Блогер Улад Бумага

Больш за 10 млн: беларускі блогер атрымаў "Брыльянтавую кнопку" ад YouTube

8
(абноўлена 16:25 18.08.2019)
Улад Бумага да навіны паставіўся эмацыйна: размясціў фота ў сацсетках, падзякаваў падпісчыкам і паведаміў ім, што шчаслівы такому дасягненню.

МІНСК, 18 жні - Sputnik. Вядомы беларускі блогер Улад Бумага атрымаў прэстыжную ўзнагароду ад карпарацыі YouTube, гэтай навіной блогер падзяліўся са сваімі прыхільнікамі ў сацыяльных сетках.

Колькасць падпісчыкаў на відэаканал Улада Бумагі ў чэрвені перавысіла 10 мільёнаў чалавек. Прэстыжны прыз - "Брыльянтавую кнопку" ад кампаніі YouTube - беларускі блогер атрымаў напярэдадні.

Сам Бумага да навіны паставіўся эмацыйна: размясціў фота на сваёй старонцы ў сацыяльнай сетцы "УКантакце", падзякаваў сваім падпісчыкам і паведаміў ім, што шчаслівы такому дасягненню.

У цяперашні час на YouTube-канал Улада Бумагі падпісана больш 10,86 мільёна чалавек. Хлопец нарадзіўся ў Мінску ў 1996 годзе, а свой канал заснаваў у лістападзе 2014 года. Адным з першых папулярных ролікаў блогера стала відэа "24 гадзіны ў батутным цэнтры", якое паглядзелі больш за 10 мільёнаў разоў.

"Брыльянтавай кнопкай" ад YouTube ўзнагароджваюцца каналы, колькасць падпісчыкаў якіх перавышае 10 мільёнаў карыстальнікаў. Статуэтка вырабляецца са срэбнай устаўкі з кавалкам крышталя ў форме кнопкі прайгравання.

8
Тэги:
Улад Бумага

Стыль жыцця