Здымкі кінастужкі Сляды на вадзе

"Сляды на вадзе" - кіно пра гераічную барацьбу міліцыі з бандытамі

249
(абноўлена 14:09 10.01.2017)
Беларускія кінематаграфісты гатовыя прадставіць гледачам экшн і драму ў займальным спалучэнні.

МІНСК, 10 сту — Sputnik. У бліжэйшы час на шырокія экраны выходзіць беларускі фільм "Сляды на вадзе". Творчым падмуркам для кінастужкі стала кніга прфесара, доктара гістарычных навук палкоўніка міліцыі ў адстауцы Мікалая Ільінскага "У надзвычайнай сітуацыі — знішчыць". Сюжэт заснаваны на рэальных падзеях, якія распавядаюць пра барацьбу беларускай міліцыі з бандытызмам у пасляваенныя гады. Спецыяльна для Sputnik рэжысёр фільма Аляксандр Анісімаў распавёў пра фільм і яго герояў.

Здымкі кінастужкі Сляды на вадзе
© Photo : Архіў Аляксандра Анісімава
Аляксандр Анісімаў на здымачнай пляцоўцы

— Аб чым вядзецца апавяданне ў вашай кінастужцы, што чакае гледачоў у кінатэатрах?

— Фільм пра гераічнае супрацьстаянне міліцыі з бандытамі ў пасляваенныя гады. Вядома, што з 1944 па 1953 гады загінула 240 супрацоўнікаў міліцыі. Кінастужка прысвечана гэтаму супрацьстаянню з бандытызмам на тэрыторыі Беларусі.

Спадзяюся, что карціна будзе цёпла прынятая супрацоўнікамі міліцыі, таму што яны чакаюць яе, фільм здымаўся спецыяльна да 100-годдзя беларускай міліцыі.

Гэтае кіно не нясе толькі забаўляльны аспект, але і выхаваўчы. Любы малады чалавек, паглядзеўшы фільм, прасякнецца гісторыяй таго часу. Мы падабралі дакладныя касцюмы і антураж, што дазволіла перадаць атмасферу той эпохі.

Здымкі кінастужкі Сляды на вадзе
© Photo : Архіў Аляксандра Анісімава
На другім плане атрад беларускай міліцыі

— У фільме "Слёзы на вадзе" задзейнічаны выключна беларускія акцёры і здымачны склад. Скажыце, калі ласка, гэта свядомы або вымушаны выбар?

— Абсалютна свядомы выбар. Я адмыслова пайшоў на гэта, каб даказаць, што ў Беларусі таксама можна здымаць вельмі добрае кіно. Арцём Курэнь, Вераніка Пляшкевіч, Пётр Юрчанкоў — гэта выдатныя акцёры, якіх я б асабліва адзначыў.

Яны выконвалі ролі галоўных герояў. Мы з імі сутыкаліся на здымачнай пляцоўцы кожны дзень. Гэта абсалютна прафесійныя артысты, з якімі, калі будзе магчымасць, я абавязкова буду працаваць.

 

Здымкі кінастужкі Сляды на вадзе
© Photo : Архіў Аляксандра Анісімава
Пачатак здымачнага працэсу

— Як склаўся Ваш творчы саюз з аўтарам кнігі Мікалаем Ільінскім?

— Мне давялося падхапіць працу ўжо на той стадыі, калі сцэнар быў гатовы. Мне неабходна было хутка перапрацаваць сцэнар Канчалоўскага пад сябе і адразу пачаць працу.

Калі я ўжо здымаў, Мікалай Ільінскі прыехаў да мяне на пляцоўку, і мы пасябравалі. Мы ператэлефаноўваліся практычна кожны дзень: я яму расказваў пра працу, ён мне нешта падказваў.

Ён у прадчуванні таго, якім будзе фільм, і ўпэўнены, што складзецца добра.

— Фільм, прысвечаны стагоддзю беларускай міліцыі, а чаго чакаць ад яго гледачу: гэта будзе экшн або, можа быць, драма?

— Гэта будзе і драма і экшн у спалучэнні. Да нашага фільма ўжо была "Ліквідацыя", "Чорная котка" і знакаміты Шарапаў. Усе гэтыя сюжэты і героі пасляваенныя пераклікаюцца. Вельмі цяжка было знайсці ў гэтым нешта сваё і зрабіць гісторыю.

Нягледзячы ні на што нам удалося праціснуцца скрозь гэты стос ужо сыграных роляў. У нас атрымаўся арыгінальны матэрыял цалкам беларускі па сваёй сутнасці. Мы кіраваліся выключна раманам Ільінскага пра беларускіх міліцыянтаў.

Здымкі кінастужкі Сляды на вадзе
© Photo : Архіў Аляксандра Анісімава
Сцэна нападу бандытаў на вёску

— Калі гледачы змогуць убачыць фільм на вялікіх экранах?

— Мяркуецца, што 21 лютага адбудзецца прэм'ера ў кінатэатры "Масква", а 23 лютага ён выйдзе ў пракат. Стагоддзе беларускай міліцыі святкавацца будзе 4 сакавіка, і плануем пачаць пракат некалькі раней. Затым на экраны крыху пазней выйдзе і тэлевізійны варыянт.

Фільм зняты намі ў самыя кароткія тэрміны. Гэта быў бы нонсэнс нават для Расіі. За чатыры месяцы мы зрабілі поўнаметражную карціну.

— Ці плануеце вы пракатны лёс для свайго фільма?

Я на гэта шчыра спадзяюся. На юбілеі майго настаўніка Віктара Турава мы размаўлялі з Мікалаем Бурляевым на гэту тэму. Папярэдне мы хацелі б паказаць стужку на фестывалі "Залаты Віцязь".

Гэтым шчыльней будзе займацца непасрэдна кінастудыя.

— Можа, сярод усіх персанажаў фільма ў Вас ёсць асабліва ўпадабаны?

— Для рэжысёра ўсе героі любімыя. Палюбіўся герой Пятра Юрчанкова, але я не раскажу вам нічога. Інакш глядзець будзе нецікава (смяецца). Таленавітая артыстка Вераніка Пляшкевіч грае ў фільме польку Сабіну. Мы атрымалі сапраўдную асалоду, пачуўшы, як яна загаварыла па-польску ў вобразе, быццам яна нарадзілася і жыла ў Польшчы. Гэта было вельмі арганічна. Яе персанаж надае фільму такую тонкую аўру сентыментальнасці і вяртання ў мінулае.

У фільме ў нас гучаць і руская, і беларуская, і польская мовы, і нават трасянка. Дзеянне фільма адбываецца ў Заходняй Беларусі. Фільм не пазіцыянаваўся, як нацыянальны, але цяпер атрымліваецца менавіта так. Гэта адзіная знятая ў Год культуры карціна на "Беларусьфільме".

249
Тэги:
міліцыя, кіно, кінематограф, Кінаіндустрыя, Беларусьфільм, Беларусь
Праасвяшчэнны Круціцкі і Каломенскі, Патрыяршы намеснік Маскоўскай мітраполіі Павел

Экс-кіраўніка БПЦ мітрапаліта Паўла перавялі на новую работу

20
(абноўлена 09:53 17.04.2021)
Мітрапаліт Павел абраны пераемнікам мітрапаліта Ювеналія, які нязменна кіраваў маскоўскімі прыходамі амаль 44 гады.

МІНСК, 18 кра – Sputnik. Новым кіраўніком падмаскоўных парафій стане былы кіраўнік Беларускай праваслаўнай царквы мітрапаліт Павел (Панамароў), дадзенае рашэнне было прынята Святым Сінодам Рускай праваслаўнай царквы.

У жніўні мінулага года мітрапаліт Павел быў адпраўлены на кубанскую кафедру, а на яго месца быў прызначаны епіскап Веніямін.

Рашэннем Святога Сінода ад 25 жніўня 2020 года мітрапаліт Павел быў вызвалены ад пасады Патрыяршага экзарха ўсяе Беларусі, з выказваннем падзякі за панесеныя працы, і прызначаны мітрапалітам Кацярынадарскім і Кубанскім, кіраўніком Кубанскай мітраполіі.

А рашэннем Святога Сінода ад 15 красавіка 2021 года мітрапаліт Павел прызначаны Праасвяшчэнным Круціцкім і Каломенскім, Патрыяршым намеснікам Маскоўскай мітраполіі, пастаянным членам Святога Сінода, з вызваленнем ад кіравання Кацярынадарскай епархіяй.

Такім чынам, ён абраны пераемнікам мітрапаліта Ювеналія (Паяркава), які напярэдадні па асабістай просьбе быў адпраўлены на супакой у сувязі з узростам і станам здароўя. Падмаскоўнымі прыходамі ён кіраваў амаль 44 гады і да гэтага часу быў найстарэйшым з правячых архірэяў РПЦ.

Мітрапаліт Павел на пасаду кіраўніка БПЦ быў прызначаны 25 снежня 2013 года пасля таго, як мітрапаліт Філарэт, які кіраваў БПЦ больш за 20 гадоў, пайшоў на пенсію па ўзросце.

Першы Патрыяршы Экзарх усяе Беларусі мітрапаліт Філарэт памёр 12 студзеня 2021 года на 86-м годзе жыцця. Сінод БПЦ прыняў рашэнне аб увекавечанні яго памяці, для гэтага створана спецыяльная Мемарыяльная камісія. Яе ўзначаліў архіепіскап Навагрудскі і Слонімскі Гурый.

Чытайце таксама:

20
Тэги:
работа, Мітрапаліт Павел, мітрапаліт, БПЦ, экс-кіраўнік
Генеральны сакратар ААН Антоніу Гутэрыш

Генеральны сакратар ААН лічыць, што чалавецтва праваліла экзамен па барацьбе з COVID-19

12
(абноўлена 09:53 17.04.2021)
Антоніу Гутэрыш прапанаваў праграму з шасці асноўных пунктаў па пераадоленню наступстваў пандэміі каронавіруса.

МІНСК, 18 кра - Sputnik. Генеральны сакратар ААН Антоніу Гутэрыш лічыць, што чалавецтва пакуль праваліла экзамен па барацьбе з COVID-19, і заклікае людзей да глабальнай кансалідацыі, паведамляе Цэнтр навін ААН.

Па словах Антоніу Гутэрыша, тры чвэрці ўсіх прышчэпак зроблены ў дзесяці краінах свету, пры гэтым каронавірус працягвае распаўсюджвацца і мутаваць.

"Па некаторых ацэнках, няроўнасць ў доступе да вакцын і непатрэбнае назапашванне гэтых прэпаратаў абыйдзецца чалавецтву ў 9 трыльёнаў долараў", - падкрэсліў Гутэрыш.

На яго думку, нежаданне праявіць салідарнасць прыводзіць да таго, што ў адных краінах вылучаюць трыльёны, а іншыя дзяржавы ў гэты ж час тонуць у даўгах.

Гутэрыш папярэдзіў, што, калі сітуацыя не зменіцца, мэты ўстойлівага развіцця могуць апынуцца "цалкам недасягальнымі" для шэрагу краін.

Праграма дзеянняў

Антоніу Гутэрыш прапанаваў праграму дзеянняў, накіраваную на пераадоленне наступстваў пандэміі COVID-19.

Праграма складаецца з шасці пунктаў.

Першы і галоўны з іх - вакцынацыя, якая павінна быць даступнай кожнаму. Для гэтага неабходна забяспечыць паступленне сродкаў у фонд COVAX - праграму міжнароднага супрацоўніцтва ў гэтай сферы.

Другі пункт - льготнае фінансаванне краінам, якія маюць вострую патрэбу ў такой падтрымцы.

Трэці - справядлівае размеркаванне сродкаў. Антоніу Гутэрыш заклікаў урады ўвесці так званы "падатак салідарнасці" для тых, хто ўзбагаціўся на пандэміі.

Чацвёрты - рашэнне праблем, звязаных з даўгавым крызісам. Генеральны сакратар лічыць, што найбольш уразлівыя з фінансавага пункту гледжання краіны трэба надзяліць адмысловымі правамі запазычання. Важна таксама даць ім адтэрміноўку па пазыковых абавязацельствах і іншыя льготы, якія дазволяць дапамагчы пазбегнуць дэфолту.

Пяты пункт - інвесціраванне ў чалавечы капітал. Важна выдзяляць сродкі на адукацыю, стварэнне працоўных месцаў, сацыяльную абарону і ахову здароўя.

Шосты пункт праграмы - аднаўленне эканомікі пасля крызісу з улікам прынцыпаў экалагічнай бяспекі.

Трагічныя лічбы

Генеральны сакратар ААН прывёў лічбы, якія сведчаць аб маштабных наступствах пандэміі: 3 млн памерлых, 255 млн страчаных працоўных месцаў, 120 млн людзей, якія апынуліся за рысай беднасці, 170 млн дзяцей пазбаўлены магчымасці вучыцца.

"Але ж крызіс далёкі ад свайго завяршэння, - папярэдзіў Антоніу Гутэрыш. - Хуткасць распаўсюджвання інфекцыі толькі нарастае".

Кіраўнік ААН перакананы, што цяпер вельмі важна прадэманстраваць адзінства і глабальную салідарнасць.

Чытайце таксама:

12
Тэги:
каронавірус, пандэмія, наступствы, COVID-19, Барацьба, Экзамены, Чалавецтва, ААН
Тэмы:
Каронавірус COVID-19
Які сёння дзень: 19 красавіка

Які сёння дзень: 19 красавіка 2021 года

0
(абноўлена 19:43 15.04.2021)
Гэты дзень з'яўляецца сто дзявятым па грыгарыянскім календары, да канца года засталося 256 дзён.

Якія падзеі адбыліся 19 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 19 красавіка

  • У 1563 годзе Іван Фёдараў і Пётр Мсціславец пачалі друкаваць у Маскве кнігу "Апостал".

Хто нарадзіўся 19 красавіка

  • 1881 год: Валянцін Волкаў, народны мастак БССР.
  • 1908 год: Вільгельм Гараўскі, беларускі празаік.
  • 1926 год: Барыс Аракчэеў, беларускі мастак.

Таксама сёння нарадзіліся расійскі гісторык і грамадскі дзеяч Васіль Тацішчаў і амерыканскі акцёр Джэймс Франка.

19 красавіка ў народным календары

Сёння праваслаўныя вернікі шануюць памяць святых Яўціхія і Ерыміі, імя якога якога ў народзе спрасцілася да Ярома. Яўціхія жа называлі Ціхі і сачылі ў гэты дзень за ветрам.

Калі 19 красавіка дзень ціхі і бязветраны, будзе добры ўраджай. Калі ж дзьме моцны вецер, ён і на прыканцы лета будзе дзьмуць, страсе ўсё калоссе.

Звычайна да гэтага дня ўжо пачыналі квітнець яблыні, і гэта лічылася добрай прыкметай – лета будзе цёплым і прыйдзе рана.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей