Аўтадылер: легкавушкі Ford не знікнуць з беларускага рынку

Аўтадылер: легкавушкі Ford не знікнуць з беларускага рынку

61
(абноўлена 17:43 27.03.2019)
Навіна аб тым, што амерыканскі аўтаканцэрн Ford спыніць выпуск легкавых аўтамабіляў у Расіі, стала шокам для многіх беларускіх аўтамабілістаў.

МІНСК, 27 сак - Sputnik. Марка аўтамабіляў Ford не плануе сыходзіць з Беларусі незалежна ад таго, што амерыканскі аўтаканцэрн спыніць выпуск легкавых аўтамабіляў у Расіі, пра гэта карэспандэнту Sputnik паведаміў кіраўнік аддзела маркетынгу афіцыйнага дылера Ford "Атлант-М Баравая" Дзмітрый Бухавец.

У сераду кампанія Ford афіцыйна абвясціла аб тым, што прыпыняе вытворчасць легкавых аўтамабіляў у Расіі. Зачыняюцца два заводы: у Набярэжных Чоўнах і ва Усеваложске, а таксама вытворчасць рухавікоў у Елабузе. Аўтавытворца вырашыў засяродзіцца на LCV-сегменце і будзе выпускаць у Расіі толькі камерцыйную мадэль Transit.

"Ford у Расіі закрывае вытворчасць легкавых аўтамабіляў. У нас на 2019 г. на першае паўгоддзе пастаўкі з боку Ford Sollers цалкам пацверджаны. Гэта значыць, што да чэрвеня ўключна у нас ёсць план паставак, і нам гэтых аўтамабіляў па продажах хопіць прыкладна да канца верасня 2019 года", - распавёў прадстаўнік афіцыйнага дылера.

Ён адзначыў, што аўтацэнтр працуе ў стандартным рэжыме, а ў дылера досыць вялікі склад, таму з продажамі легкавых аўтамабіляў у бліжэйшы час праблем і прыпынкаў не будзе.

"Адносна таго, што адбываецца з Ford у Расіі, усе гарантыйныя абавязацельствы па раней прададзеным аўтамабілям і тым, якія будуць рэалізаваны зараз, захоўваюцца ў поўным аб'ёме. Пастаўкі рэгіянальных запчастак ідуць да нас з Еўропы, адпаведна тое, што зачыняюцца заводы ў Расіі, на нас наогул ніяк не ўплывае. Сэрвіснае абслугоўванне будзе працаваць. Мы будзем працягваць ажыццяўляць тэхнічнае абслугоўванне як гарантыйнае, так і постгарантыйнае", - падкрэсліў Бухавец.

У аўтацэнтры "Атлант-М Баравая" заключаны прамы кантракт з Ford Motor Company. "Гэта значыць, калі спыніцца вытворчасць легкавых аўтамабіляў у Расіі, мы будзем шукаць альтэрнатыўнага пастаўшчыка. Адкуль ён будзе, зараз ніхто сказаць не можа. Гэтае пытанне, хутчэй за ўсё, будзе вырашана ў другім квартале", - растлумачыў прадстаўнік "Атлант-М Баравая" .

"Марка не плануе сыходзіць з беларускага рынку. Мы пастаўляць Ford хочам, і цяпер шукаем варыянты, як гэта зрабіць. Лёс Ford у Беларусі будзе вырашаны да канца паставак аўто з Расіі", - сказаў на заканчэнне Бухавец.

Ford адкрыў свой першы завод у Расіі ў 2002 годзе, на дадзены момант прадпрыемства амерыканскага канцэрна збіраюць у РФ чатыры легкавыя мадэлі - Fiesta, Focus, Mondeo і EcoSport. З канца 1990-х Ford вырабляў мадэлі Escort і Transit у Беларусі - на магутнасцях СП "Форд-Юніён", аднак у ліпені 2000-га вытворчасць была згорнута.

61
Тэги:
Аўтамабілі
Кола часу – 2020

Унікальныя матацыклы паказалі на фестывалі ў Мірскім замку фота

37
(абноўлена 12:05 03.08.2020)
Госці фестывалю рэтрамотатэхнікі "Кола часу" змаглі ўбачыць сапраўды неверагодныя экспанаты. Патрапіў на свята і фотакарэспандэнт Sputnik Альфрэд Мікус.

У мінулыя выхадныя ў Мірскім замку прайшоў фестываль рэтрамотатэхнікі "Кола часу", на якім удзельнікі прадставілі каля сотні самых розных мадэляў. Галоўнае патрабаванне да экспанатаў – узрост больш за 30 гадоў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Свята ў гэтым годзе прайшло ў восьмы раз. Сярод усіх мадэляў асаблівую ўвагу надалі матацыклам "Мінск", таму што ў гэтым годзе Мотавелазавод святкуе сваё 75-годдзе.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Аматары рэтратэхнікі маглі не толькі дакрануцца да ўнікальных матацыклаў, але і паспрабаваць сябе ў якасці вадзіцеляў.

Кола часу – 2020
© Sputnik Альфрэд Мікус
Кола часу – 2020
Кола часу – 2020
© Sputnik Альфрэд Мікус
Кола часу – 2020

Акрамя Міра ўдзельнікі фестываля наведалі замкі ў Любчы і Навагрудку.

37
Тэги:
Матацыклы і мапеды, Мірскі замак
Аўтавакзал Каўнаса

Аднаўляюцца аўтобусныя рэйсы з Мінска ў Вільнюс, Каўнас і Варшаву

11
(абноўлена 11:39 24.07.2020)
У літоўскую сталіцу з 31 ліпеня аўтобусы будуць хадзіць з Беларусі тройчы ў дзень, у польскую - мінімум раз у суткі.

МІНСК, 25 ліп - Sputnik. "Мінсктранс" аднаўляе штодзённыя рэйсы па міжнародных маршрутах у Вільню, Каўнас, Варшаву, паведамляецца на афіцыйным сайце прадпрыемства.

З-за пандэміі каронавіруса ў сярэдзіне сакавіка нашы краіны-суседкі абмежавалі ўезд замежнікам і некаторыя з рэйсаў былі часова адменены. Аднак ужо ў чэрвені аднавіліся аўтобусныя перавозкі з Мінска ў Варшаву - паездкі ажыццяўляліся чатыры разы на тыдзень. Цяпер іх частата павялічылася.

З 31 ліпеня "Мінсктранс" адновіць штодзённыя рэйсы па маршруце Мінск-Варшава праз Баранавічы і Брэст. Аўтобусы будуць выязджаць з беларускай сталіцы ў 8:00 і 19:00, з польскай - у 12:00 і 19:30.

Як удакладнілі ў даведачнай службе "Мінсктрансу", аўтобусы прыватных беларускіх кампаній зараз ходзяць у Вільнюс праз дзень. З 31 ліпеня аднавіць свае паездкі мае намер літоўскі перавозчык, час адпраўлення ад нашага Цэнтральнага вакзала - штодня ў 16:00 і 19:00. Таксама з гэтага чысла пачнуць курсіраваць і аўтобусы беларускага прадпрыемства, яны будуць выязджаць з нашай сталіцы ў 9:30, з літоўскай - у 16:00.

З канца ліпеня адновяць штодзённыя рэйсы па маршруце Мінск-Каўнас праз Ашмяны, Вільню, Вевіс. Адпраўленне ад Цэнтральнага вакзала ў 7:30, з Каўнаса - у 16:00.

Нагадаем, што пакуль трапіць у Польшчу і Літву могуць толькі пэўная катэгорыі беларускіх грамадзян і жыхары тых краін, у якіх спрыяльная эпідэміялагічная сітуацыя. Аднак, мяркуючы па статыстыцы Міністэрства аховы здароўя Беларусі, не выключана, што і беларусы хутка апынуцца ў гэтым спісе.

11
Тэги:
Варшава, Каўнас, Вільнюс, Мінск, аўтобус
Афіцыйны прадстаўнік Міністэрства замежных спраў Расіі Марыя Захарава

МЗС РФ: журналістаў тэлеканала "Дождь" затрымалі з-за адсутнасці акрэдытацыі

10
Удзень у нядзелю ў цэнтры Мінска затрымалі двух карэспандэнтаў і відэааператара расійскага тэлеканала.

МІНСК, 9 жні – Sputnik. Журналістаў расійскага тэлеканала "Дождь" затрымалі ў Мінску ў дзень выбараў прэзідэнта з-за адсутнасці ў іх акрэдытацыі, пра гэта паведаміла афіцыйны прадстаўнік МЗС Расіі Марыя Захарава.

Удзень у нядзелю з'явілася інфармацыя аб тым, што ў цэнтры беларускай сталіцы затрымалі супрацоўнікаў расійскага тэлеканала – двух карэспандэнтаў і відэааператара. Іх забралі і павезлі пасля таго, як яны пагаварылі на вуліцы з прадстаўніцай аб'яднанага штаба Святланы Ціханоўскай Марыяй Калеснікавай.

"Прычына інцыдэнту - адсутнасць неабходнай акрэдытацыі", - цытуе Захараву РІА "Новости".

У дадзены момант затрыманым журналістам аказваецца консульская дапамога. "Пасольства Расіі ў Рэспубліцы Беларусь падключылася да вырашэння сітуацыі ў сувязі з затрыманнем журналістаў "Дождя" ў Мінску і знаходзіцца ў кантакце з беларускім бокам. Устаноўлена іх месцазнаходжанне", – адзначыла афіцыйны прадстаўнік МЗС РФ.

Паводле яе слоў, сітуацыю асабіста кантралюе пасол Расіі ў Беларусі Дзмітрый Мезенцаў. "Толькі што я гаварыла з Дзмітрыем Фёдаравічам Мезенцавым, з нашым паслом, які ўсю гэтую сітуацыю абмаляваў, і ён сказаў, што асабіста трымае гэта на кантролі", - распавяла Захарава.

10
Тэги:
МЗС РФ, Марыя Захарава