МІНСК, 30 чэр — Sputnik. Знешняя дзяржаўная пазыка Беларусі па стане на 1 чэрвеня 2016 года склала 13,1 мільярда даляраў і вырасла з пачатку года на 637,8 мільёна даляраў (з улікам курсавых розніц), або на 5,1%, паведамілі Sputnik у міністэрстве фінансаў.

У студзені-маі 2016 года Беларусь прыцягнула знешнюю дзяржпазыку на суму 855,8 мільёна даляраў, з якіх асноўная доля (0,5 мільярда) прыпала на крэдыт Еўразійскага фонду стабілізацыі і развіцця. Яшцэ 188 мільёнаў склалі крэдыты ўрада і банкаў РФ, 141,6 мільёна — крэдыты банкаў КНР, пазыкі МБРР — 25,9 мільёна даляраў.

Ад пачатка года Беларусь выплаціла па знешняму дзярждоўгу 302,1 мільёны даляраў. У тым ліку было выплачана 125 мільёнаў даляраў па крэдытах урада РФ, 88,3 мільёна даляраў па крэдыце ЕФСР, 67,7 мільёна даляраў — па крэдытах банкаў Кітая. Таксама пагашаліся даўгі па крэдытах МБРР і ЗША.

Унутраны дзяржаўны доўг па стане на 1 чэрвеня 2016 года склаў 94 трыльёны рублёў, зменшыўшыся з пачатку года на 3,5 трыльёна рублёў (з улікам курсавых розніц), або на 3,6%.

Такім чынам, дзяржаўны доўг Беларусі на 1 чэрвеня 2016 года склаў 352,9 трыльёна рублёў і павялічыўся ў параўнанні з пачаткам 2016 года на 24,3 трыльёна рублёў, або на 7,4%.

У бягучым годзе рэспубліцы трэба будзе выплаціць па знешняму дзярждоўгу парадку 3,3 мільярда даляраў. Раней беларускія ўлады разлічвалі, што прыкладна 1,1 мільярда будзе атрымана за кошт паступлення ў бюджэт пошлін ад экспарту нафтапрадуктаў, яшчэ мільярд даляраў краіна разлічвала прыцягнуць ад размяшчэння выпуску еўрабондаў. Аднак цяпер, праз падзенне коштаў на нафту і нафтапрадукты, а таксама няўстойлівага стану сусветных фондавых рынкаў, у Мінфіне не выключаюць, што давядзецца адшукваць новыя крыніцы для фарміравання прафіцыту бюджэту і выканання Беларуссю сваіх знешніх абавязацельстваў.

МІНСК, 18 кра - Sputnik. Генеральны сакратар ААН Антоніу Гутэрыш лічыць, што чалавецтва пакуль праваліла экзамен па барацьбе з COVID-19, і заклікае людзей да глабальнай кансалідацыі, паведамляе Цэнтр навін ААН.

Па словах Антоніу Гутэрыша, тры чвэрці ўсіх прышчэпак зроблены ў дзесяці краінах свету, пры гэтым каронавірус працягвае распаўсюджвацца і мутаваць.

"Па некаторых ацэнках, няроўнасць ў доступе да вакцын і непатрэбнае назапашванне гэтых прэпаратаў абыйдзецца чалавецтву ў 9 трыльёнаў долараў", - падкрэсліў Гутэрыш.

На яго думку, нежаданне праявіць салідарнасць прыводзіць да таго, што ў адных краінах вылучаюць трыльёны, а іншыя дзяржавы ў гэты ж час тонуць у даўгах.

Гутэрыш папярэдзіў, што, калі сітуацыя не зменіцца, мэты ўстойлівага развіцця могуць апынуцца "цалкам недасягальнымі" для шэрагу краін.

Праграма дзеянняў

Антоніу Гутэрыш прапанаваў праграму дзеянняў, накіраваную на пераадоленне наступстваў пандэміі COVID-19.

Праграма складаецца з шасці пунктаў.

Першы і галоўны з іх - вакцынацыя, якая павінна быць даступнай кожнаму. Для гэтага неабходна забяспечыць паступленне сродкаў у фонд COVAX - праграму міжнароднага супрацоўніцтва ў гэтай сферы.

Другі пункт - льготнае фінансаванне краінам, якія маюць вострую патрэбу ў такой падтрымцы.

Трэці - справядлівае размеркаванне сродкаў. Антоніу Гутэрыш заклікаў урады ўвесці так званы "падатак салідарнасці" для тых, хто ўзбагаціўся на пандэміі.

Чацвёрты - рашэнне праблем, звязаных з даўгавым крызісам. Генеральны сакратар лічыць, што найбольш уразлівыя з фінансавага пункту гледжання краіны трэба надзяліць адмысловымі правамі запазычання. Важна таксама даць ім адтэрміноўку па пазыковых абавязацельствах і іншыя льготы, якія дазволяць дапамагчы пазбегнуць дэфолту.

Пяты пункт - інвесціраванне ў чалавечы капітал. Важна выдзяляць сродкі на адукацыю, стварэнне працоўных месцаў, сацыяльную абарону і ахову здароўя.

Шосты пункт праграмы - аднаўленне эканомікі пасля крызісу з улікам прынцыпаў экалагічнай бяспекі.

Трагічныя лічбы

Генеральны сакратар ААН прывёў лічбы, якія сведчаць аб маштабных наступствах пандэміі: 3 млн памерлых, 255 млн страчаных працоўных месцаў, 120 млн людзей, якія апынуліся за рысай беднасці, 170 млн дзяцей пазбаўлены магчымасці вучыцца.

"Але ж крызіс далёкі ад свайго завяршэння, - папярэдзіў Антоніу Гутэрыш. - Хуткасць распаўсюджвання інфекцыі толькі нарастае".

Кіраўнік ААН перакананы, што цяпер вельмі важна прадэманстраваць адзінства і глабальную салідарнасць.

Чытайце таксама:

• Мэр Мінска незадаволены тэмпамі вакцынацыі ў сталіцы
• Расздароўнагляд назваў колькасць рэакцый і лятальнасці пасля вакцынацыі
• Кіраўнік "Белмедпрэпаратаў" агучыў рэальны тэрмін стварэння вакцыны ад COVID