На тэрыторыі Рэчыцкага радовішча

У Беларусі адкрыта новае радовішча нафты

26
(абноўлена 11:17 03.01.2017)
Размешчанае ў Гомельскай вобласці новае радовішча атрымала назву Угольскае, яго запасы ацэньваюцца амаль у 1,7 мільёнаў тон нафты.

МІНСК, 3 сту — Sputnik. Спецыялісты беларускага нафтагазаздабыўнага аб'яднання "Беларуснафта" адкрылі новае радовішча нафты, паведамілі Sputnik ў прэс-службе аб'яднання.

Беларускі прэзідэнт Аляксандр Лукашэнка неаднаразова патрабаваў ад нафтавікоў актывізаваць пошукі залежаў вуглевадародаў у рэспубліцы, адзначаючы, што "калі ёсць нафта, то недзе павінен быць і газ". У снежні 2016 года віцэ-прэм'ер Беларусі Міхаіл Русы, выступаючы ў парламенце, заявіў, што ў рэспубліцы можа быць дадаткова адкрыта некалькі радовішчаў нафты з запасамі да 5 мільёнаў тон.

"У снежні на нафтавай карце Беларусі з'явілася новае радовішча. Яно адкрыта ў межах прамежкавага блока рэгіянальнага Рэчыцка-Вішанскага разлому Прыпяцкага прагібу і атрымала назву Угольскае", — паведамілі ў аб'яднанні.

© Sputnik / Виктор Толочко Роман Шантар
Буравая ўстаноўка

Геалагічныя запасы новага радовішча ацэньваюцца ў 1 мільён 695 тысяч тон нафты. Больш дакладную ацэнку можна будзе зрабіць пасля бурэння ў 2017 годзе разведачнай свідравіны, адзначылі ў аб'яднанні. Там таксама распавялі пра некаторыя этапы адкрыцця радовішча. Так, падчас разведачнага свідравання Угольскай падсолевай структуры пошукавая свідравіна №1 —Угольская з глыбінёй 5218 метраў пры засваенні семілукскага гарызонту дала прыток нафты з газам дэбітам каля 39,5 тоны ў суткі.

Нафта Угольского радовішча адносіцца да катэгорыі цяжкадаступных запасаў. Яна знаходзяцца на вялікай глыбіні і ў нізкапранікальным калектары. Станоўчым фактарам для распрацоўкі стане анамальна высокі пластавы ціск.

Як раней паведамляў Sputnik, у апошнія тры гады "Беларуснафта" стабілізавала здабычу нафты на ўзроўні 1,645 мільёнаў тон у год. Уся здабываемая ў Беларусі нафта экспартуецца ў краіны Еўрасаюза, пераважна ў Германію.

26
Тэги:
нафта, радовішча, "Беларуснафта", Гомельская вобласць
Аляксандр Васілевіч, партнёр рэкламнага агенцтва Vondel/Hepta

Удзельніку "круглага стала" з Лукашэнкам Васілевічу працягнулі арышт

0
(абноўлена 17:35 27.10.2020)
На дадзены момант пецярым з дванаццаці прысутных на сустрэчы з прэзідэнтам змякчылі меру пакарання або адмянілі зусім.

МІНСК, 27 кас - Sputnik. Сузаснавальніку рэдакцый беларускіх інтэрнэт-выданняў KYKY і The Village Аляксандру Васілевічу працягнулі тэрмін знаходжання ў СІЗА, піша ў сваім Facebook яго жонка Надзея Зелянкова.

"Аляксандр Васільевіч ужо два месяцы ў турме. Сёння яму працягнулі тэрмін затрымання яшчэ на месяц. Саша адчувае сябе выдатна, так паказалі па тэлевізары", - дзеліцца Зелянкова.

Васілевіч удзельнічаў у сустрэчы прэзідэнта Беларусі Аляксандра Лукашэнкі з прадстаўнікамі апазіцыі краіны, якая прайшла 10 кастрычніка ў СІЗА КДБ. Акрамя яго з прэзідэнтам размаўлялі яшчэ 11 чалавек: незарэгістраваны кандыдат у прэзідэнты Віктар Бабарыка з сынам Эдуардам, члены Каардынацыйнага савета Лідзія Уласава і Максім Знак, дырэктар IT-кампаніі PandaDoc Дзмітрый Рабцэвіч, экс-супрацоўнікі "Белгазпрамбанка" Сяргей Дабралёт і Кірыл Бадзей, паліттэхнолаг Віталь Шкляраў, блогер Сяргей Ціханоўскі, адвакат Ілля Салей, а таксама прадпрымальнік Юры Васкрасенскі.

Васкрасенскі і Рабцэвіч сталі першым, каго адпусцілі з СІЗА КДБ. Пазней меру стрымання змянілі Іллі Салею і Наталлі Уласавай - іх адправілі пад хатні арышт, а затым для Уласавай яго адмянілі. З падпіскай аб нявыездзе выйшаў з "амерыканкі" Віталь Шкляраў.

Першы раз Аляксандра Васілевіча затрымалі на два тыдні 28 ліпеня. Тады ён і яшчэ дзесяць чалавек прыйшлі ў СІЗА КДБ, каб паручыцца за экс-банкіра Віктара Бабарыкі. Праз месяц Васілевіч быў выкліканы на допыт у Дэпартамент фінансавых расследаванняў Камітэта дзяржкантролю і зноў апынуўся пад вартай.

0
Тэги:
Арышт і затрыманне, КДБ РБ
Міністэрства замежных спраў Расіі

МЗС: Расія працягвае дыялог з ЗША аб прадаўжэнні ДСНУ

8
Верагоднасць дамовіцца з ЗША па прадаўжэнні ДСНУ пад пытаннем, бо ў Белым доме не гатовыя ісці на кампрамісы па гэтым пытанні, упэўнены намеснік кіраўніка МЗС РФ.

МІНСК, 27 вер - Sputnik. Расія працягвае дыялог з ЗША пра падаўжэнне Дамовы аб скарачэнні стратэгічных наступальных узбраенняў (ДСНУ), заявіў намеснік міністра замежных спраў РФ Сяргей Рабкоў.

У кастрычніку прэзідэнт Расіі Уладзімір Пуцін прапанаваў Вашынгтону падоўжыць ДСНУ на год без усялякіх умоваў. У адказ у Белым доме заявілі, што адмаўляюцца ад прапановы Масквы.

"Мы знаходзімся ў вельмі інтэнсіўным дыялогу з ЗША па гэтых пытаннях. Сігналы, якія паступаюць адтуль, нас расчароўваюць", - сказаў Рабкоў.

"Амерыканцы ніяк не могуць для сябе ўразумець немагчымасць для нас рэалізаваць прапанаваную схему, калі амерыканскі бок працягвае абцяжарваць усю гэтую сітуацыю сваімі шматлікімі патрабаваннямі, нават не пажаданнямі, а патрабаваннямі ў наш адрас", - працягнуў ён.

Па словах Рабкова, расійскі бок вядзе дыялог з амерыканцамі не для таго, каб "ісці насустрач ЗША ў аднабаковым парадку".

Намеснік кіраўніка МЗС РФ дадаў, што верагоднасць зараз дамовіцца аб працягу ДСНУ пад пытаннем, так у Белым доме не гатовыя ісці на кампраміс.

"Мы казалі і працягваем гаварыць, што любая дамоўленасць у гэтай сферы магчымая толькі як баланс інтарэсаў, як пэўны кампраміс, да чаго мы гатовыя. Але гатоўнасці да кампрамісу з амерыканскага боку мы не бачым", - заявіў Рабкоў.

"Адпаведна, мы робім выснову, што дасягальнасць той ці іншай базавай дамоўленасці на цяперашнім адрэзку, мякка кажучы, пад пытаннем", - падкрэсліў расійскі дыпламат.

Рабкоў заўважыў, што Масква і Вашынгтон не знаходзяцца "на парозе якой бы там ні было дамоўленасці па стане на сёння".

8
Тэги:
МЗС РФ, Расія, ЗША