Кнігі лаўрэатаў прэміі Ежы Гедройца

Уладзімір Арлоў стаў пераможцам прэміі Гедройца

138
Імёны "лаўрэатаў скандальнага беларускага Нобелю" назвалі сёння.

МІНСК, 11 кас - Sputnik. Гісторык Уладзімір Арлоў са сваёй кнігай "Танцы над горадам" стаў пераможцам прэміі імя Ежы Гедройца ў бягучым годзе, перадае карэспандэнт Sputnik.

Цырымонія ўзнагароджання лаўрэатаў прайшла ў чацвер, 11 кастрычніка, у Мінску.

Імя пераможцы называлі крытык Сяргей авалёў і пераможца мінулага году Зміцер Бартосік, уручала ўзнагароду прэзідэнт Беларускага ПЭН-цэнтру Таццяна Нядбай
© Sputnik
Імя пераможцы называлі крытык Сяргей Кавалёў і пераможца мінулага году Зміцер Бартосік, уручала ўзнагароду прэзідэнт Беларускага ПЭН-цэнтру Таццяна Нядбай

"Я дзякую ўсім танцорам і танцоркам, якія працягваюць танцаваць на дахах гарадоў таго і гэтага свету", - сказаў пераможца са сцэны.

Другое месца заняў Альгерд Бахарэвіч з раманам "Сабакі Эўропы", а трэці радок у спісе лаўрэатаў атрымаў Вінцэсь Мудроў і яго кніга "Забойцы анёлаў".

Уладзімір Арлоў падзякаваў усім танцорам і танцоркам
© Sputnik
Уладзімір Арлоў падзякаваў "усім танцорам і танцоркам"

Без узнагарод засталіся Адам Глобус, Анка Упала і Павел Севярынец.

У гэтым годзе ў спіс намінантаў увайшлі 32 кнігі, з якіх у шорт-лісце засталіся толькі шэсць. Адну з кніг арганізатары агучаць і будуць бясплатна распаўсюджваць сярод людзей з праблемамі зроку. Зараз ідзе краудфандынгавая кампанія па зборы сродкаў на рэалізацыю праекта.

Прэмія імя Ежы Гедройца прысуджаецца ў Беларусі з 2012 года. За гэты час яе лаўрэатамі станавіліся Павел Касцюкевіч, Уладзімір Някляеў, Ігар Бабкоў, Макс Шчур, Віктар Казько і Зміцер Бартосік.

138
Каментары