МІНСК, 3 лют — Sputnik. Журналісты пад час "Вялікай размовы з прэзідэнтам" плануюць запытацца ў кіраўніка дзяржавы Аляксандра Лукашэнкі аб праблемах сферы ЖКГ і аховы здароўя, ільготным крэдытаванні, беларуска-расійскіх адносінах і пра многія іншыя сферы жыцця.
Сустрэча кіраўніка дзяржавы з журналістамі і экспертамі пройдзе ў пятніцу ў выставачным комплексе "Белэкспа". Прэс-сакратар Лукашэнкі Наталля Эйсмант у эфіры тэлеканала "Беларусь 1" падкрэсліла, што дадзены фармат — не прэс-канферэнцыя, аднак магчымасць задаць пытанні прэзідэнту ў журналістаў абавязкова будзе.
Для размовы з прэзідэнтам запрошаны каля 40 журналістаў, сярод якіх шэф-рэдактар Sputnik Беларусь Алеся Лучанінава. У эфіры тэлеканала АНТ яна звярнула ўвагу, што яе пытанне можа тычыцца расійска-беларускіх адносін.
Магчымасць задаць свае пытанні была і ў простых беларусаў пры дапамозе анлайн-сэрвісу на сайце БелТА. Як распавялі прадстаўнікі агенцтва, самыя папулярныя пытанні датычацца льготнага крэдытавання, сферы ЖКГ, тарыфаў і дэкрэта аб сацыяльным утрыманстве. Самыя цікавыя з "народных" пытанняў будуць зададзены Лукашэнка.
Адзін з экспертаў, дэкан эканамічнага факультэта БДУ Міхаіл Кавалёў распавёў у эфіры беларускага ТБ пра тое, што яго больш за ўсё цікавіць пытанне мэтазгоднага выкарыстання дзяржаўнай маёмасці.
