Прэзідэнт Беларусі Аляксандр Лукашэнка

Лукашэнка асабіста выказаў спачуванні Пуціну ў сувязі з пажарам у Кемерава

27
(абноўлена 22:24 29.03.2018)
Прэзідэнт Беларусі падчас тэлефоннай размовы з прэзідэнтам Расіі яшчэ раз выказаў спачуванні ў сувязі з гібеллю людзей пры пажары ў ГЦ "Зімовая вішня".

МІНСК, 29 сак — Sputnik. Аляксандр Лукашэнка падчас тэлефоннай размовы яшчэ раз выказаў спачуванні Уладзіміру Пуціну, сем'ям загінулых і пацярпелых пры пажары ў гандлёвым цэнтры ў Кемерава, паведаміла прэс-служба кіраўніка беларускай дзяржавы.

Акцыі ў памяць аб загінулых пры пажары ў ГЦ Зімовая вішня
© Sputnik / Павел Лисицын

"Кіраўнік дзяржавы ад імя беларускага народа і сябе асабіста яшчэ раз выказаў шчырыя спачуванні і словы падтрымкі расійскаму лідару, сем'ям загінулых і пацярпелых у выніку трагедыі ў Кемерава. Аляксандр Лукашэнка падкрэсліў, што ў Беларусі так жа востра перажываюць боль страты і той факт, што большасць загінулых на пажары — дзеці", — гаворыцца ў паведамленні.

Як паведамілі ў прэс-службе, Пуцін падзякаваў Лукашэнку за званок і падтрымку ў цяжкі час і выказаў словы падзякі за салідарнасць, праяўленую Беларуссю і яе грамадзянамі ў дзень агульнанацыянальнай жалобы ў Расіі.

Прэзідэнт Расіі таксама распавёў кіраўніку беларускай дзяржавы пра абставіны трагедыі і ход яе расследавання.

Першыя спачуванні ад імя беларускага лідара былі накіраваны 26 сакавіка ў адрас прэзідэнта Расіі і губернатара вобласці Амана Тулеева.

У Беларусі 28 сакавіка быў аб'яўлены днём жалобы, у знак салідарнасці ў краіне былі прыспушчаны дзяржаўныя сцягі і адменены забаўляльныя перадачы і мерапрыемствы.

У шэрагу гарадоў рэспублікі прайшлі жалобныя акцыі — людзі ў памяць пра ахвяраў пажару ў Кемерава запускалі ў неба белыя шары. Ва ўсіх праваслаўных храмах і касцёлах Беларусі ў сераду прайшлі памінальныя службы. Неабыякавыя грамадзяне таксама маглі пакінуць запіс у кнізе спачуванняў, якая была адкрыта ў Пасольстве Расіі ў Мінску.

Пажар у Кемераўскай ГЦ "Зімовая вішня" адбыўся 25 сакавіка і прывёў да гібелі 64 чалавек, з якіх большую частку склалі дзеці. Па факце інцыдэнту распачатыя крымінальныя справы, затрыманыя 5 чалавек.

27
Тэги:
спачуванні, Жалоба, Уладзімір Пуцін, Аляксандр Лукашэнка, Расія, Беларусь
Тэмы:
Пажар у гандлёвым цэнтры ў Кемерава (16)
По теме
Пачуў у кутку крыкі: хлопец распавёў, як выратаваў траіх дзяцей у Кемерава
Крывашэеў аб трагедыі ў Кемерава: хто ведае, ці няма ў нас такіх "дзялкоў"
Цімафеева: трагедыя ў Кемерава - прамое спараджэнне безадказнасці
Незразумела, куды бегчы: мужчына цудам вывеў сваю сям'ю з ГЦ у Кемерава
Пажар у гандлёвым цэнтры ў Кемерава
Заслужаны артыст Беларусі Леанід Барткевіч

Памёр Леанід Барткевіч - саліст залатога складу "Песняроў"

0
(абноўлена 13:15 13.04.2021)
Пра смерць заслужанага артыста БССР Леаніда Барткевіча паведаміла Sputnik яго жонка. Яму быў 71 год.

МІНСК, 13 кра - Sputnik. Савецкі і беларускі эстрадны спявак Леанід Барткевіч быў салістам ВІА "Песняры" з 1970 па 1980 год, а таксама з 1999 па жнівень 2003 года.

Леанід Барткевіч належаў да плеяды музыкантаў, чый голас быў знаёмы мільёнам прыхільнікаў творчасці "Песняроў". Гэта ён выконваў "Александрыну", "Вераніку", "Белавежскую пушчу", "Бярозавы сок", "Купалінку".

Леанід Барткевіч нарадзіўся ў 1949 годзе ў Мінску. Музыкай пачаў захапляцца яшчэ ў дзяцінстве: быў салістам у хоры хлопчыкаў Палаца піянераў, граў на гітары, скончыў музычную школу па класе трубы.

Падчас вучобы ў архітэктурным тэхнікуме быў салістам мясцовага аркестра, а пасля - вакалістам ансамбля "Залатыя яблыкі".

Працаваў архітэктарам у "Белндігіпрасельбуд". Дарэчы, на аснове дыпломнага праекта Барткевіча быў пабудаваны мінскі кінатэатр "Кастрычнік".

У 1970 годзе лёс звёў Барткевіча з Уладзімірам Мулявіным, які паклікаў таленавітага юнака выступаць у "Песнярах".

Праспяваўшы некалькі твораў, напісаных Мулявіным, Леанід быў прыняты ў склад легендарнай групы. З гэтага моманту пачалася яркая творчая біяграфія Барткевіча. З ансамблем Леанід пабываў на гастролях у ЗША. "Песняры" сталі першымі ўладальнікамі "Залатога дыска СССР".

Чаму Барткевіч сыходзіў з "Песняроў"

У 1980 годзе артыст паступіў у Расійскі інстытут тэатральнага мастацтва (ДІТІС) на курс эстраднага рэжысёра Іакіма Шароева. З-за вучобы Барткевіч вымушаны быў сысці з "Песняроў". У 1983 годзе ён стаў салістам Беларускага тэлебачання і радыё. У 1989 годзе разам з жонкай, алімпійскай чэмпіёнкай па спартыўнай гімнастыцы Вольгай Корбут і сынам Рычардам пераехаў у ЗША. Там ён пражыў амаль дзесяць гадоў.

Пасля вяртання ў Беларусь Леанід Барткевіч працаваў у ансамблі "Песняры" да самай смерці Уладзіміра Мулявіна.

Затым Барткевіч з некалькімі калегамі стварыў свой ансамбль з такой жа назвай. Ён перастаў існаваць у 2008 годзе, а ў 2009 артыст аб'яднаўся з музыкамі Анатолем Кашапаравым і Алегам Моўчанам ў новы ансамбль "Песняры".

За ўсю сваю кар'еру Леанід Барткевіч атрымаў нямала ўзнагарод. У 1973 годзе ён стаў лаўрэатам I прэміі Усесаюзнага конкурсу савецкай песні, у 1979 атрымаў званне заслужанага артыста Беларусі. Песняр не раз станавіўся лаўрэатам міжнародных фестываляў і конкурсаў.

25 траўня яму магло б споўніцца 72 гады.

Sputnik выказвае спачуванні родным і блізкім Леаніда Леанідавіча.

Чытайце таксама:

0
Тэги:
Беларусь, Sputnik, БССР, артыст, "Песняры", Леанід Барткевіч
Беларуска-украінская мяжа

Украіна ўвяла дадатковыя абмежаванні на мяжы з Беларуссю

3
(абноўлена 10:48 13.04.2021)
Чым выкліканы абмежаванні, украінскім бокам не тлумачыцца, аднак пазначана, што яны ўводзяцца "з мэтай... абароны нацыянальнай бяспекі".

МІНСК, 13 кра – Sputnik. Дзяржаўная пагранічная служба Украіны ўвяла дадатковыя абмежаванні на мяжы з Беларуссю, такое паведамленне размешчана на старонцы ў сацсетках украінскага ведамства.

Абмежаванні дзейнічаюць у межах Ровенскай вобласці з 12 красавіка да 31 снежня 2021 года. Яны датычацца Бярозаўскай, Старасельскай, Высоцкай, Міляцкай, Локніцкай і Зарэчненскай аб'яднаных тэрытарыяльных суполак Сарненскага і Варашскага раёнаў.

Пад забарону трапляюць:

  • любыя (акрамя сельгас) работы з 22:00 да 6:00 у паласе ад пагранзнакаў у глыбіню памежнай паласы на адлегласць да 100 метраў;
  • перасоўванне з 22:00 да 6:00 транспарту і людзей (акрамя тэхнікі і абсталявання, якія былі задзейнічаны ў сельгасработах) па дарогах, якія не вядуць да лініі дзяржаўнай мяжы і не праходзяць праз пункты пропуску;
  • прыпынак цягнікоў (акрамя пасажырскіх) пры ўездзе на тэрыторыю Украіны да чыгуначнай станцыі "Сарны" і ў адваротным кірунку.

Забаронена таксама падвозіць людзей без дакументаў. Пра любыя палёты лёгкаматорных лятальных апаратаў, квадракоптараў, беспілотнікаў неабходна інфармаваць пагранічнікаў.

Аб'язной дарогай карыстацца нельга. Паміж лініяй дзяржаўнай мяжы і пунктамі пропуску забаронена стаянка транспарту і тэхнікі на ўзбочынах дарог (калі толькі транспарт не зламаўся).

Судам і іншым плаўсродкам забаронена выходзіць на возера і вадаёмы, якія знаходзяцца ў памежным раёне. Вадалазныя працы таксама забаронены.

Як паказана, абмежаванні ўзгоднены з кіраўніком Ровенскай аблдзяржадміністрацыі, абласнымі ўпраўленнямі СБУ і Нацпаліцыі.
 Чым выкліканы падобныя меры, не тлумачыцца. Адзначаецца, што яны ўводзяцца "з мэтай узмацнення кантролю за выкананнем пагранічнага рэжыму, папярэджання правапарушэнняў і абароны нацыянальнай бяспекі".

30-годдзе дыпламатычных адносін

Раней міністр замежных спраў Беларусі Уладзімір Макей падкрэсліў, што Беларусь зацікаўлена ў развіцці "ўсёй гамы адносін" з Украінай, як эканамічных і палітычных, так і культурных.

"У нас і агульная мяжа - 1084 кіламетры. Мы таксама павінны думаць пра тое, каб яна была мяжой міра, а не мяжой разладу. Больш за тое, у снежні гэтага года мы будзем адзначаць 30-годдзе дыпламатычных адносін - і з якім багажом мы падыдзем да гэтай юбілейнай даты?" - задаў пытанне кіраўнік ведамства.

Чытайце таксама:

3
Тэги:
Нацыянальная бяспека, Бяспека, Абарона, Беларусь, мяжа, абмежаванне, Украіна