Гайда на двор: у Гомелі нагадалі, як гуляць у халі-хало і выбівалы

Гайда на двор: у Гомелі нагадалі, як гуляць у "халі-хало" і "выбівалы"

21
(абноўлена 09:48 27.05.2019)
"Класікі" і "разіначкі" раней ведалі амаль у кожным двары, цяпер яны для многіх сталі экзотыкай.

ГОМЕЛЬ, 27 мая - Sputnik. Другі сямейны фестываль дваровых гульняў прайшоў у нядзелю ў Гомелі, забытыя забавы савецкага мінулага сабралі каля 200 дарослых і дзяцей, перадае карэспандэнт Sputnik.

Раніцай тэрыторыю школы №12 разбілі на дзесяць лакацый. Зрабілі гэта так, каб месца хапіла ўхіляцца ад мячоў, не перашкаджаць скакаць у класікі ці кідаць "талеркі". Тэлепорт у мінулае зладзілі актывісты грамадскіх аб'яднанняў "Рада бацькоў Гомеля" і "ВелаГомель".

Возрастной ценз участников фестиваля – 0+
© Sputnik / Мария Амелина
Узроставы цэнз удзельнікаў фестывалю - 0+

Здавалася б, што тут такога - выйдзі на двор і скачы хоць да ночы ў разіначкі, кідай мяч у баскетбольнае кальцо.

"Яшчэ гадоў 20 таму так і было. Цяпер, на жаль, дзяцей складана адарваць ад камп'ютараў і планшэтаў, а бацькі пастаянна занятыя. Наш фестываль - спроба змяніць сітуацыю, зрабіць сям'і мацней і здаравей", - распавёў старшыня "Савета бацькоў горада Гомеля" Сяргей Бычкоў.

Сергей Бычков известен гомельчанам проектами ПапаШкола, ПапаЗал, Рух дваровых гульняў
© Sputnik / Мария Амелина
Сяргей Бычкоў вядомы гамяльчанам праектамі "ПапаШкола", "ПапаЗал", "Рух дваровых гульняў"

Падрыхтоўка да фестывалю заняла тры тыдні. Арганізацыйных момантаў хапала - ад друку маршрутных лістоў да падбору інструктараў. На кожнай пляцоўцы стаяў чалавек у чырвонай майцы з праекта "Рух дваровых гульняў" і тлумачыў удзельнікамі правілы гульні.

В этом году на фестиваль пригласили спасателей со своей техникой, от желающих посидеть в кабине пожарной машины не было отбоя
© Sputnik / Мария Амелина
У гэтым годзе на фэст запрасілі ратавальнікаў са сваёй тэхнікай, ад жадаючых пасядзець у кабіне пажарнай машыны не было адбою

Арганізатары хваляваліся за лёс легендарнага "квадрата", усё ж такі правілы няпростыя. Але з жадаючых пагуляць вырасла чарга. Сярод іх - адзіная на фэсце бабуля Любоў Кісялёва.

Пенсионерка Любовь Киселева со своим внуком
© Sputnik / Мария Амелина
Пенсіянерка Любоў Кісялёва са сваім унукам

"Жывем побач, пачулі музыку за акном і бегам сюды. Унук сам атрымаў у адміністратараў маршрутны ліст. Ужо згулялі ў фрысбі, цяпер вось буду заўзець за яго на "квадратным футболе", - імкнецца нічога не пераблытаць бабуля пяцігадовага Улада.

Маці дваіх дзяцей Ірына Бокарава прыехала на фестываль з Рагачова. Кажа, у старэйшага сына ёсць каму гуляць у двары, але няма чалавека, які б навучыў. Малодшаму - 9 месяцаў, з мамчыных рук пакуль не злазіць.

Нынешний фестиваль – своеобразный мастер-класс для родителей
© Sputnik / Мария Амелина
Сёлетні фестываль - своеасаблівы майстар-клас для бацькоў

"Вову амаль чатыры гады, ён рухомае дзіця. Гуляць у двары ёсць з кім, але няма ў што. Я, на жаль, правіл не ведаю. Цяперашні фестываль - своеасаблівы майстар-клас для мяне. Усе запамінаю, потым навучу маленькіх рагачоўцаў", - упэўненая маладая мама.

30-летний Антон Пискунов со своими сыновьями на втором фестивале семейных дворовых игр
© Sputnik / Мария Амелина
30-гадовы Антон Піскуноў са сваімі сынамі на другім фестывалі сямейных дваровых гульняў

Карэспандэнты Sputnik сустрэлі на школьным двары героя студзеньскай публікацыі - жыхара Шведскай Горкі Антона Піскунова, з лёгкай рукі якога ў двары маладога мікрараёна з'явіўся вялікі лядовы каток. Сёння Антон ужо актывіст "Савета бацькоў Гомеля".

Еще лет 20 назад никому не нужно было объяснять, как прыгать в резиночку, сегодня многие мамы с ностальгией вспоминали именно это детское развлечение
© Sputnik / Мария Амелина
Яшчэ гадоў 20 таму нікому не трэба было тлумачыць, як скакаць у "разіначкі", сёння многія мамы з настальгіяй успаміналі менавіта гэту дзіцячую забаўку

"Рухомыя дваровыя гульні развіваюць камунікатыўныя навыкі, уменне мець зносіны, элементарна рухацца, а не сядзець на месцы. Дзіцяці гэта вельмі важна. Сёння мы паказалі дзецям, у што можна пагуляць у двары, і далі магчымасць дарослым успомніць сваё дзяцінства", - сфармуляваў галоўныя мэты фестывалю Піскуноў.

21
Тэги:
дзеці, Гомель

Стыль жыцця