Продаж паперы на аукцыёне

Нацбанк: нескарыстаная папера для банкнот знішчаецца

13
Вонкава папера, якая прадаецца на Ebay, падобная на сапраўдную, але без экспертызы адназначна сцвярджаць гэта нельга. Фактаў нястачы паперы пасля друкавання купюр не зарэгістравана.

МІНСК, 6 вер — Sputnik. Нацыянальны банк Беларусі не мае інфармацыі пра факты нястачы паперы для друкавання банкнот узору 2009 года наміналам 20 рублёў, сказалi ў кампаніі De La Rue.

Электронны аўкцыён Ebay ужо некалькі дзён прадае банкнотную паперу, якая нібыта выкарыстоўвалася для вырабу новых беларускіх купюр. Кошт лота складае 495 даляраў, папера знаходзіцца ў Германіі. Ліст паперы змяшчае ўсе ступені абароны і абрэзаны так, што на ім магчыма размясціць усяго толькі адну банкноту вартасцю 20 рублёў.

"Па пратаколе ўся папера для вытворчасці банкнот, якая не была выкарыстаная, а таксама папера з дэфектамі, якая не можа быць выкарыстана для друку, знішчаецца ў прысутнасці адмысловай камісіі, аб чым складаецца спецыяльны акт. Фактаў пра тое, што на прадпрыемстве-вытворцы былі факты нястачы паперы, у нас няма", — паведамілi Sputnik у Нацбанку.

Там таксама адзначылі, што хоць на фота з Ebay можна разгледзець ступені абароны паперы — ахоўную нітку і вадзяныя знакі — адназначна сцвярджаць тое, што яна сапраўдная, нельга. Гэта магчыма толькі пасля экспертызы.

У банку не змаглі патлумачыць, якім чынам чыстая банкнотная папера трапіла ў рукі прыватнай асобы, якая затым выставіла яе на аўкцыён.

13
Тэги:
Аукцыёны, Ebay, Нацбанк РБ, Мінск, Беларусь
Брыгада хуткай медыцынскай дапамогі

Колькі чалавек захварэлі на каронавірус у Беларусі

6
(абноўлена 15:49 23.11.2020)
Па звестках Міністэрства аховы здароўя, у краіне зарэгістраваны 125 482 пацыенты з пацверджаным дыягназам COVID-19.

МІНСК, 23 ліс - Sputnik. За мінулыя суткі прырост хворых на каронавірусную інфекцыю склаў 1483 выпадкі, паведамляе прэс-служба Міністэрства аховы здароўя.

"Зарэгістраваныя 125 482 чалавека са станоўчым тэстам на COVID-19. Усяго праведзена 3 091 238 тэстаў", - адзначылі ў ведамстве.

Колькасць тых, хто паправіўся ў краіне за ўвесь час пандэміі - 104 698 чалавек, за суткі было выпісана 850 чалавек. Ахвярамі каронавіруснай інфекцыі ў Беларусі сталі 1 104 пацыента. Да статыстыкі смяротных зыходаў у параўнанні з учарашнімі дадзенымі дадалося 8 выпадкаў.

Апошні антырэкорд па колькасці тых, хто захварэў за суткі быў зафіксаваны ў краіне 21 лістапада. У гэты дзень у Беларусі зарэгістравалі прырост ў 1588 хворых COVID-19.

Выконваючы абавязкі міністра аховы здароўя Беларусі Дзмітрый Піневіч заявіў, што Гродна і Мінск знаходзяцца на піку захворвання каронавірусам. Найбольш павольны прырост новых выпадкаў - у Брэсцкай вобласці.

6
Тэги:
Міністэрства аховы здароўя Рэспублікі Беларусь, каронавірус, Беларусь
Будынак МЗС Беларусі

Мінск разлічвае, што ЗША праявяць "палітычную мудрасць"

9
(абноўлена 15:49 23.11.2020)
Вашынгтон рабіў вялікі ўнёсак у паспяховае выкананне Дамовы па адкрытым небе і выхад з дадзенага міжнароднага пагаднення адаб'ецца на ўсёй архітэктуры бяспекі.

МІНСК, 23 ліс - Sputnik. Беларусь з глыбокім шкадаваннем успрыняла рашэнне амерыканскага боку пра выхад з Дамовы па адкрытым небе, гаворыцца ў паведамленні міністэрства замежных спраў.

Дзеючы прэзідэнт ЗША Дональд Трамп абвясціў 21 мая аб намеры выйсці з Дамовы па адкрытым небе. Пагадненне прадугледжвала магчымасць здзяйснення палётаў авіяцыі над тэрыторыяй краін, каб назіраць за ваеннай дзейнасцю.

Дзяржсакратар ЗША Майкл Пампеа ў сваю чаргу растлумачыў, што рашэнне ўступае ў сілу праз шэсць месяцаў, 22 лістапада. У Белым доме сваё рашэнне матывавалі парушэннямі пагаднення з боку Расіі, якія нібыта мелі месца.

Пры гэтым афіцыйная Масква адхіляе ўсе абвінавачванні ў свой адрас і заяўляе аб прыхільнасці літары і духу дамовы, а таксама выказвае зацікаўленасць у яе захаванні.

Адкрытае неба над Мінскам

У беларускім знешнепалітычным ведамстве нагадалі, што гэты дагавор быў распрацаваны па ініцыятыве Злучаных Штатаў пасля заканчэння халоднай вайны. Пагадненне з'яўляецца "адным з найбольш значных і эфектыўна дзеючых юрыдычна абавязваючых ваенна-палітычных механізмаў на прасторы ад Ванкувера да Уладзівастока".

Дамова па адкрытым небе "забяспечвае беспрэцэдэнтны ўзровень транспарэнтнасці і прадказальнасці паміж дзяржавамі-удзельнікамі ў ваеннай сферы".

У МЗС адзначылі, што выхад Вашынгтона з пагаднення "прывядзе да далейшага росту недаверу і ваенна-палітычнай напружанасці". Пры гэтым будзе нанесены сур'ёзны ўрон архітэктуры еўраатлантычнай бяспекі і кантролю над узбраеннямі.

"Разлічваем, што амерыканскае кіраўніцтва праявіць палітычную мудрасць, і гэта рашэнне будзе перагледжана ў бліжэйшы час. Перакананыя, што вяртанне ЗША ў супольнасць "адкрытага неба" не толькі ўмацуе бяспеку ўсіх дзяржаў-удзельніц ДАН, але і станоўча адаб'ецца на аднаўленні атмасферы даверу на еўраатлантычнай прасторы", - падкрэслілі ў беларускім ведамстве.

Негатыўныя наступствы

"З выхадам ЗША сам па сабе дагавор, вядома ж, страціць сваю жыццяздольнасць", - канстатаваў прэс-сакратар прэзідэнта Расіі Дзмітрый Пяскоў.

Паводле яго слоў, расійскі бок выказвае сваё шкадаванне ў сувязі з гэтым, таму што ў Маскве лічаць дамову "вельмі важным звяном у цэлым у справе ўмацавання ўзаемнага даверу, у плане кантролю над узбраеннямі".

Прэс-сакратар Уладзіміра Пуціна нагадаў, што Расія "з самага пачатку, яшчэ калі ЗША заявілі пра намер выйсці з гэтага дакумента" казала, "што такі крок будзе мець негатыўныя наступствы".

9
Тэги:
Беларусь, ЗША
Касачоў распавёў, чым вопыт Саюзнай дзяржавы дапаможа інтэграцыі ў ЕАЭС

Касачоў распавёў, чым вопыт Саюзнай дзяржавы дапаможа інтэграцыі ў ЕАЭС

0
(абноўлена 16:46 23.11.2020)
Краіны-партнёры па Еўразійскім эканамічным саюзе могуць ўлічыць інтэграцыйны вопыт Беларусі і Расіі ў рамках Саюзнай дзяржавы і прапрацаваць больш канкрэтныя і дакладныя па тэрмінах "дарожныя карты" па розных напрамках супрацоўніцтва.
Косачев рассказал, чем опыт Союзного государства поможет интеграции ЕАЭС

Беларуска-расійскія інтэграцыйныя напрацоўкі на шматгадовы перыяд існавання Саюзнай дзяржавы маглі б дапамагчы ў развіцці ўзаемаадносін краін унутры ЕАЭС. Пра гэта ў ходзе парламенцкага круглага стала выказаўся кіраўнік камітэта Савета Федэрацыі па міжнародных справах Канстанцін Касачоў.

"Нам здаецца вельмі важным па кожным з кірункаў супрацоўніцтва прапрацоўваць канкрэтныя "дарожныя карты" з дакладна зафіксаванымі тэрмінамі, канкрэтнымі выканаўцамі, якія нясуць адказнасць за выкананне пастаўленых задач", - сказаў Касачоў.

У цяперашні час падрыхтаваны праект праграмы дзеянняў Расіі і Беларусі па рэалізацыі палажэнняў Дагавора аб стварэнні Саюзнай дзяржавы, адзначыў расійскі сенатар.

"У адрозненне ад вопыту папярэдніх дзесяцігоддзяў, ён носіць цалкам канкрэтны і прыкладны характар", - сказаў Касачоў.

Таксама ў ходзе круглага стала парламентарыі адзначылі, што перамовы ЕАЭС аб стварэнні зон свабоднага гандлю з іншымі краінамі могуць павысіць узровень тавараабароту.

0
Тэги:
ЕАЭС, Саюзная дзяржава
Тэмы:
Саюзная дзяржава Беларусі і Расіі