МТЗ стаў тытульным спонсарам клуба БАТЭ

МТЗ стаў тытульным спонсарам клуба БАТЭ

42
(абноўлена 12:00 30.03.2018)
Сума пагаднення не раскрываецца, прэзентацыя формы пройдзе ўвечары

МІНСК, 30 сак — Sputnik. Мінскі трактарны завод стаў тытульным спонсарам футбольнага клуба БАТЭ, на заводзе разлічваюць, што такая калабарацыя будзе спрыяць прасоўванню брэнда ў свеце.

Генеральнае партнёрства паміж клубам і заводам было падпісана 30 сакавіка ў Музеі МТЗ.

"Беларускі суперзавод і беларускі суперклуб аб'яўляюць аб супрацоўніцтве", — распавялі на МТЗ.

Пацвярджаючы ўмоўнае званне супэрзавода, дырэктар МТЗ Фёдар Дамаценка распавёў, што брэнд трактар Belarus прадстаўлены ў 150 краінах свету.

"Я пажадаю ўсім футбалістам поспеху ў спорце і ў прасоўванні прадукцыі МТЗ", — сказаў Дамаценка.

Генеральны дырэктар БАТЭ Анатоль Капскі распавёў, што матчы БАТЭ дырэктар завода наведвае не першы год, прычым у жоўта-сіняй экіпіроўцы заўзятара.

"Фінансавая прапанова была цікавай. Сёння прадставім новую форму. Брэнд Belarus, я спадзяюся, будзе для нас шчаслівым", — распавёў Капскі.

Кіраўнікі завода і клуба абмяняліся сувенірамі — завод падарыў футбалістам сувенірны трактар, а футбалісты падпісалі футбольны мяч. У якасці дадатку — новая майка, у такія цяпер пераапрануцца і футбалісты. Але прэзентацыя формы пройдзе ўвечары, і да гэтага часу майку схавалі ад фатографаў.

42
Тэги:
Футбол, МТЗ, ФК БАТЭ, Беларусь
По теме
МТЗ адзначыў год прамысловага турызму на заводзе
МТЗ зладзіў у Мінску шоу "агнядышных" трактароў
Супрацоўнікі МТЗ прачыталі "Новую зямлю" Якуба Коласа
Глеб у чацвёрты раз вярнуўся ў БАТЭ

Галоўнае