Нацбанк: нескарыстаная папера для банкнот знішчаецца

© Sputnik / Виктор ТолочкоПродаж паперы на аукцыёне
Продаж паперы на аукцыёне - Sputnik Беларусь
Падпісацца
Вонкава папера, якая прадаецца на Ebay, падобная на сапраўдную, але без экспертызы адназначна сцвярджаць гэта нельга. Фактаў нястачы паперы пасля друкавання купюр не зарэгістравана.

МІНСК, 6 вер — Sputnik. Нацыянальны банк Беларусі не мае інфармацыі пра факты нястачы паперы для друкавання банкнот узору 2009 года наміналам 20 рублёў, сказалi ў кампаніі De La Rue.

Фота лота на Ebay - Sputnik Беларусь
Ebay прадае чыстую паперу, на якой друкаваліся беларускія грошы

Электронны аўкцыён Ebay ужо некалькі дзён прадае банкнотную паперу, якая нібыта выкарыстоўвалася для вырабу новых беларускіх купюр. Кошт лота складае 495 даляраў, папера знаходзіцца ў Германіі. Ліст паперы змяшчае ўсе ступені абароны і абрэзаны так, што на ім магчыма размясціць усяго толькі адну банкноту вартасцю 20 рублёў.

"Па пратаколе ўся папера для вытворчасці банкнот, якая не была выкарыстаная, а таксама папера з дэфектамі, якая не можа быць выкарыстана для друку, знішчаецца ў прысутнасці адмысловай камісіі, аб чым складаецца спецыяльны акт. Фактаў пра тое, што на прадпрыемстве-вытворцы былі факты нястачы паперы, у нас няма", — паведамілi Sputnik у Нацбанку.

Там таксама адзначылі, што хоць на фота з Ebay можна разгледзець ступені абароны паперы — ахоўную нітку і вадзяныя знакі — адназначна сцвярджаць тое, што яна сапраўдная, нельга. Гэта магчыма толькі пасля экспертызы.

У банку не змаглі патлумачыць, якім чынам чыстая банкнотная папера трапіла ў рукі прыватнай асобы, якая затым выставіла яе на аўкцыён.

Стужка навiн
0