Амаль кожны трэці ўладальнік аўто ў Беларусі не праходзіць тэхагляд

Амаль кожны трэці ўладальнік аўто ў Беларусі не праходзіць тэхагляд

53
(абноўлена 09:58 08.04.2019)
Многія вадзіцелі лічаць, што прасцей за ўсё было б уключыць дарожны збор у кошт палiва: паехаў, заліў бензін - тым і заплаціў.

МІНСК, 8 кра - Sputnik. Тэхагляд з 4,2 мільёна зарэгістраваных у Беларусі аўто прайшлі толькі 1,24 мільёна машын, расказаў у эфіры тэлеканала АНТ намеснік начальніка ДАІ Мінска Сяргей Каравацкі.

"Мы назіраем падзенне попыту на гэтую паслугу пачынаючы з 2014 года", - адзначыў прадстаўнік Дзяржаўтаінспекцыі.

Справа - уласна не ў тэхаглядзе, а ў тым, што адначасова з ім дзяржава спаганяе так званы дарожны падатак. Штраф за паездкі без тэхагляду складае ад 1 да 3 базавых велічынь - гэта менш, чым кошт самога падатку.

Вадзіцелі скардзяцца - хтосьці ездзіць часта, а хтосьці - толькі ўлетку на дачу. У выніку колькасць машын без тэхагляду усё расце, пераплачваць мала каму хочацца.

Многія аўтаўладальнікі лічаць, што прасцей за ўсё было б уключыць дарожны збор у кошт паліва. Паехаў, заправіўся - тым самым і заплаціў.

Праект указа аб змене транспартнага падатку ўжо перадалі ў Адміністрацыю прэзідэнта. Праходзіла і грамадскае абмеркаванне праекта, прапаноў было каля трох сотняў. І каля траціны прапаноў як раз былі звязаны з тым, каб уключыць падатак у кошт паліва.

Але тут паўстала іншая праблема - падатковы манеўр у суседняй Расіі. Нафтаперапрацоўка стратная, каб выйсці на рэнтабельнасць, давядзецца і без таго яшчэ больш падвышаць кошт паліва - мінімум на 9 капеек, распавялі ў эфіры тэлебачання.

Першапачаткова распрацоўшчыкі праекта ўказа паставілі тэрмін - 1 красавіка, каб да наступу дачнага сезона тыя, хто карыстаецца аўтамабілямі ў асноўным у цёплы час года, засталіся задаволеныя. Але праект выклікаў рэзананс, і таму ўсе плюсы і мінусы вырашылі ўзважыць яшчэ раз, і транспартны падатак ад тэхагляду пакуль так і не адвязалі.

53
Тэги:
тэхагляд

На вуліцы Мінска і абласных гарадоў выйдуць новыя электробусы відэа

13
(абноўлена 10:09 06.05.2021)
Год таму доследны ўзор электробуса МАЗ прадэманстравалі прэзідэнту. Тады Аляксандр Лукашэнка паставіў задачу вырабіць першыя 10 адзінак такой тэхнікі і паставіць у аўтапаркі краіны. Уласна, даручэнне сёння выканана. Глядзіце відэа Sputnik.

Электробус пабудаваны на базе ўжо вядомай мадэлі МАЗ-303. Іх лёгка пазнаць па каларытнай "гарбінцы" на даху, якая паўтарае сілуэт зубра.

Цяпер на сталічныя маршруты выйдуць чатыры электробусы ў кузаве МАЗ-303, яшчэ шэсць адзінак электратэхнікі адправяцца ў абласныя цэнтры.

Паколькі мадэль электробуса нізкапольная, батарэі размясцілі па ўсім даху, частка цягавых акумулятараў - у маторнай шахце. Але галоўная асаблівасць у зарадцы.

Беларускія вытворцы ўжо робяць розныя мадэлі электробусаў. Але яны працуюць на суперкандэнсатарах, пры гэтым маюць малы запас ходу і зараджаюцца на кожнай канчатковай станцыі. Электробус МАЗ працуе на начной зарадцы.

"Сутнасць у тым, што батареянакапіцелі на машыне забяспечваюць назапашванне энергіі ў межах 4-6 гадзін. Гэта дазваляе забяспечыць запас ходу электробуса ў 300 кіламетраў, інакш кажучы машына адпрацоўвае змену на маршруце і вяртаецца ў парк. А ўжо ў начны час адбываецца зарадка батарэі. І гэта выгадна - начны тарыф на электраэнергію больш танны", - распавёў намеснік дырэктара па маркетынгу прадпрыемства Уладзімір Янушка.

Сам электробус не толькі экалагічны, але і практычна бясшумны. Мае плыўны ход, а для пасажыраў у салоне працуе кандыцыянер, ёсць USB-порт для зарадкі гаджэтаў. Месца кіроўцы выглядае вельмі сучасна, уражвае панэль прыбораў - яна "віртуальная".

Тэхнікай зацікавіліся аўтапаркі ў Расіі і Украіне. Дарэчы, там ужо "ходзяць" некалькі адзінак гэтай мадэлі электробусаў.

"Мы бачым перспектывы дадзенага прадукту на рынках сумежных краін, ён добра сябе зарэкамендаваў у Кіеве, у Санкт-Пецярбургу. Гэта канкурэнтаздольны прадукт, які можа заняць цалкам добрую долю рынку", - заявіў генеральны дырэктар ААТ "МАЗ" Валерый Іванковіч.

Асноўная праблема беларускіх электробусаў - дарагоўля, да паловы кошту складае батарэя, а яна імпартная. Але ў Беларусі плануюць стварыць вытворчасць айчынных батарэй, за кошт чаго знізіць кошт электратранспарту.

Мінтранс, з улікам уводу ў поўную эксплуатацыю Беларускай АЭС, а таксама ў цэлым развіцця напрамкаў электратранспарту, не мае намеру зніжаць абароты па закупцы беларускай тэхнікі на электрацязе. А таму экалагічны грамадскі транспарт паступова заменіць амаль усю тэхніку з рухавікамі ўнутранага згарання.

Чытайце таксама:

13
Тэги:
Аляксандр Лукашэнка, МАЗ, відэа, электробус, горад, Мінск
Дзяўчынка загінула ў выніку ДТЗ у Гомелі

Машына збіла дзяцей у Гомелі, загінула дзяўчынка: СК распавёў падрабязнасці

7
(абноўлена 14:34 05.05.2021)
У рамках крымінальнай справы затрыманы 19-гадовы малады чалавек, які быў за рулём, яго вадзіцельскі стаж менш за год.

МІНСК, 5 тра - Sputnik. Следчыя распачалі крымінальную справу ў дачыненні да вінаватага ў ДТЗ, у якім загінула дзяўчынка, вадзіцель затрыманы, паведамілі ў СК.

Як устанавіла следства, учора ў 17:40 кіроўца аўтамабіля Citroen, рухаючыся па вуліцы Савецкай у Гомелі, пры ўключэнні чырвонага сігнала святлафора выехаў на скрыжаванне з вуліцай Сялянскай, дзе сутыкнуўся з аўтамабілем Nissan. Ад удару Citroen разгарнула і вынесла на тратуар, дзе ён наехаў на групу пешаходаў.

"У дачыненні да 19-гадовага вадзіцеля ўзбуджана крымінальная справа па ч.2 арт.317. Ён затрыманы. Стаж ваджэння кіроўцы Citroen складае менш за год", - паведамілі Sputnik у сераду ў УСК па Гродзенскай вобласці.

Па папярэдніх дадзеных, усе ўдзельнікі ДТЗ, у выніку якога дзяўчынка атрымала несумяшчальныя з жыццём траўмы, былі цвярозыя.

У УСК удакладнілі, што ад атрыманых цялесных пашкоджанняў 6-гадовая дзяўчынка памерла ў аўтамабілі хуткай дапамогі, які прыбыў на месца здарэння. Яе бабуля і малалетні брат пасля агляду медыкамі былі адпушчаны дадому.

Следчыя таксама ўдакладнілі, што да матэрыялаў крымінальнай справы далучаны відэазапіс здарэння з камеры вонкавага назірання. Для ўстанаўлення абставінаў і механізму здзяйснення ДТЗ прызначана правядзенне судова-медыцынскіх і аўтатэхнічных экспертыз, зрабіць якія даручана экспертам УГКСЭ па Гомельскай вобласці.

Чытайце таксама:

7
Тэги:
крымінальная справа, СК РБ, ДТЗ, Гомель, дзеці
Яўген Лук'янаў

Пасол Лук'янаў распавёў пра прыярытэты сваёй працы ў Беларусі

4
(абноўлена 12:01 13.05.2021)
У Палацы Незалежнасці сёння адбылася ўрачыстая цырымонія, падчас якой новы пасол Расіі ўручыў Аляксандру Лукашэнку даверчыя граматы.

МІНСК, 13 тра - Sputnik. У Расіі рады рашэнню беларускага боку накіраваць свой экспарт у расійскія парты на Балтыцы, сказаў журналістам у Палацы Незалежнасці пасол РФ Яўген Лук'янаў.

У адказ на пытанне, што стане прыярытэтам для пасла Расіі падчас працы ў Беларусі, дыпламат сказаў, што сканцэнтруецца "перш за ўсё на нашай плённай, узаемавыгаднай і эфектыўнай сумеснай працы".

Пры гэтым ён асабліва адзначыў, што пры прызначэнні на дыпламатычную службу ў беларускую сталіцу яму быў аказаны высокі давер, таму ён шчаслівы прадстаўляць інтарэсы Расіі ў рэспубліцы.

Яўген Лук'янаў таксама пракаменціраваў пераарыентацыю экспарту беларускіх нафтапрадуктаў на расійскія марскія парты на Балтыцы.

"Беларусь сама прыняла гэтае рашэнне. І, больш за тое, усялякае эканамічнае рашэнне заснавана перш за ўсё на эканамічных выгодах. Тут не трэба шукаць лішняй палітыкі. Бізнес, як і грошы, любіць цішыню, прадказальнасць, стабільнасць. Калі беларускім партнёрам выгадна працаваць праз парты Расійскай федэрацыі, мы будзем толькі рады", - канстатаваў кіраўнік дыпламатычнай місіі.

Чытайце таксама:

4
Тэги:
Аляксандр Лукашэнка, палац Незалежнасці, Беларусь, Яўген Лук'янаў, пасол