаць меры для барацьбы з глабальным пацяпленнем.

"Ён (Сусветны патоп - Sputnik) здарыцца, калі мы працягнем ісці тым жа шляхам", - цытуе Папу Рымскага газета Corriere della Sera.

Пантыфік нагадаў, што Ною ўдалося перажыць патоп дзякуючы дабрачыннасці. Ён заклікаў грамадзян і палітыкаў да разважлівасці, адзначыўшы, што яна ідзе рука аб руку са "спагадай да сітуацый, людзей, свету і яго праблем".

Нагадаем, раней пантыфік аб'явіў аб спецыяльнай годе разважанняў пра сям'ю і яе праблемы, Францыск адкрые яго ўжо зусім хутка - 19 сакавіка 2021 года. У гэты дзень будзе адзначацца пяцігоддзе з моманту, калі пантыфік падпісаў паслясінадальнае апостальскае павучанне Amoris laetitia (Радасць кахання). А завершыцца ён 26 чэрвеня 2022 года - на гэты дзень у Рыме запланавана Х Сусветная сустрэча каталіцкіх сем'яў.

Павучанне Amoris laetitia - вынік працяглай працы Сінода біскупаў Рымска-каталіцкай царквы па пытаннях сям'і. Асноўная мэта дакумента - зацвердзіць каталіцкі ідэал сям'і ва ўсім яго багацці і складанасці, адначасова ў ім зроблена спроба звярнуцца да найбольш вострых праблем, з якімі у нашы дні сутыкаецца інстытут сям'і. У прыватнасці, закрануць балючае для царквы пытанне аб нефармальных шлюбах і гомасэксуальных саюзах.

Чытайце таксама:

11
Тэги:
пантыфік, Папа Рымскі, Папа Францыск, Францыск

Нотр-Дам, яечня, кола агляду: што збіралі з "Лега" відэа

20
(абноўлена 18:20 01.03.2021)
Кніга рэкордаў Гінеса апублікавала відэаролік, у якім сабраны самыя незвычайныя лега-рэкорды.

У кнізе мноства рэкордаў, звязаных з канструктарам "Лего". Са знакамітых "цаглінак" будавалі і сусветныя славутасці, і шматкватэрныя домікі, і нават вулей, які прызналі ня цацачныя, а сапраўдныя пчолы.

У Чэхіі сабралі самае вялікае кола агляду - дыяметрам больш, чым тры метра! Ёсць і яшчэ большыя па памеры працы: напрыклад, цэлы трэйлер, а ў ім - вадаправод, халадзільнік.

А можна нават нічога не збіраць - проста раскідаць кубікі і спаборнічаць у тым, хто здолее даўжэй усіх хадзіць па іх.

З канструктара можна сабраць нават сапраўдны Нотр-Дам, прычым з уражлівымі памерамі - 2,72 на 3,78 метры.

Глядзіце таксама:

20
Тэги:
Чэхія, "Лега"

Тыгр навучыўся спяваць, каб прыцягваць да сябе ўвагу - відэа

0
(абноўлена 20:29 06.03.2021)
Глядзіце на відэа, як драпежнік з Барнаульскага заапарка бярэ высокія ноты. І ўсё гэта дзеля аднаго - увагі.

Паласатыя драпежнікі могуць не толькі рыкаць, яны здольныя яшчэ і да "спеваў". Гэта даказвае тыгр Шэрхан. На кадрах можна ўбачыць, як тыгр, ходзячы па вальеры або знаходзячыся на ўзвышшы, якое, мусіць, лічыць сваёю сцэнай, бярэ высокія ноты.

"З самага нараджэння ён такім чынам прыцягвае ўвагу шматдзетнай мамы. Спецыяльна сыходзіў у далёкі кут, калі яна была занятая іншымі дзецьмі, і крычаў, пакуль яна не кіне ўсё і не прыйдзе да яго", - распавялі супрацоўнікі заапарка на старонцы ў сацыяльнай сетцы.

Рэпертуар узыходзячай зоркі Барнаульскага заапарка пакуль невялікі, аднак у яго арсенале ўжо ёсць некалькі хітоў, якія нагадалі некаторыя кампазіцыі ў выкананні расійскага спевака Вітаса. Іншыя прыхільнікі творчасці Шэрхана выказалі здагадку, што тыгр прастудзіўся, аднак супрацоўнікі заапарка запэўнілі, што са здароўем у драпежніка ўсё ў парадку.

Глядзіце таксама:

0
Тэги:
ноты, драпежнік, заапарк, тыгр