Кіркораў распавёў, колькі грошай атрымаў за свае песні для "Еўрабачання"

© Sputnik / Екатерина Чеснокова / Перайсці ў медыябанкКіркораў распавёў, колькі грошай атрымаў за свае песні для "Еўрабачання"
Кіркораў распавёў, колькі грошай атрымаў за свае песні для Еўрабачання - Sputnik Беларусь
Падпісацца
Кароль расійскай поп-сцэны ездзіў на "Еўрабачанне" толькі аднойчы, але сам конкурс не пакідае - удзельнічае ў ім якасці аўтара песень і прадзюсара.

МІНСК, 12 кра - Sputnik. Расійскі спявак Філіп Кіркораў распавёў пра свае даходы ад удзелу ў "Еўрабачанні" ў якасці аўтара песень і прадзюсара, прызнанне спевака апублікавала выданне "Дни.ру".

Лазараў назваў галоўнага канкурэнта на Еўрабачанні - Sputnik Беларусь
Лазараў назваў галоўнага канкурэнта на "Еўрабачанні"

Кіркораў удзельнічаў у гэтым музычным конкурсе ў якасці спевака толькі аднойчы, у 1995 годзе: тады ён выступіў з кампазіцыяй "Колыбельная для вулкана" і заняў 17 месца. Пазней вядомы спявак пачаў ездзіць на "Еўрабачанне" як прадзюсар і аўтар песень. Ён рыхтаваў да выступлення ўдзельнікаў ад Беларусі Дзмітрыя Калдуна і Анжаліку Агурбаш, украінскую спявачку Ані Лорак і малдаўскую групу DoReDoS.

У гэтым годзе Філіп Кіркораў узначаліў каманду Сяргея Лазарава па падрыхтоўцы да "Еўрабачання". Акрамя таго, ён стаў адным з аўтараў песні Scream ("Крык"), з якой выступіць на конкурсе расійскі спявак.

Спявак распавёў, што матэрыяльны бок пытання ў працы для яго ніколі не быў вызначальным момантам: ён робіць толькі тое, што яму падабаецца. Высветлілася, што грашовых даходаў ад песень для "Еўрабачання" і сваёй прадзюсерскай працы з выканаўцамі Кіркораў не атрымлівае.

"Я валанцёр гэтага конкурсу, працую бясплатна. Мне проста падабаецца, ды і кураж перамагчы не пакідае. Я вазьму гэты конкурс зморам і ўсё роўна даб'юся свайго. Калі ў гэтым годзе Сяргей Лазараў пераможа, то, напэўна, я буду лічыць сваю місію выкананай і перастану ўдзельнічаць у "Еўрасонге", - шакаваў сваім прызнаннем спявак.

Стужка навiн
0