Сакрэт вігілійнага хлеба, або як робіцца аплатка

© Photo : "Лідская газета"Сястра Вікторыя Коршун у аплаткарнi Навагрудка
Сястра Вікторыя Коршун у аплаткарнi Навагрудка - Sputnik Беларусь
Падпісацца
Сястра назарэтанка з Навагрудку Вікторыя Коршун выпекла да Нараджэнне Хрыстова больш за 40 тысяч аплатак.

МІНСК, 27 сне – Sputnik. Аб сакрэце прыгатавання вігілійнага хлеба паведамляе ў рэпартажы з аплаткарні сясцёр назарэтанак "Лідская газета".

Вігілійным хлебам, выпечаным сёстрамі-назарэткамі з Навагрудку, дзяляцца вернікі з парафій Гродзенскай дыяцэзіі, а таксама з Пінскай, Віцебскай і нават Мінскай. Белы кавалак тонкага прэснага хлеба вандруе з рук у рукі родных і блізкіх з пажаданнямі і словамі паяднання. Вігілійны хлеб набывае свой сакрамэнтальны сэнс толькі тады, калі пераўтвараецца ў Цела Хрыста падчас Эўхарыстыі.

Святкуем Каляды - Sputnik Беларусь
Святое Раство - людзям хараство

Аднак пакуль аплаткі не асвечаныя, яны з’яўляюцца простым прадуктам з мукі вышэйшага гатунку і вады. Працэс дастаткова хуткі, кожная аплатка выпякаецца не болей за 20-25 секунд. Сёстры назарэтанкі старанна сочаць за яго якасцю, таму, перш чым адправіцца па парафіях, аплаткі праходзяць яшчэ адзін кантроль – на правільнасць формы, калі выбіраюцца толькі роўныя і правільныя аплаткі.

Калі вігілійная аплатка не атрымалася, з яе спецыяльнай машынкай-прэсам адным выразаюцца камуніканты (круглы белы хлеб, які на святой Імшы пераўтвараецца ў Цела Езуса Хрыста, якое вернікі спажываюць падчас абраду святой Камуніі) і гостыі – круглы камунікант большага памеру, які святар трымае ў руках падчас малітвы кансэкрацыі на святой Імшы.

Зусім непрыдатныя, патрэсканыя і паламаныя аплаткі, таксама як і рэшткі цеста ад выпечкі, аддаюцца на корм жывёлам парафіян.

Стужка навiн
0