Галерея агентов 007

Агент-007: national edition

156
(абноўлена 12:23 12.11.2015)
Падчас паказу новага фільма пра Джэймса Бонда карэспандэнта Sputnik захлынула зайздрасць да брытанцаў, якія паўсюль піяраць сваю МІ-6. Мы зрабілі падборку беларускіх Бондаў – модных гадзіннікаў не мелі, але ж характар стойкі, нардычны.

МІНСК, 12 ліс — Sputnik. Карэспандэнт Sputnik патрапіла на самы дзявочы з паказаў новага "Джэймса Бонда" — яго арганізавалі пры падтрымцы касметычнай фірмы Mary Kay, таму зала поўнілася ўсхваляваннем, дзяўчаты крычалі Бонду "Бягі!" і крытыкавалі залішнюю паўнату яго новай дзяўчыны. Самога Дэніэла Крэйга, выканаўцу галоўнай ролі, таксама крытыкавалі — маўляў, Бонд ужо не такі, якім быў некалі, і многія ракурсы яму ўжо не так пасуюць.

Sputnik прыняўся шукаць мясцовых Бондаў з не менш нардычным характарам, чым у Крэйга.

Яўген Пясецкі: шпіён трох разведак, пісьменнік, намінант на Нобелеўскую прэмію, авантурыст

З біяграфіі гэтага супершпіёна можна было б стварыць айчынную Бандыану — герой працаваў на тры разведкі, у дадатак намініраваўся на Нобеля па літаратуры. Аднак звестак пра яго няма ў літаратурных энцыклапедыях. Такое замоўчванне пісьменніка, які аказаў значны ўплыў на літаратурнае і калялітаратурнае жыццё даваеннай Польшчы, не выпадковае: яго творчасць з-за паслядоўнай антыбальшавіцкай пазіцыі аўтара не прывіталася і свядома замоўчвалася і ў сацыялістычнай Польшчы і ў СССР.

У 1922 Пясецкі залучыўся ў польскую ваенную выведку, так званы II Аддзел — знакамітую "Двуйку". Адчайны антыбальшавік, ён крытыкуе камунізм і працуе на Польшчу — цяпер як шпіён. Выконвае сакрэтныя даручэнні на савецкай тэрыторыі і вельмі хутка атрымлівае славу дасведчанага аператыўнага агенту. У характарыстыцы на Пясецкага, выдадзенай яму II-ым Аддзелам, адзначана: "Праца яго была надзвычай плённай. Ён здабываў вельмі каштоўную інфармацыю і адрозніваўся выключнай адвагай. Даручаныя заданні выконваў, не шкадуючы ні жыцця, ні здароўя".

Ён стварыў вялізную сетку таемных агентаў. І ўсё пад прыкрыццём кантрабанды. Магчыма, упершыню ў гісторыі сусветных разведак шпіянаж быў пераведзены на самазабеспячэнне. Праз іх рукі прайшло каштоўнасцяў не менш чым на мільён фунтаў стэрлінгаў. Ну а яшчэ трохі Сяргей пакідаў сабе. Як успамінаў сам Пясецкі, "я мог купіць цэлую вуліцу, але не набыў нават дома", бо амаль усе грошы сыходзілі на падтрымку яго агентуры ў СССР.

А цяпер пройдземся па тыпова бондаўскіх характарыстыках. Працоўная зброя — пісталеты вальтэр калібра 6,35 або 7,65 — невялікія, кампактныя — іх зручна хаваць. Бывала, праўда, ён карыстаўся "Парабелумам" або "Браўнінгам". Афіцыйнай ліцэнзіі на забойства ў яго не было. Жанаты. Любімы напой — якасная польская гарэлка.

Уладзімір Амельянюк: рэдактар падпольнай газеты

Скончыў тры курсы Мінскага камуністычнага інстытута журналістыкі, працаваў літаратурным супрацоўнікам у газеце "Піянер Беларусі". Калі сустрэў вайну на практыцы ў Беластоку, здолеў дабрацца да Мінска і далучыўся да падполля.

Актыўна ўдзельнічаў у дыверсійнай дзейнасці, на чале групы падпольшчыкаў арганізоўваў уцёкі савецкіх ваеннапалонных з нямецкіх лагераў, усталёўваў сувязі з іншымі падпольшчыкамі і партызанамі, перадаваў ім выкрадзеныя ў акупантаў зброю і амуніцыю. Усталяваўшы ў сябе дома радыёпрымнік, Амельянюк стаў прымаць зводкі "Саўінфармбюро" і распаўсюджваць іх сярод насельніцтва. З траўня 1942 года ён стаў рэдактарам газеты падпольнага Мінскага гаркама ВКП(б) "Звязда", якая таемна набіралася ў нямецкай друкарні. Першыя ж выпускі прымусілі акупантаў пачаць пошукі рэдакцыі з прыцягненнем правакатараў і агентаў. 26 мая 1942 года ў Сувязным завулку ў Мінску Амельянюк быў забіты адным з такіх правакатараў.

Кірыл Арлоўскі: збегчы ад кітайскай контр-разведкі і ўзначаліць калгас-міліянер

Кіраўнік партызанскага дыверсійнага атрада ў Польшчы, удзельнік грамадзянскай вайны ў Іспаніі, прарэктар сельскагаспадарчага інстытута, савецкі шпіён у Кітаі, кіраўнік партызанскага атрада ў час Вялікай Айчыннай вайны. Пазбавіўшыся абедзвюх рук, ён не ўпаў духам і ўзначаліў у 1945-м годзе калгас у Беларусі, які першым у СССР атрымаў чысты прыбытак у мільён рублёў.

У чэрвені 1918 па заданні падпольнага Бабруйскага павятовага камітэта партыі бальшавікоў стварыў партызанскі атрад, які дзейнічаў супраць нямецкіх войскаў. Са снежня 1918 года па красавік 1919 года працаваў у Бабруйскай ЧК.

Партызанскі, а па сутнасці, дыверсійны рух у Беларусі пачаўся летам 1921 года. Аднымі з камандзіраў такіх дыверсійных атрадаў былі Кірыл Арлоўскі і Станіслаў Ваўпшасаў.

У 1937 годзе Арлоўскі адправіўся дапамагаць рэспубліканцам у Іспанію, дзе ён дзейнічаў пад псеўданімам Стрыкаў (ад striker — ударнік у спускавым механізме стралковай зброі). Кіраўніцтва інтэрбрыгады называла адзін з яго рэйдаў "надзвычайным", аднак сам Арлоўскі быў незадаволены вынікам — лічыў, што эфект быў бы непараўнальна большым, калі б не баязлівасць і разгільдзяйства іспанцаў.

Дарэчы, Арлоўскі цэлы тыдзень жыў у адным гатэлі з Хэмінгуэем і стаў у выніку прататыпам яго персанажа ў аповесці "Па кім звоніць колакал".

У сакавіку 1941 пад выглядам супрацоўніка Наркамата каляровай металургіі Арлоўскі выязджае ў Алма-Ату для арганізацыі базы савецкай агентуры ў Кітаі — чакалася вялікая вайна з Японіяй і вопыт Кірылы Пракопавіча быў вельмі дарэчы. Арганізаваўшы працу на базе, Арлоўскі са спецыяльным заданнем адбывае ў Сіньцзян (Кітай), там ён ратуе нашага рэзідэнта, выкрадае яго літаральна з-пад носу ў кітайскай контрразведкі і вывозіць у СССР у цюку ваты.

Падчас другой сусветнай вайны, Кірыл Пракопавіч страціў кісці абедзвюх рук — застаўся толькі палец. Пазбавіўшыся абедзвюх рук, ён не ўпаў духам і ўзначаліў у 1945-м годзе калгас у Беларусі, які першым у СССР атрымаў чысты прыбытак у мільён рублёў.

156
Тэги:
Уладзімір Амельянюк, Яўген Пясецкі, Кірыл Арлоўскі, Джэймс Бонд, Агент 007, Беларусь, Увесь свет
Прэзідэнт РФ Уладзімір Пуцін

Гонар за спадчыну: Пуцін павіншаваў суайчыннікаў з Днём Расіі

0
(абноўлена 14:06 12.06.2021)
Дзень Расіі, па словах прэзідэнта, сімвалізуе не толькі сучаснае развіццё краіны, але і найбагацейшая спадчына, створаная многімі пакаленнямі продкаў.

Уладзімір Пуцін павіншаваў расіян з Днём Расіі. Віншаванне грамадзянам краіны ад расійскага лідэра прагучала ў суботу на цырымоніі ўручэння дзяржаўных прэмій і ўзнагароджання герояў працы.

"Рады вітаць вас у Крамлі і, перш за ўсё, павіншаваць прысутных у гэтай зале, усіх грамадзян нашай краіны са святам, з Днём Расіі", - заявіў расійскі лідэр.

Па словах прэзідэнта, Дзень Расіі "азначае не толькі сучаснае развіццё айчыны, але і ўвесь яе шматвяковы, бесперапынны шлях, веліч яе гісторыі, яе здзяйсненняў, перамог і дасягненняў". Гэта найбагацейшая спадчына стваралася многімі пакаленнямі нашых продкаў, падкрэсліў Пуцін.

"Іх працоўныя і ратныя подзвігі, бясконцая адданасць радзіме выклікаюць павагу і гонар, імкненне быць годнымі іх гераічных лёсаў, захоўваць, сцвярджаць у сваім жыцці завешчаныя нам каштоўнасці, якія і сёння маюць каласальнае значэнне для ўсяго нашага руху наперад", - дадаў расійскі лідэр.

Адно з першых віншаванняў расійскаму лідэру і народу краіны раніцай было накіравана з Беларусі.

Аляксандр Лукашэнка ў віншавальнай тэлеграме назваў Расійскую Федэрацыю "вялікай краінай з унікальнай гісторыяй і бясцэннай культурнай спадчынай" і выказаў упэўненасць, што беларуска-расійскія адносіны, "загартаваныя ў супрацьстаянні сучасным пагрозам", будуць прырастаць новымі перспектыўнымі напрамкамі супрацоўніцтва ў інтарэсах абедзвюх краін і народаў.

Віншаванні з нагоды Дня Расіі накіравала таксама кіраўнік верхняй палаты беларускага парламента Наталля Качанава, віншавальныя словы адрасаваны кіраўніку Савета Федэрацыі Валянціне Мацвіенка, старшыні Дзярждумы Вячаславу Валодзіну, а таксама дзяржсакратару Саюзнай дзяржавы Дзмітрыю Мезенцаву і надзвычайнаму і паўнамоцнаму паслу Расіі ў Беларусі Яўгену Лук'янаву.

Чытайце таксама:

0
Тэги:
продкі, спадчына, краіна, развіццё, прэзідэнт, Дзень Расіі, суайчыннік, Уладзімір Пуцін, гонар
Пасол Расіі ў Беларусі Яўген Лук'янаў

Пасол Лук'янаў: Беларусь і Расія павінны абараняць свае гістарычныя перамогі

10
(абноўлена 13:38 12.06.2021)
Кіраўнік расійскай дыпмісіі прыняў удзел у цырымоніі размяшчэння ў крыпце Усіхсвяцкага храма ў Мінску капсулы з зямлёй з месцаў гібелі беларусаў у Крымскай вайне.

МІНСК, 12 чэр – Sputnik. Надзвычайны і паўнамоцны пасол Расіі ў Беларусі Яўген Лук'янаў заявіў пра важнасць захавання гістарычнай праўды.

"Мы павінны ведаць і памятаць нашу гісторыю, і да таго часу, пакуль мы яе памятаем, у нас ёсць будучыня", - падкрэсліў пасол на цырымоніі ва Усіхсвяцкім храме ў Мінску.

Кіраўнік расійскай дыпмісіі ў Мінску сёння прыняў удзел у цырымоніі размяшчэння ў крыпце Усіхсвяцкага храма капсулы з зямлёй беларусаў, якія загінулі ў час Крымскай вайны 1853-1856 гадоў.

"Тое, што гэта падзея супала з Днём Расіі, лішні раз пацвярджае пераемнасць гісторыі", - сказаў ён.

Расійскі дыпламат таксама адзначыў, што дзве краіны - Беларусь і Расія - павінны ўмець абараняць гістарычную памяць.

"Мы павінны абараняць нашу гістарычную памяць, нашу праўду, не замоўчваць нашы паражэнні, выпраўляць іх і нікому не дазваляць запляміць або замараць, або так скажам, "зафоташопіць" нашы перамогі", - падкрэсліў пасол.

Сцяг над Рэйхстагам быў чырвонага колеру, і толькі палітычныя дальтонікі не могуць гэта разглядзець, падкрэсліў дыпламат. "Мы, і расіяне, і беларусы, ад гэтага захворвання не пакутуем", сказаў пасол.

Падалтарная Крыпта, у якой знаходзяцца астанкі воінаў, беларусаў, якія загінулі ў бітвах трох войнаў - Айчыннай 1812, Першай сусветнай і Вялікай Айчыннай вайны 1941-1945 гадоў, не мае аналагаў у свеце. Першыя астанкі воінаў былі пахаваны тут у 2010 годзе. З сённяшняга дня ў ёй будзе знаходзіцца зямля з Севастопаля, дзе ў 1853-1856 годзе загінулі беларусы, якія ваявалі ў тых бітвах. Напярэдадні яе даставілі з гэтага гераічнага горада. Як растлумачылі Sputnik ва Усіхсвяцкім храме, цяпер царква будзе маліцца за гэтых воінаў "вякі вечныя".

У мерапрыемстве, акрамя прадстаўнікоў расійскага пасольства, прынялі ўдзел ветэраны, а таксама беларусы Крыма.

Чытайце таксама:

10
Тэги:
Крымская вайна, беларусы, Мінск, Усіхсвяцкі храм, дыпмісія, кіраўнік, перамога, Расія, Беларусь, Яўген Лук'янаў, пасол
Тэмы:
Саюзная дзяржава Беларусі і Расіі