Нацыянальнай бібліятэцы Беларусі хочуць надаць імя Францыска Скарыны

© Sputnik / Виктор ТолочкоПомнік Францыску Скарыну каля Нацыянальнай бібліятэкі Беларусі
Помнік Францыску Скарыну каля Нацыянальнай бібліятэкі Беларусі - Sputnik Беларусь
Падпісацца
Ідэю прысвоіць Нацыянальнай бібліятэцы імя ўсходнеславянскага першадрукара агучыў міністр культуры Барыс Святлоў.

МІНСК, 2 лют — Sputnik. Нацыянальнай бібліятэцы Беларусі могуць надаць імя першадрукара і асветніка Францыска Скарыны, паведаміў на сваёй старонцы ў Facebook намеснік дырэктара бібліятэкі Алесь Суша.

Пражскае выданне Францыска Скарыны - Sputnik Беларусь
The Economist назваў Францыска Скарыну славянскім Марцінам Лютэрам

Надаць імя Скарыны раней прапаноўвалі Нацыянальнаму аэрапорту Мінск — гэтая тэма актыўна абмяркоўвалася ў 2016 годзе, які быў абвешчаны Годам культуры. У 2017-м Беларусь адзначыць 500-годдзе выдання Скарынай першай друкаванай кнігі на беларускай мове. Падчас сходу аргкамітэта святкавання юбілею міністр культуры Барыс Святлоў выступіў з ініцыятывай прысвоіць Нацыянальнай бібліятэцы імя першадрукара.

"Пытанне няпростае, і за ім стаіць вялікая праца і вялікая адказнасць. Міністэрства культуры валодае (у адпаведнасці з Кодэксам аб культуры) неабходнымі паўнамоцтвамі для прыняцця адпаведнага рашэння", — напісаў Суша.

Мяркуецца, што гэтую ідэю неўзабаве абмяркуюць, пасля чаго будуць прымаць канчатковае рашэнне.

Стужка навiн
0