Мотафестываль H.O.G. Rally Minsk 2018

Сын прэзідэнта і сын Чэ Гевары: хто едзе ў калоне H.O.G. Rally Minsk

16
Мотафестываль H.O.G. Rally Minsk 2018 сабраў мотааматараў з пятнаццаці краін - нават такіх далёкіх, як Куба.

МІНСК, 15 вер — Sputnik. Сын камандантэ Чэ Гевары Эрнэста праехаў у калоне байкераў на адкрыцці фестывалю H.O.G. Rally Minsk 2018.

Калона стартавала ад Кургана Славы і накіравалася да Палаца Спорту. Для Эрнэста гэта першая ў жыцці мотапрагулка па Мінску, у беларускую сталіцу ён прыляцеў з Гаваны. Хоць у сына Чэ Гевары чатырнаццаць матацыклаў, з сабой ён іх не прывёз — занадта далёкі шлях. Матацыкл яму далі арганізатары фестывалю.

Ужо традыцыйна ўдзел у мотапарадзе прымае і сын Аляксандра Лукашэнкі Віктар. Ён таксама вядомы сваім захапленнем матацыкламі.

Усяго ў калоне едзе каля 6 тысяч байкераў. Для гарантыі захавання правілаў бяспекі іх суправаджае эскорт ДАІ.

Сёння каля Палаца Спорту можна будзе разгледзець выставу матацыклаў, пагутарыць з байкерамі, а ўвечары пачуць выступ нямецкага гурта Bonfire і паглядзець святочны салют.

16
Тэги:
Фестываль, H.O.G. Rally Minsk 2018, Мінск, Беларусь
Каментары