Пяты Усебеларускі сход у Мінску

Пяты Усебеларускі: у Мінску адкрываецца галоўны форум пяцігодкі

29
(абноўлена 11:12 22.06.2016)
Форум, які быў заснаваны па ініцыятыве Лукашэнкі ў другой палове 1990-х гадоў, стане ўжо пятым па ліку.

МІНСК, 22 чэр — Sputnik. Усебеларускі народны сход пачне сваю працу ў сераду ў Мінску. Дэлегаты заслухаюць даклад прэзідэнта, ацэняць вынікі рэалізацыі праграмы сацыяльна-эканамічнага развіцця краіны на 2011-2015 гады і абмяркуюць асноўныя палажэнні праграмы сацыяльна-эканамічнага развіцця краіны на 2016-2020 гады.

Першы Усебеларускі народны сход адбыўся ў Мінску ў кастрычніку 1996 года. На ім упершыню ў гісторыі незалежнай Беларусі была прынята праграма развіцця краіны на пяцігодку. Затым Усебеларускія народныя сходы, якія ў краіне любяць параўноўваць з традыцыйным у старажытных славян веча, праводзіліся ў 2001, 2006 і 2010 гадах.

Удзельнікі, выбраныя на раённых і гарадскіх сходах упаўнаважаных, пачалі прыбываць у Мінск: ад кожнай з шасці абласцей Беларусі — па 350 чалавек, ад Мінска — 400 чалавек. У форуме возме ўдзел 2,5 тысячы дэлегатаў.

У форуме будуць удзельнічаць і запрошаныя госці. МЗС Беларусі паведаміў, што запрасіў больш за 100 гасцей з 55 краін свету, сярод якіх прадстаўнікі аб'яднанняў беларускай дыяспары, вядомыя замежныя грамадска-палітычныя дзеячы, прадстаўнікі міжнародных арганізацый і інтэграцыйных аб'яднанняў, кіраўнікі замежных дыпмісій. У якасці ганаровых гасцей у Мінску чакаюць былога прэзідэнта Украіны Леаніда Кучму, дзяржсакратара Саюзнай дзяржавы Рыгора Рапоту, кіраўніка фракцыі Камуністычнай партыі ў Дзярждуме РФ Генадзя Зюганава, лётчыкаў-касманаўтаў Уладзіміра Кавалёнка і Пятра Клімука.

Sputnik будзе сачыць за ходам Усебеларускага народнага сходу, чытайце нашы рэпартажы на старонках партала.

29
Тэги:
Дзяржаўная палітыка, Усебеларускі народны сход, Мінск
Вакцынацыя ад COVID-19

Расійскую вакцыну "Спутник V" зарэгістравалі ў Гватэмале

13
(абноўлена 18:00 25.02.2021)
Гватэмала стала 37-й па ліку краінай, дзе ўхвалена прымяненне расійскага прэпарата, які ўвайшоў у топ-3 сусветных вакцын супраць каронавіруса па колькасці атрыманых адабрэнняў.

МІНСК, 25 лют – Sputnik. Расійская вакцына "Спутник V" зарэгістравана ў Гватэмале, гэта ўжо трэцяя краіна Цэнтральнай Амерыкі, якая адобрыла прэпарат, перадае Расійскі фонд прамых інвестыцый (РФПІ).

"РФПІ аб'яўляе аб рэгістрацыі расійскай вакцыны супраць каронавіруса "Спутник V" міністэрствам аховы здароўя Рэспублікі Гватэмала", - распавялі ў фондзе.

Там адзначылі, што рэгістрацыя прэпарата была ажыццёўлена ў паскораным парадку.

"Бяспечная і эфектыўная расійская вакцына прызнана па ўсім свеце і з'яўляецца адным з ключавых інструментаў для барацьбы з пандэміяй", - паведаміў кіраўнік РФПІ Кірыл Дзмітрыеў.

На дадзены момант расійская вакцына "Спутник V" зарэгістравана ў Расіі, Беларусі, Аргентыне, Балівіі, Сербіі, Алжыры, Палестыне, Венесуэле, Парагваі, Туркменістане, Венгрыі, ААЭ, Іране, Рэспубліцы Гвінея, Тунісе, Арменіі, Мексіцы, Нікарагуа, Рэспубліцы Сербскай (энтытэт Босніі і Герцагавіны), Ліване, М'янме, Пакістане, Манголіі, Бахрэйне, Чарнагорыі, Сэнт-Вінсэнце і Грэнадынах, Казахстане, Узбекістане, Габоне, Сан-Марына, Гане, Сірыі, Кыргызстане, Гаяне, Егіпце і Гандурасе.

Чытайце таксама:

13
Тэги:
Гватэмала, Расія, вакцына, каронавірус
Тэмы:
Расійскія вакцыны ад каронавіруса
У ходзе круглага стала быў прадстаўлены трансмедыйны гістарычны праект РІА Навіны Нюрнберг. Начало мира

У агенцтве "Россия сегодня" прадставілі праект "Бессмертная память"

14
(абноўлена 18:11 25.02.2021)
У ходзе круглага стала быў прадстаўлены трансмедыйны гістарычны праект РІА Навіны "Нюрнберг. Начало мира", які стартаваў у год 75-годдзя галоўнага судовага працэсу ХХ стагоддзя.

МІНСК, 25 лют – Sputnik. Круглы стол на тэму "Нацистский геноцид: новые документы и материалы" з удзелам спікераў Асамблеі народаў Еўразіі і экспертаў мультымедыйнага праекта РІА Навіны "Нюрнберг. Начало мира" прайшоў у прэс-цэнтры медыягрупы "Россия сегодня" у Маскве. Круглы стол у фармаце тэлемоста аб'яднаў удзельнікаў з Расіі, Латвіі, Казахстана і Таджыкістана.

Ключавой тэмай абмеркавання стала прэзентацыя міжнароднага праекта Асамблеі "Бессмертная память", задача якога - выявіць і аблічбаваць ўвесь масіў дадзеных пра злачынствы нацыстаў супраць грамадзян СССР з замежных архіваў. У праект таксама ўвойдуць матэрыялы, апублікаваныя па завяршэнні Нюрнбергскага трыбунала, які першым у гісторыі прызнаў агрэсію найцяжэйшым крымінальным злачынствам і аддаў публічнай агалосцы злачынствы нацыстаў супраць свету і чалавечнасці.

Генеральны сакратар Асамблеі народаў Еўразіі Андрэй Бельянінаў у сваім выступленні адзначыў: "Да захавання гістарычнай памяці ўсё больш актыўна падключаецца грамадскасць - расійская і сусветная. Праца Міжнароднага арганізацыйнага камітэта праекта "Бессмертная память" па захаванні гістарычна каштоўнаснай спадчыны Вялікай Айчыннай і Другой сусветнай войнаў адначасова адказвае інтарэсам Расіі і ўсіх краін - пераможцаў і саюзнікаў.

Запатрабаванасць такой грамадскай структуры становіцца яшчэ больш відавочнай, калі ўлічыць беспрэцэдэнтную антырасійскую прапагандысцкую кампанію, разгорнутую ў апошнія гады. Па ўсім свеце стала нашмат складаней арганізоўваць і праводзіць мерапрыемствы, звязаныя з памятаннем нават такіх адназначных па сваім ідэалагічным змесце падзей, як разгром фашызму Савецкім Саюзам і краінамі антыгітлераўскай кааліцыі.

Найважнейшай задачай Міжнароднага арганізацыйнага камітэта праекта "Бессмертная память" з'яўляецца стварэнне агульнага электроннага банка дакументаў аб нацысцкіх злачынствах, а таксама стварэнне адзінай картатэкі нацыстаў і іх памагатых, якія ўчынілі злачынствы супраць міру і чалавечнасці. Гэтая дастойная навукова-арганізацыйная задача выпадае на долю нашага пакалення. Яе выкананне будзе спрыяць аднаўленню гістарычнай справядлівасці і стане надзейнай перашкодай тым, хто спрабуе перапісаць гісторыю, рэабілітаваць нацызм і ачарніць вялікую перамогу савецкага народа і ўсіх краін і народаў - пераможцаў нацызму".

В агентстве Россия сегодня презентовали проект Бессмертная память
© Sputnik / Владимир Трефилов
У агенцтве "Россия сегодня" прадставілі праект "Бессмертная память"

У ходзе круглага стала быў таксама прадстаўлены трансмедыйны гістарычны праект РІА Навіны "Нюрнберг. Начало мира" (http://nuremberg.media), які стартаваў у год 75-годдзя галоўнага судовага працэсу ХХ стагоддзя. У яго межах на партале nuremberg.media і ў сацсетках праекта штодня публікуюцца матэрыялы, прысвечаныя Нюрнбергскаму трыбуналу, на рускай, нямецкай, французскай і англійскай мовах.

Сваім чытачам на працягу года праект прэзентуе ўнікальныя архіўныя і музейныя сведчанні, фатаграфіі, малюнкі, кінахроніку, што дасць ім магчымасць перажыць працэс дзень за днём. У аснове праекта - сведчанні ад першай асобы, атрыманыя аўтарамі з расійскіх і замежных архіваў, якія вывучаюць спадчыну Нюрнберга. Дапоўняць іх выставы, падкасты, паблік-токі, перформансы. Часткай праекта стане і ўнікальная VR-рэканструкцыя па гісторыях галоўных адказчыкаў Трыбунала.

"Пытанне аб дакументах, якія раскрываюць злачынствы нацызму - адзін з ключавых для праекта. Мы праводзім шмат часу ў архівах, працуем з апублікаванымі матэрыяламі - фота, відэа, гук, машынапіс. У цэнтры нашых публікацый заўсёды дакумент. Гэтыя сведчанні такой сілы, што часам нават загартаваныя нашы калегі адчуваюць эмацыйныя цяжкасці ў працы над тэмай. Таму мы з вялікай увагай ставімся да гэтай найважнейшай працы па пошуку і аблічбоўцы дакументаў, звязаных з злачынствамі супраць мірнага насельніцтва СССР - гэты пласт гістарычнай памяці яшчэ трэба будзе вывучыць", - адзначыла ў ходзе круглага стала кіраўнік праекта "Нюрнберг. Начало мира", журналіст і пісьменнік Наталля Осіпава.

У ходзе круглага стала была дасягнута дамоўленасць аб публікацыі абраных матэрыялаў праекта "Бессмертная память" па факце злачынстваў нацыстаў супраць грамадзян СССР на партале nuremberg.media.

14
Тэги:
Россия сегодня
Які сёння дзень: 26 лютага

Які сёння дзень: 26 лютага 2021 года

0
(абноўлена 17:29 21.02.2021)
Гэты дзень з'яўляецца пяцьдзесят сёмым па грыгарыянскім календары, таму да канца года засталося 308 дзён.

Якія падзеі адбыліся 26 лютага і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 лютага

  • У 1932 годзе ў Мінску пачала выдавацца газета "Літаратура і мастацтва".
  • У 1992 годзе Беларусь і Фінляндыя ўстанавілі дыпламатычныя адносіны.

Хто нарадзіўся 25 лютага

  • 1912 год: Уладзімір Карпаў, беларускі пісьменнік.
  • 1918 год: Пётр Машэраў, кіраўнік Беларускай ССР.
  • 1929 год: Георгій Колас, беларускі пісьменнік.

Таксама сёння нарадзіліся французскі пісьменнік Віктор Гюго і рускі пісьменнік Аляксандр Праханаў.

26 лютага ў народным календары

Сёння праваслаўныя вернікі шануюць памяць вялебнага Марцініана Палесцінскага, якога ў народзе называюць Мартын, і Стэфана Неманя, або ў народзе – Сцяпана.

Святому Мартыну моляцца пра збаўленне ад спакусаў, асабліва – жаночых. Таксама гэты дзень лічыўся добрым, каб прыбраць у хаце – гэта абяцала дабрабыт і ўдачу ў справах.

Калі снег у гэты дзень пачаў раставаць, вясна будзе цёплая. Пахмурны дзень, наадварот, абвяшчае пра познюю і халодную вясну.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей