Фестываль цеплавых аэрастатаў

Земфіра, LP і Monatik: 10 фестываляў, якія нельга прапусціць летам 2018

44
(абноўлена 17:39 22.05.2018)
Фестываль 21vek адметны прыездам Земфіры і "Бумбокса", на "Рок за Баброў" выступяць "Звери", а ў Батанічны сад прыедзе Monatik.

Прыход цяпла суправаджаецца ў сталіцы адкрыццём не толькі купальнага, але і фестывальнага сезону: на працягу трох бліжэйшых месяцаў практычна любы ўікэнд можна будзе правесці на маштабным фэсце пад адкрытым небам — музычным, гастранамічным і нават авіяцыйным. Самыя годныя падзеі будучага лета, абавязковыя да наведвання — у падборцы Sputnik.

Эка-фэст "Пастэрнак"

Летні фестываль "Пастэрнак", прысвечаны здароваму ладу жыцця, кліча гасцей у парк DreamLand 30 чэрвеня і 1 ліпеня. Арганізатары абяцаюць шмат новай інфармацыі пра здаровы лад жыцця, насычаную праграму і смачную здаровую ежу.

Тут будуць функцыянаваць розныя зоны: Smart talk з апавяданнямі цікавых людзей, Food са смачнай і здаровай ежай, Kraft з прадукцыяй рамеснікаў і фермераў, а таксама Beauty & Wellness з натуральнай касметыкай. Актыўна адпачыць прапануюць у Sport, расслабіцца ў гамаках — у Relax, а пацешыць дзяцей — у Family-зоне. У самым цэнтры парку размесціцца галоўная пляцоўка Fun & Music. Адзін дзень тут можна правесці за 6 рублёў, два — за 10.

21vek

На тэрыторыі аэрапорта "Мінск-1" 1 ліпеня адбудзецца маштабны гарадскі музычны фестываль 21vek. Акрамя традыцыйных для падобнага мерапрыемства зялёных зон, на якіх збяруцца кампаніі з коўдрамі, фудкорты з рознай вулічнай ежай і шматлікія забаўляльныя лакацыі, фестываль адметны музыкамі — тут выступяць зоркі першай велічыні.

Певица Земфира
© Sputnik / Евгения Новоженина
Удзел Земфіры ў фестывалі 21vek ужо пацверджаны афіцыйна

Афіцыйна пацверджаны ўдзел Земфіры (якая рыхтуе праграму з лепшых песень у арыгінальным выкананні), LP (Лауры Пергаліцы), гуртоў "Бумбокс" і Shumа, а таксама расійскіх зорак — Дэльфіна і Therr Maitz; імёны іншых удзельнікаў пакуль трымаюць у сакрэце. У бліжэйшы час квіткі даступныя па цане ў 21 рубель, аднак па меры набліжэння фестывалю традыцыйна стануць даражэць.

"Космас наш"

У Цэнтры паруснага спорту 2 ліпеня адбудзецца найстарэйшы беларускі фестываль электроннай музыкі "Космас наш!". На Мінскім моры па традыцыі выступяць як добра знаёмыя дыджэі, так і пачаткоўцы тутэйшай сцэны.

У 2018 годзе ў фестывалі прымуць удзел французска-берлінскі праект dOP (live), адна з самых запатрабаваных у свеце дзяўчат-дыджэяў Magda, прыхільнік андэграўнду з Германіі Matthias Tanzmann, расійскі музыкант Nikita Zabelin і іншыя. Кошт квітка — 19 рублёў.

Stereo Weekend з "Новым Радыё"

У сталічным Батанічным садзе 7 і 8 ліпеня ўпершыню пройдзе вялікі музычны open air, па словах арганізатараў, у лепшых еўрапейскіх традыцыях: за ўікэнд на пляцоўцы выступяць каля 30 артыстаў.

Хэдлайнеры ўжо вядомыя: у сталіцу прыедуць поп-зорка Іван Дорн, "украінскі Цімберлэйк" Monatik, ісландскія шаманы GusGus і заўсёднікі папулярных еўрапейскіх фестываляў Lucille Crew. На пляцоўцы таксама размесцяцца вялікі фудкорт і маркет з дызайнерскімі рэчамі. Будуць працаваць больш за 20 забаўляльных зон. Уваход абыдзецца ў 29,99 рубля за адзін дзень і ў 39,99 — за два.

FSP

Галоўнае хіпстэрскае мерапрыемства лета — арт-пікнік Freaky Summer Party — разгорнецца ў парку DreamLand 28 і 29 ліпеня і, па словах арганізатараў, у гэтым годзе будзе адметны поўнай свабодай творчых ідэй. Традыцыйна тут будуць суседнічаць дзясяткі самых розных лакацый.

© Sputnik Елена Васильева
Мінчане ўжо прывыклі да таго, што арт-пікнікі FSP зараджаюць горад добрым настроем

Будуць працаваць дзіцячая пляцоўка Kidsters, адукацыйная зона Edutainment і зона з цікавымі спікерамі Blogeria, дызайн-маркет, маштабны фудкорт, забаўляльныя пункты, фотазоны і сцэны з альтэрнатыўнай электроннай музыкай. На арт-пікніку выступяць украінская спявачка Луна, расійскі індзі-гурт Pompeya, трыа "Пасош" і бельгійцы Warhaus. За дзень просяць 18,99 рублі, за два — 28,99 рублі.

"Рок за Баброў"

Ужо традыцыйны і адзінаццаты па ліку openair-фэст "Рок за Баброў" пройдзе на аэрадроме Баравая 4 жніўня. У 2018 годзе тэрыторыя самага наведвальнага мерапрыемствы краіны павялічыцца ўдвая, а сцэна — утрая. Як і ў мінулыя гады, тут можна будзе смачна перакусіць і патанчыць прама пад зоркамі.

Выступяць сем хэдлайнераў, абвешчана пакуль толькі трое: у Мінск прыедзе гурт "Звери", Noize MC і рок-гурт Louna; астатніх гасцей арганізатары стануць адкрываць па меры набліжэння мерапрыемства. Кошт квітка — ад 27,5 рублёў.

Фестиваль Рок за Бобров
Фестываль "Рок за Баброў"

Viva Braslav

Штогадовы фестываль Viva Braslav Open Air, які захопіць цэнтральны пляж Браслава, намечаны на 3 і 4 жніўня. У 2018-м на фестывалі выступяць Іван Дорн, Б'янка, Alekseev, Мальбэк і Сюзанна, Скрудж, Арцём Півавараў, Сяргей Бабунец (Ex. "Смысловые Галюцинации") і не толькі, а ў начной праграме, прысвечанай EDM-музыцы, прымуць удзел Jay Hardway і Dannic (Нідэрланды), Stadiumx (Венгрыя), Arston і Intelligency (Беларусь) і многія іншыя.

Акрамя двухдзённай музычнай праграмы арганізатары абяцаюць атмасферу пляжнага адпачынку, жывапісныя кемпінг-лакацыі, а таксама фудкорт і забаўляльныя зоны. Квіткі стартуюць ад 29,95 рубля і даходзяць да 179,95 за VIP-білет на два дні, які ўключае доступ у асаблівыя зоны фестывалю, асобны фудкорт і лаунж. Сталічныя тураператары ўжо прапаноўваюць аўтобусныя туры.

Фестываль феерверкаў

У цэнтры Лагойска 25 жніўня адбудзецца самы яркі міжнародны фестываль феерверкаў "Навальніца". Днём пляцоўку запоўняць інтэрнацыянальны фудкорт, лаунж-зона, зона барбекю і пляж, для дзяцей будуць праводзіць спартыўныя гульні і квэсты, арганізуюць дзіцячы гарадок і атракцыёны.

Увечары тут стануць выступаць групы Brutto, "Крамбамбуля" і "Маланка Аркестра"; пасля відовішчных спаборніцтваў арганізатары абяцаюць гасцям грандыёзныя музычныя феерверкі ад выбітных піратэхнікаў. Квіток абыйдзецца ў 35 рублёў.

Бясплатныя івэнты, годныя ўвагі

Вялікі брытанскі фестываль упершыню ў Верхнім горадзе пройдзе 16 чэрвеня. На дзень лакацыі трансфармуюць у дзелавы раён Лондан-Сіці або багемны Соха, дзе гасцей пазнаёмяць з кухняй (традыцыйнымі валійскімі і англійскімі стравамі), адукацыяй (прама ў дворыку разгорнецца "філіял брытанскага ўніверсітэта"), музыкай (у Мінск едуць артысты трып-хоп калектыву з Брыстоля), а таксама бізнесам, модай, спортам і іншымі сферамі, у якіх жыхары Злучанага Каралеўства традыцыйна "Great".

На плошчы Свабоды па суботах з 23 чэрвеня па 7 ліпеня стануць праходзіць джазавыя вечары. Канцэрты прысвецяць асобным тэмам, так што ў кожнай праграмы — свая назва: "Лацінаамерыканскі джаз", "Традыцыі і сучаснасць", "У джазе толькі дзяўчаты". На сцэне пабываюць госці з ЗША, Германіі, Бразіліі, Францыі, Ізраіля, Кубы, Расіі, а таксама беларускія музыкі.

Больше всего зрителей #пронебо привлекали винтовые самолеты.
© Sputnik / Виктор Толочко
На аэрадроме Баравая 29 і 30 ліпеня пройдзе фестываль авіяцыйнага спорту "Пронебо"

У трэці раз на аэрадроме Баравая 29 і 30 ліпеня пройдзе фестываль авіяцыйнага спорту "Пронебо". Гасцей чакаюць відовішчныя міжнародныя спаборніцтвы і авіяшоу, аглядныя палёты, фудкорт з рознага роду смачнасцямі і кульмінацыя — начное свячэнне паветраных шароў пад жывую музыку.

44
Тэги:
музыка, адпачынак, Культурна-масавыя мерапрыемствы, Фестываль, Мінск, Беларусь

Месцы сілы: карта прыродных святынь Мінскай вобласці

1299
(абноўлена 17:34 07.05.2021)
Сучасныя беларусы ходзяць з ахвяраваннямі да дрэў, крыніц і валуноў і просяць збавіць ад слепаты, падарыць добрага мужа і палегчыць роды. Што, дзе і ў чаго прасіць – у інфаграфіцы Sputnik.
Карта прыродных святынь Мінскай вобласці – інфаграфіка sputnik.by
© Sputnik Беларусь / Інфаграфіка

Па сціплых падліках, на Міншчыне знаходзіцца больш за 40 шанаваных прыродных святынь. Гэта камяні, крыніцы і нават дрэвы.

Гэтыя месцы здаўна ахутаныя легендамі і паданнямі. Напрыклад, побач з вёскай Крыжоўка Мінскага раёна ёсць Волас-камень, які, згодна з народнымі меркаваннямі, адказвае за ўрадлівасць і багацце. Назва каменя паходзіць ад язычніцкага бога Вялеса, які быў заступнікам хатняй жывёлай. Нават зараз на дрэвах вакол каменя можна знайсці чарапы быкоў і кароў.

Тут жа непадалёк знаходзіцца "Камень кахання", які 150 тысяч гадоў таму прынёс сюды ледавік. Да яго прыходзяць людзі не толькі ў пошуках бясконцага кахання, але і пары з просьбамі зачаць дзіця і палегчыць роды.

Самыя папулярныя прыродныя святыні Мінскай вобласці з інфармацыяй аб іх – на карце Sputnik.

КАЛІ Ў ВАС НЕ АДЛЮСТРОЎВАЕЦЦА ІНФАГРАФІКА — ГЛЯДЗІЦЕ МАТЭРЫЯЛ НА ПОЎНАЙ ВЕРСІІ САЙТА>>

1299
Тэги:
Святыні, дрэвы, камяні, Беларусь, Мінская вобласць
Тэмы:
Забытыя і знакамітыя: самыя цікавыя славутасці Беларусі
По теме
Дзе беларусы шукаюць здароўе і каханне і як у гэтым дапамагаюць камяні і вада

Скульптар стварае творы мастацтва з металу ў стылі стымпанк - відэа

72
(абноўлена 23:13 28.04.2021)
Зварачны апарат, фантазія і залатыя рукі скульптара з Краснадара ператвараюць груду старых непатрэбных жалязяк з гаража ў творы мастацтва. Глядзіце на відэа, як аўтар стварае арт-аб'екты і дзе бярэ ідэі.

Скульптар Аляксей Кашанаў, вядомы таксама пад творчым псеўданімам "Панкрат", стварае творы мастацтва з металу ў стылі стымпанк з дапамогай самых простых інструментаў.

Аляксей у юнацтве захапляўся музыкай у жанры панк-рок, а стымпанк прыцягнуў яго спачатку з-за назвы. Пасля знаёмства з працамі ў гэтым стылі скульптар вырашыў стварыць нешта падобнае.

"Першае, што было зроблена ў гэтым кірунку, гэта такая рыбіна, там ужо балты былі, шасцерні, шрубы, калючы дрот, ланцугі. Мне спадабаўся вынік, і я вырашыў працягнуць рух у гэтым напрамку", - распавёў Аляксей.

Скульптар прызнаецца, што для працы выкарыстоўвае простыя інструменты: электразварку, балгарку, маску і малаток. А ідэі для новых твораў узнікаюць "сумбурна". Падштурхнуць аўтара да стварэння скульптуры можа радок з кнігі, куплет песні ці яркае перажыванне. І, як толькі з'яўляецца час, майстар рэалізуе задуманае.

У лістападзе 2020 года Аляксей Кашанаў прадставіў свае работы на персанальнай выставе, арганізаваць якую прапанавалі ў Краснадарскай краявой выставачнай зале выяўленчых мастацтваў. У 2020 годзе скульптар ужо выстаўляў там свае працы сумесна з Саюзам мастакоў авангарду. У снежні 2020 года Аляксей таксама прыняў удзел у сумеснай выставе ў музеі сучаснага мастацтва Эрарта ў Санкт-Пецярбургу.

72
Тэги:
мастацтва, скульптура
Пісьмовы набор кіраўніка дзяржавы

Заканадаўчую функцыю прэзідэнта прапануюць абмежаваць у Беларусі

2
(абноўлена 12:48 14.05.2021)
У Нацыянальнай бібліятэцы Беларусі праходзіць чарговае пасяджэнне канстытуцыйнай камісіі, сёння там разглядаюць прапановы ў раздзел аб парламенце.

МІНСК, 14 тра - Sputnik. Канстытуцыйная камісія прапанавала абмежаваць заканадаўчую функцыю прэзідэнта Беларусі, ён не зможа выдаваць дэкрэты, якія маюць сілу закона.

Акрамя гэтага, прапануецца ўвесці забарону на сумяшчэнне пасад дэпутата ніжняй палаты парламента Беларусі і члена ўрада і замацаваць гэта ў Канстытуцыі.

Сёння праходзіць чацвёртае пасяджэнне Канстытуцыйнай камісіі. Разглядаюцца прапановы па змене канстытуцыйных палажэнняў аб функцыях і паўнамоцтвах парламента - Нацыянальнага сходу Рэспублікі Беларусь.

Прысяга дэпутата

У канстытуцыі таксама можа з'явіцца норма аб прынясенні прысягі дэпутатамі.

"Зыходзячы з агульнапрызнанай практыкі замацавання ў канстытуцыях замежных краін прынясення парламентарыямі прысягі перад народам, высокага статусу парламентарыя, прапануецца дапоўніць канстытуцыю палажэннем аб прынясенні дэпутатамі Палаты прадстаўнікоў, членамі Савета рэспублікі Нацыянальнага сходу Рэспублікі Беларусь прысягі на вернасць народу з выкладаннем тэксту прысягі", - заявіў кіраўнік Канстытуцыйнага суда Пётр Міклашэвіч.

Ён прапанаваў выключыць з Канстытуцыі палажэнні, якія прадугледжваюць дэлегаванне Палатай прадстаўнікоў і Саветам Рэспублікі прэзідэнту заканадаўчых паўнамоцтваў на выданне дэкрэтаў, якія маюць сілу закона - у мэтах больш поўнай рэалізацыі парламентам заканадаўчай функцыі прапануецца.

Акрамя таго, Міклашэвіч лічыць неабходным выключыць выданне прэзідэнтам па сваёй ініцыятыве або па прапанове ўрада ў сілу адмысловай неабходнасці часовых дэкрэтаў, якія маюць сілу закона.

Што з бюджэтам

Міклашэвіч таксама агучыў прапановы па працэдуры прыняцця праектаў законаў аб бюджэце.

Для больш поўнага замацавання на канстытуцыйным узроўні адной з найважнейшых функцый парламента - прыняцця і змены бюджэтаў, ён прапанаваў уключыць у артыкул 97 Канстытуцыі наступнае: "Палата прадстаўнікоў прымае законы аб рэспубліканскім бюджэце і аб зацвярджэнні справаздачы аб яго выкананні. Праект закона аб рэспубліканскім бюджэце на чарговы фінансавы год уносіцца ў Палату прадстаўнікоў урадам па ўзгадненні з прэзідэнтам не пазней 60 дзён да пачатку фінансавага года".

Як распавёў Sputnik палітолаг Юрый Васкрасенскі, таксама прапануецца павялічыць мінімальны ўзрост для абрання ў ніжнюю палату Парламента - з 21 да 25 гадоў. Стаж пражывання ў канкрэтнай мясцовасці краіны для абрання членам Савета Рэспублікі таксама павялічыць да 10 гадоў (раней было пяць).

Права тлумачэння Канстытуцыі ў ніжняй палаты Парламента прапануецца перадаць Канстытуцыйнаму Суду.

Васкрасенскі растлумачыў, што гэтыя нормы падтрымала большасць членаў Канстытуцыйнай камісіі, аднак фінальная версія Асноўнага закона будзе прадстаўленая не пазней за жнівень 2021 года.

Чытайце таксама:

2
Тэги:
Канстытуцыйная камісія, прэзідэнт, Беларусь