Прэзідэнт Беларусі Аляксандр Лукашэнка

Лукашэнка: ва ўзаемадачыненнях з РФ ёсць нюансы, якія насцярожваюць

115
Беларускі лідэр шкадуе пра развал Савецкага Саюза і пра тое, што высновы з памылак, якія прывялі да гэтага, па сёння не зробленыя.

МІНСК, 19 ліп — Sputnik. Прэзідэнт Беларусі Аляксандр Лукашэнка заяўляе аб тым, што кіраўніцтва рэспублікі насцярожваюць некаторыя нюансы ва ўзаемадачыненнях з Расіяй.

У аўторак кіраўнік дзяржавы прыняў старшыню цэнтральнага камітэта КПРФ і кіраўніка фракцыі гэтай партыі ў Дзярждуме Расіі Генадзя Зюганава.

"Што да нашых адносінаў з Расіяй, я выкажу свой пункт гледжання. Хоць мы і прасунуліся наперад, ёсць нюансы, якія насцярожваюць — і нас, кіраўніцтва краіны, і вельмі крыўдзяць людзей", — сказаў Лукашэнка, прымаючы Зюганава.

У адказ на гэта лідэр КПРФ адзначыў, што краінам варта цясней кааперавацца ў прамысловасці. "Калі б менш мы гандляваліся па коштах на нафту, газ, малако, а думалі б аб кааперацыі, нам бы не было роўных, мы былі б канкурэнтаздольныя", — сказаў ён.

Зюганаў высока ацаніў магчымасці і тэхнічны патэнцыял найбуйнейшых беларускіх прадпрыемстваў — МАЗ і МТЗ, а таксама беларускі досвед у развіцці сельскай гаспадаркі і стварэнні аграгарадкоў. Ён дадаў, што многае з гэтага вопыту КПРФ пераняла і выкарыстоўвае ў сваіх сацыяльных праграмах.

Лукашэнка ў размове адзначыў, што шкадуе пра развал Савецкага Саюза, а таксама пра тое, што высновы з памылак, якія прывялі да гэтага, не былi зроблены.

"Мы страцілі краіну, але самае страшнае — мы страцілі сістэму, якую адпрацоўвалі дзесяцігоддзямі і якой не было роўнай у свеце. Трэба было шліфануць яе і дапрацаваць, на гэта спатрэбілася б гадоў пяць, і мы былі б зусім іншай дзяржавай", — сказаў беларускі прэзідэнт.

"Пасля развалу СССР, калі б мы захавалі тое, што трэба захаваць, і зрабілі б высновы з памылак, а іх было няшмат. Але мы гэтага не зрабілі, такія ў нас былі бацькі", — дадаў Лукашэнка.

115
Тэги:
Кіраўнік дзяржавы, Генадзь Зюганаў, Аляксандр Лукашэнка, Мінск
Біяметрычны пашпарт прызначаны для выезду за мяжу

Кіраўнік МУС: усё гатова, каб пачаць выдачу біяметрычных пашпартоў

5
(абноўлена 16:32 25.01.2021)
Дата, калі пачнуць выдаваць такія дакументы, пакуль не вызначана, яе прапануюць, калі ўсе нюансы будуць дапрацаваны.

МІНСК, 25 сту – Sputnik. Сістэма МУС ужо гатовая, каб пачаць выдачу біяметрычных дакументаў, сказаў міністр унутраных спраў Беларусі Іван Кубракоў.

Нарада, на якой абмяркоўвалася тэма выдачы біяметрычных пашпартоў, прайшла сёння ў прэзідэнта Беларусі Аляксандра Лукашэнкі.

Па словах кіраўніка МУС, прэзідэнтам былі пастаўлены дадатковыя пытанні, якія неабходна прапрацаваць. Гэта тычыцца абароны персанальных дадзеных - самае галоўнае пытанне. Тэрміны ўвядзення біяметрычных пашпартоў будуць вызначаны дадаткова з улікам аб'ёму неабходных дапрацовак і пасля правядзення пагаджальнай нарады з усімі зацікаўленымі дзяржорганамі.

Галоўнае - зручнасць

Міністр адзначыў, што ў першую чаргу на нарадзе звярталася ўвага на зручнасць насельніцтва пры атрыманні і выкарыстанні біяметрычных дакументаў. Іван Кубракоў растлумачыў, што нават пасля пачатку выдачы дакументаў новага ўзору ўсе ранейшыя пашпарты грамадзян будуць сапраўдныя на працягу свайго тэрміну дзеяння. Адна з прапаноў - дапрацаваць сістэму так, каб адным і тым жа дакументам можна было карыстацца як унутры краіны, так і пры выездзе за мяжу.

"З улікам пагадненняў іншых краін прапрацоўваецца магчымасць, каб была толькі ID-карта альбо адзін дакумент, які і для выезду за мяжу, і для выкарыстання ўнутры краіны", - рэзюмаваў ён.

Новыя дакументы

Новае пакаленне асабістых дакументаў для грамадзян Беларусі будзе прадстаўлена ў двух узорах - ідэнтыфікацыйнае пасведчанне і біяметрычны пашпарт.

У 2021 годзе беларусам пачнуць выдаваць ID-карты, якія заменяць стандартныя пашпарты на тэрыторыі краіны. Таксама ўводзяцца біяметрычныя пашпарты для паездак за мяжу.

Прэзідэнт Аляксандр Лукашэнка адобрыў увядзенне ў Беларусі біяметрычных дакументаў. Тым не менш, ён даручыў дапрацаваць асобныя моманты. Дакладная дата, з якой пачнуць выдаваць такія дакументы, пакуль не вызначана. Яна будзе прапанавана прэзідэнту ў праекце ўказа, калі ўсе нюансы будуць улічаны.

Чытайце таксама:

5
Тэги:
Беларусь, МУС Беларусі, Біяметрычны пашпарт
Праца медыка

Рэзкае зніжэнне: Міністэрства аховы здароўя назвала колькасць тых, хто захварэў на COVID

6
(абноўлена 16:00 25.01.2021)
Ад пачатку пандэміі ў Беларусі ад каронавіруса памерлі 1658 пацыентаў, у якіх быў пацверджаны каронавірус.

МІНСК, 25 сту – Sputnik. Сутачны прырост тых, хто захварэў на каронавірус у Беларусі - 1024 чалавекі, паведаміла ў панядзелак прэс-служба Міністэрства аховы здароўя краіны.

Па дадзеных на 25 студзеня, у краіне зарэгістраваны 238 635 выпадкаў каронавіруснай інфекцыі. Ачунялі – 224 171 пацыент, у якіх быў раней дыягнаставаны COVID-19.

Ад пачатку пандэміі ў Беларусі ад наступстваў каронавіруснай інфекцыі памерлі 1658 пацыентаў (+9 чалавек).

"За мінулыя суткі выканана 9 694 тэсты. Усяго ў краіне праведзена 4 млн. 375 тыс. 265 тэстаў", - гаворыцца ў паведамленні.

Па дадзеных універсітэта Джонса Хопкінса, колькасць хворых на каронавірус у свеце набліжаецца да 100 мільёнаў: на апоўдні 25 студзеня зарэгістравана 99 245 800 выпадкаў COVID-19. Колькасць памерлых ад каронавіруса складае 2 130 497 чалавек.

Самая цяжкая сітуацыя па-ранейшаму захоўваецца ў ЗША 25 127 004 выпадкі інфекцыі і 419 220 смяротных вынікаў.

На другім месцы знаходзіцца Індыя (больш за 10,6 млн захварэлых і амаль 153,5 памерлых), затым ідзе Бразілія (больш за 8,8 млн інфіцыраваных і больш за 217 тыс. смяротных вынікаў), на чацвёртым - Расія (амаль за 3,7 млн ​​захварэлых і 68,8 тыс. памерлых), а на пятым - Вялікабрытанія (3,6 млн выпадкаў каронавіруснай інфекцыі і 98,1 тыс. смяротных вынікаў).

Чытайце таксама:

6
Тэги:
Статыстыка, Міністэрства аховы здароўя Рэспублікі Беларусь, каронавірус
Тэмы:
Каронавірус COVID-19