Фуры на мяжы

Транзітных дальнабойшчыкаў на тэрыторыі Беларусі будуць адсочваць

7
(абноўлена 10:18 27.05.2020)
Для гэтага будуць прымяняць навігацыйныя пломбы на грузавых адсеках фур транспартных кампаній, работнікі якіх ужо парушалі патрабаванні пастановы Саўміна "Аб мерах па прадухіленні завозу і распаўсюджвання інфекцыі, выкліканай каронавірусам COVID-19".

МІНСК, 27 мая - Sputnik. Шляхі руху транзітных перавозчыкаў па тэрыторыі Беларусі будуць адсочваць з дапамогай навігацыйных пломбаў, адпаведную пастанову ўрада апублікавана ў сераду на Нацыянальным прававым інтэрнэт-партале.

Такое рашэнне было прынята з мэтай прыняцця дадатковых мер па папярэджанні завозу і распаўсюджвання ў краіне COVID-19. Навігацыйныя пломбы будуць усталёўваць на грузавых адсеках фур транспартных кампаній, работнікі якіх ужо парушалі рэжым транзітных перавозак, усталяваны ў сувязі са складанай эпідэміялагічнай сітуацыяй. З іх дапамогай будуць адсочваць маршруты транзітных перавозчыкаў і захаванне імі патрабаванняў пастановы Саўміна "Аб мерах па прадухіленні завозу і распаўсюджвання інфекцыі, выкліканай каронавірусам COVID-19".

Усталёўваць навігацыйныя пломбы на грузавікі будуць час перасячэння перавозчыкам беларускай мяжы. Гэта даверана мытнікам ці нацыянальнаму аператару сістэмы адсочвання. Здымаць прылады будуць пры выездзе з тэрыторыі Беларусі.

Пры гэтым мытнікі змогуць часова прыбіраць навігацыйныя пломбы, а потым зноў ўсталёўваць іх у выпадку, калі трэба правесці агляд фуры. Звесткі пра гэта будуць уносіцца ў базу дадзеных. Уся інфармацыя аб рухах грузаперавозчыка будзе захоўвацца на працягу двух месяцаў.

Паслуга па ўстаноўцы навігацыйных пломбаў будзе платнай. За адзін аўтамабіль транспартным кампаніям прыйдзецца заплаціць тры базавыя велічыні (81 рубель). Пры гэтым кошт можа змяніцца з 15 чэрвеня, калі аператар сістэмы палічыць, што выдаткі па прадастаўленні паслугі не пакрываюцца цалкам.

Дакумент уступіць у сілу праз дзесяць дзён пасля яго афіцыйнага апублікавання і будзе дзейнічаць да 30 верасня бягучага года.

7
Тэги:
Транспарт, Беларусь
Вялікагрузны транспарт

Беларусь гатовая цалкам аднавіць міжнародныя транспартныя зносіны

9
(абноўлена 09:57 01.07.2020)
Рэспубліка, па словах віцэ-прэм'ера Петрышэнкі, таксама чакае канкрэтных крокаў у гэтым кірунку ад партнёраў па СНД.

МІНСК, 1 ліп - Sputnik. Беларусь ужо гатовая цалкам аднавіць міжнароднае транспартнае паведамленне, заявіў віцэ-прэм'ер рэспублікі Ігар Петрышэнка.

Па дадзеных прэс-службы Саўміна, у аўторак адбылося пасяджэнне Эканамічнага савета СНД, якое прайшло ў відэафармаце.

"Беларусь гатовая да поўнамаштабнага аднаўлення міжнародных транспартных зносін, дзелавых і турыстычных сувязяў. У сваю чаргу, хацелася б бачыць адпаведныя канкрэтныя крокі і з боку ўсіх нашых партнёраў па Садружнасці", - сказаў Петрышэнка.

Ён таксама звярнуў увагу, што з моманту пачатку пандэміі COVID-19 Беларусь сістэмна маніторыць сітуацыю і прымае комплексныя меры рэагавання на наяўнае становішча.

Петрышэнка паведаміў, што абраны рэспублікай шлях барацьбы з каронавірусам дазволіў, не зачыняючы межаў, мінімізаваць негатыўныя наступствы пандэміі і для беларускай эканомікі, і для грамадства.

Сусветная арганізацыя аховы здароўя на пачатку сакавіка абвясціла ўспышку COVID-19 пандэміяй. Паводле апошняй інфармацыі, у свеце ўжо выяўлены больш за 10 мільёнаў выпадкаў заражэння, каля паўмільёна чалавек памерлі. У Беларусі па стане на 30 чэрвеня колькасць зарэгістраваных выпадкаў інфікавання склала 62118, памерлі 392 чалавекі.

9
Тэги:
Ігар Петрышэнка, Беларусь
Участак мяжы Беларусі і Расіі на трасе М1

Трасу М1 зробяць аўтамагістраллю еўрапейскага ўзроўню

13
(абноўлена 15:28 24.06.2020)
У бліжэйшыя дзесяць гадоў плануецца правесці маштабную рэканструкцыю дарогі, якая з'яўляецца часткай еўрапейскага маршруту.

МІНСК, 24 чэр - Sputnik. Трасу М1 Брэст - Мінск - мяжа Расійскай Федэрацыі зробяць аўтамагістраллю еўрапейскага ўзроўню, пра гэта паведаміў у сераду галоўны інжынер ДП "Белгіпрадар" Пётр Неўмяржыцкі.

Паводле яго слоў, гэта ўжо абмяркоўвалася ў Міністэрстве транспарту. "Было прынята рашэнне падрыхтаваць інвестыцыйны праект па рэканструкцыі аўтамабільнай дарогі М1/Е30 Брэст - Мінск - мяжа Расійскай Федэрацыі пад аўтамагістраль, якая будзе забяспечваць бесперабойны рух транспарту. Яе правядуць па ўсіх еўрапейскіх нормах. Інвестыцыйны праект будзе вялікім, я думаю, ён будзе разлічаны да 2030 года", - цытуе галоўнага інжынера БелТА.

Пры рэканструкцыі дарогі будзе створана сістэма бяспекі, якая не дазваляе жывёлам выбягаць на дарогу. Акрамя таго, пасля заканчэння работ па трасе забароняць рух нізкахуткаснай тэхнікі, пешаходаў і веласіпедыстаў.
Траса М1 - асноўная транзітная аўтадарога ў Беларусі. Яна з'яўляецца часткай еўрапейскага маршруту E30 і пан'еўрапейскага транспартнага калідора II Берлін-Ніжні Ноўгарад.

Гэтую аўтадарогу будавалі да Маскоўскай Алімпіяды, таму яе часта называюць "Алімпійскай". І гэта нягледзячы на тое, што да 1980 года быў пабудаваны толькі ўчастак мяжа СССР - матэль "Мінскі". Участак Брэст - Кобрын быў завершаны яшчэ да 1975 года, а ўчастак Кобрын - Бяроза - пасля 1980 года.

13
Тэги:
Расія, Беларусь
Паэтычны батл Вершус прайшоў у Мінску

Тэст: адгадай Колас ці Купала?

433
(абноўлена 10:05 10.07.2020)
Нягледзячы на тое, што вершы двух песняроў беларускай зямлі добра вядомыя кожнаму школьніку, іх даволі часта блытаюць.

Якуб Колас і Янка Купала – дзве асобы, з якімі, сапраўды, асацыюецца беларуская паэзія. Абодва яны шчыра спачувалі нядолі роднай зямлі, абодва заклікалі працаваць, вучыцца і любіць Беларусь і беларускую мову. Вершы, паэмы і празаічныя творы Янкі Купалы і Якуба Коласа добра вядомыя кожнаму беларусу са школы.

Ці зможаце вы пазнаць радкі з вядомых твораў паэтаў – або, калі не памятаеце, паспрабаваць пазнаць стыль?

433
Тэги:
Вершы, тэст, Якуб Колас, Янка Купала
Тэмы:
Беларуская літаратура
По теме
Тэст: ці ведаеце вы беларускія прыказкі
Тэст: ці пазнаеце вы беларускія фразеалагізмы па эмодзі?
Тэст: ці добра вы ведаеце беларускія фразеалагізмы?
Тэст: пазнай Міцкевіча на партрэце
Тэст: якія беларускія творы схаваліся за эмодзі
Тэст: Багдановіч ці не?