Аўтамабіль ДАІ

Мінскае ДАІ будзе “фільтраваць” вадзіцеляў на выходных

73
Аперацыя “Фільтр” па выяўленню бяспраўнікаў і нецвярозых вадзіцеляў пройдзе ў Мінске 16 мая. Месцы правядзення аперацыі супрацоўнікі ДАІ не ўдакладняюць.

МІНСК, 15 мая — Sputnik. Дзяржаўтаінспекцыя будзе "фільтраваць" у чатырох раёнах  сталіцы, паведамілі Sputnik у пятніцу ў прэс-службе ДАІ ГУВД Мінскага гарвыканкама. У межах мерапрыемства Дзяржаўтаінспекцыі надасць асаблівую ўвагу вадзіцелям-беспраўнікам і тым, хто кіруе аўтамабілем у стане алкагольнага ап'янення.

"Мы дакладна захопім чатыры раёна сталіцы. Якія менавіта, дакладна сказаць не магу, таму што тады знікае эфект нечаканасці, патэнцыйныя парушальнікі могуць аб'язджаць гэтыя раёны. Няхай гэта будзе сюрпрызам", — сказала ў тэлефоннай размове з карэспандэнтам Sputnik прэс-сакратар ДАІ Мінска Таццяна Харлінская.

Яна таксама заклікала вадзіцеляў у незалежнасці ад мерапрыемстваў Дзяржаўтаінспекцыі выконваць Правілы дарожнага руху. У прэс-службе ўдакладнілі, што за суткі ў Мінску затрымлівают 10-15 парушальнікаў у нецвярозым стане. "Апошнім такім рэзнанансным выпадкам на гэтым тыдні стала пагоня за матацыклістам, на якога саставілі дзевяць адміністрацыйных пратаколаў", — паведамілі ў ДАІ.

Харлінская нагадала, што ў адпаведнасці з артыкулам 18.19 КаАП Рэспублікі Беларусь кіраванне транспартным сродкам асобай, якая не мае права кіравання, можа выклікаць накладанне штрафу ад пяці да 20 базавых велічыняў, паўторнае парушэнне на працягу года — у памеры ад 20 да 50 базавых велечіняў.

За кіраванне транспартным сродкам асобай у нецвярозым стане, перадачу кіравання транспартным сродкам такой асобе — штраф у памеры ад 50 да 100 базавых велічыняў с пазбаўленнем права кіравання транспартным сродкам на тры гады. За паўторнае такое парушэнне на працягу году прадугледжана крымінальная адказнаць з канфіскацыяй транспартнага сродку.

73
Тэги:
Дарожна-транспартнае здарэнне, Аўтамабілі, УДАІ МУС РБ, Таццяна Харлінская, Мінск, Беларусь
Запраўка аўтамабіля на АЗС

Аўтамабільнае паліва зноў даражэе ў Беларусі

7
(абноўлена 10:27 02.03.2021)
Цэны на аўтазаправачных станцыях рэспублікі змяняюцца ўжо сёння, у апошні раз кошт змяніўся 22 лютага.

МІНСК, 2 сак – Sputnik. Аўтамабільнае паліва зноў даражэе ў Беларусі, паведамілі ў панядзелак у канцэрне "Белнафтахім".

Так, аўтамабілістам на АЗС цяпер за літр бензіну АІ-92-К5-Еўра прыйдзецца плаціць 1 рубель і 75 капеек, АІ-95-К5-Еўра і салярку - 1 рубель 85 капеек, АІ-98-К5-Еўра - 2 рублі і 7 капеек.

Такім чынам, цэны на паліва ў рэспубліцы традыцыйна павялічыліся на адну капейку.

Нафтабаза на тэрыторыі марскога гандлёвага порта
© Sputnik / Владимир Астапкович

Пры гэтым цяпер у канцэрне ніяк не патлумачылі павелічэнне цэн: у мінулы раз у Белнафтахіме спаслаліся на рост сусветных катыровак на нафту.

Гэта ўжо пятае падаражанне ў гэтым годзе, у апошні раз кошты на паліва ў Беларусі падымаліся 22 лютага да гэтага - 16 лютага, 28 і 21 студзеня.

Да першага падаражэння ў 2021 годзе старыя цэны пратрымаліся 85 дзён. У 2020-м цэны на бензін і дызель мяняліся 16 разоў, у 2019-м - 28 разоў.

Чытайце таксама:

7
Тэги:
цэны, Беларусь, паліва
Аўтамабілі ў пробцы, архіўны фотаздымак

Усё аб транспартным падатку: як налічваецца і як плаціць?

38
(абноўлена 16:58 26.02.2021)
У Беларусі замест дзяржпошліны за допуск аўтамабіля да ўдзелу ў дарожным руху ўведзены транспартны падатак. Міністэрства па падатках і зборах растлумачыла падрабязнасці.

МІНСК, 26 лют – Sputnik. Транспартны падатак уведзены з 1 студзеня 2021 года, вылічацца ён будзе з 1-га чысла месяца, наступнага за месяцам, у якім скончыўся тэрмін дзеяння дазволу на допуск транспартнага сродку да ўдзелу ў дарожным руху, за выдачу якога была выплачана дзяржаўная пошліна, паведамляе МПЗ.

Сітуацыю ведамства разабрала на канкрэтным прыкладзе: "Дапусцім, грамадзянін выплаціў дзяржаўную пошліну і атрымаў дазвол на допуск транспартнага сродку да ўдзелу ў дарожным руху ў чэрвені 2020 года. Тэрмін дзеяння дазволу мінае 30.06.2021. Адпаведна, транспартны сродак грамадзяніна будзе вызвалены ад транспартнага падатку на перыяд тэрміну дзеяння дазволу, а менавіта, з 1 студзеня па 30 чэрвеня 2021 года".

Колькі трэба будзе заплаціць?

Памер транспартнага падатку залежыць ад дазволенай максімальнай масы аўтамабіля. Менш за ўсіх будуць плаціць уладальнікі "легкавікоў", вага якіх да 1,5 тоны: на дадзены момант гэта 61 рубель. Калі аўто важыць ад 1,5 да 1,75 тоны, заплаціць трэба будзе 81 рубель, ад 1,75 да 2 тон - 102 рублі, ад 2 да 2,25 тоны - 122 рублі, ад 2,25 да 2,5 тоны - 142 рублі, ад 2,5 да 3 тон - 162 рублі, больш за 3 тоны - 223 рублі. За матацыкл плата складзе 41 рубель.

"Плаціць транспартны падатак трэба будзе адзін раз у год. Паведамленні з падатковай інспекцыі аўтаўладальнікі-фізічныя асобы будуць атрымліваць да 1 верасня. На выплату ўзносу даюць паўтара месяца - не пазней за 15 лістапада", - растлумачылі ў МПЗ.

Грамадзянам, якія не прайшлі тэхагляд да 1 студзеня 2021, неабходна будзе ўнесці авансавы плацёж - 1 базавую велічыню (з 1 студзеня - 29 рублёў) за кожны транспартны сродак. Зрабіць гэта трэба да 15 снежня бягучага года. Што тычыцца прычэпаў, матацыклаў, сума авансу складзе 20 рублёў. Даплату падатку неабходна будзе здейсніць да 15 лістапада 2022 года пасля атрымання паведамлення падатковага органа.

Што рабіць з аўтахламам?

Што тычыцца транспартных сродкаў, непрыдатных для эксплуатацыі, іх уладальнікам для атрымання вызвалення ад выплаты транспартнага падатку неабходна зняць "аўто" з уліку ў ДАІ МУС да 1 ліпеня 2021 года.

"Вылічэнне транспартнага падатку для такіх аўтаўладальнікаў будзе спыняцца з 1-га чысла месяца, наступнага за месяцам, у якім транспартны сродак быў зняты з уліку", - распавялі ў МПЗ.

Калі транспартны сродак прадалі, то для новага ўладальніка падатак будзе вылічацца з 1-га чысла месяца, наступнага за месяцам, у якім праведзена дзяржаўная рэгістрацыя аўтамабіля або матацыкла.

Хто вызвалены ад выплаты транспартнага падатку?

У Падатковым кодэксе прадугледжаны шырокі пералік катэгорый плацельшчыкаў, з якіх не будзе спаганяцца транспартны падатак. Так, плаціць не прыйдзецца кіроўцам, чые аўто выбылі з іх уласнасці ў выніку супрацьпраўных дзеянняў - згону або крадзяжу.

Такая ж сітуацыя з транспартнымі сродкамі, якія выкарыстоўваюцца для аказання медыцынскай дапамогі, у тым ліку "хуткімі".

Вызваляюцца ад выплаты дзяржорганы, суды, органы пракуратуры, войскі і воінскія фарміраванні, а таксама арганізацыі, уключаныя ў пералік тых, што выконваюць перавозкі транспартам агульнага карыстання.

"Аб'ектам падаткаабкладання транспартным падаткам не з'яўляюцца транспартныя сродкі, выпушчаныя да 1 студзеня 1992 года, а таксама тыя аўто, на якія няма звестак аб даце выпуску", - удакладнілі ў МПЗ.

Уладальнікам электрамабіляў таксама пакуль не трэба плаціць гэты від падатку.

Не будзе праводзіцца падлік і ў дачыненні да транспартных сродкаў, якія выкарыстоўваюць для аказання меддапамогі, сацабслугоўвання. Да прыкладу, да аўто з надпісам: "Сацыяльная служба" або машыны, спецыяльна абсталяванай для выкарыстання інвалідамі.

Ці прадугледжаны льготы?

Ветэраны, інваліды I або II групы, пенсіянеры атрымліваюць 50-працэнтную скідку ад поўнай падатковай стаўкі. На 25% менш заплацяць інваліды III групы. Зніжку дадуць пры наяўнасці ў плацельшчыка (льготніка) сапраўднага пасведчання кіроўцы адпаведнай катэгорыі.

За грамадзянамі захавана права звяртацца ў мясцовыя органы ўлады з просьбай знізіць падатак або вызваліць ад яго выплаты, калі яны знаходзяцца ў цяжкай жыццёвай сітуацыі.

Больш падрабязную інфармацыю па пытаннях падаткаабкладання можна атрымаць у тэлефоннай даведачнай сістэме падатковых органаў па тэлефоне (017) 229 79 79 або 189 (стацыянарная сетка).

Чытайце таксама:

38
Тэги:
Пошліна, аўтамабіль, Беларусь, Міністэрства па падатках і зборах РБ, Падаткі

Тыгр навучыўся спяваць, каб прыцягваць да сябе ўвагу - відэа

0
(абноўлена 20:29 06.03.2021)
Глядзіце на відэа, як драпежнік з Барнаульскага заапарка бярэ высокія ноты. І ўсё гэта дзеля аднаго - увагі.

Паласатыя драпежнікі могуць не толькі рыкаць, яны здольныя яшчэ і да "спеваў". Гэта даказвае тыгр Шэрхан. На кадрах можна ўбачыць, як тыгр, ходзячы па вальеры або знаходзячыся на ўзвышшы, якое, мусіць, лічыць сваёю сцэнай, бярэ высокія ноты.

"З самага нараджэння ён такім чынам прыцягвае ўвагу шматдзетнай мамы. Спецыяльна сыходзіў у далёкі кут, калі яна была занятая іншымі дзецьмі, і крычаў, пакуль яна не кіне ўсё і не прыйдзе да яго", - распавялі супрацоўнікі заапарка на старонцы ў сацыяльнай сетцы.

Рэпертуар узыходзячай зоркі Барнаульскага заапарка пакуль невялікі, аднак у яго арсенале ўжо ёсць некалькі хітоў, якія нагадалі некаторыя кампазіцыі ў выкананні расійскага спевака Вітаса. Іншыя прыхільнікі творчасці Шэрхана выказалі здагадку, што тыгр прастудзіўся, аднак супрацоўнікі заапарка запэўнілі, што са здароўем у драпежніка ўсё ў парадку.

Глядзіце таксама:

0
Тэги:
ноты, драпежнік, заапарк, тыгр