Улады Мінска хочуць больш платных парковак у цэнтры сталіцы
(абноўлена 16:52 23.02.2021)
У гэтым годзе адкрыюць яшчэ дзве пляцоўкі для ўладальнікаў аўто. Sputnik даведаўся, дзе менавіта і чаму працэс ідзе не так хутка.МІНСК, 23 лют – Sputnik. Мінгарвыканкам патрабуе больш актыўна ўносіць прапановы па абсталяванні платных парковак у сталіцы.
Сёння ў Мінску працуюць пяць такіх месцаў, распавёў Sputnik намеснік генеральнага дырэктара ГА "Гаражы, аўтастаянкі і паркоўкі" Пётр Пруднікаў.
"Гэта агароджаныя шлагбаўмам тэрыторыі з паркаматамі: паркоўка ў Верхнім горадзе, каля рэстарана "Лідо" каля ЦУМа, па вуліцы Гікала, па вуліцы Талбухіна ад уезду з праспекта Незалежнасці і па вуліцы Харужай (насупраць дамоў-"кукуруз").
Усе паркоўкі запатрабаваныя. Іх стварэнне эканамічна абгрунтавана. І ўжо сябе апраўдала", - адзначыў ён.
Новыя платныя паркоўкі ў Мінску
У гэтым годзе, распавёў суразмоўца, у цэнтры сталіцы адкрыюцца яшчэ дзве платныя паркоўкі - на вуліцы Кірава, 8 (умяшчальнасцю да 90 машын) і ў раёне вуліцы Замкавай (на 250 аўто).
Першую абсталююць за кошт прыцягнутых інвестыцый. Другую - за кошт бюджэту.
Аплату за карыстанне паркоўкамі плануюць зрабіць бескантактавай, праз мадэрнізаваныя паркаматы. Дарэчы, падобная сістэма ўжо працуе на паркоўцы ў Верхнім горадзе.
Абсталяванне для парковак пакуль імпартнае. Але тэхнічнае начынне - айчыннае.
©
Sputnik / Владимир Горовых
"Роўна як і абслугоўванне: для выбару кампаніі, якая абслугоўвае, праводзім спецыяльныя таргі", - распавёў Sputnik Пётр Пруднікаў.
Спецыяліст патлумачыў: каб паркоўка адкрылася, трэба вывучыць некалькі топавых паказчыкаў. Замовіць так званы "пашпарт паркоўкі". Перш за ўсё, высвятляць экалагічную бяспеку будучай пляцоўкі, далей - пралічаць загружанасць дарогі, даступнасць для карыстання.
"А гэта ўсё - шэраг узгадненняў. І на гэта патрэбны час", - сказаў на заканчэнне Пруднікаў.
На яго думку, апроч іншага, важна павышаць адказнасць аўтаўладальнікаў у пытанні абавязковай аплаты за карыстанне платнымі паркоўкамі. Пакуль гэта пытанне складана назваць стоадсоткава вырашаным.
Чытайце таксама:
- Транспартны падатак: колькі беларусаў заплаціць яго ў 2021-м
- "Будзем старацца выжыць": якія перспектывы ў таксі ў Беларусі?
- Новы аўтобус МАЗ з абеззаражнікам і "антысном" выпрабуюць у Сочы
Тэги:
Адсочваць грузы стане прасцей: узгоднена прымяненне навігацыйных пломбаў
(абноўлена 14:44 21.02.2021)
Навігацыйныя пломбы выкарыстоўваюць для адсочвання транзітных перавозак тавараў, запусцілі праект на тэрыторыі Беларусі і іншых краін ЕАЭС з канца 2017 года.МІНСК, 22 лют – Sputnik. Беларусь, Казахстан, Кіргізія і Расія завяршылі ўнутрыдзяржаўнае ўзгадненне праекта пагаднення аб прымяненні ў ЕАЭС навігацыйных пломбаў для адсочвання перавозак, паведамілі ў прэс-службе Еўразійскай эканамічнай камісіі.
У паведамленні гаворыцца, што Арменіі апавяшчэнне паступала.
"З улікам дамоўленасцей бакоў падпісаць дакумент у другім квартале 2021, Арменіі рэкамендавана паскорыць унутрыдзяржаўнае ўзгадненне праекта пагаднення", - адзначылі ў прэс-службе.
Астатнім краінам было прапанавана дапрацаваць дакумент з улікам заўваг і прапаноў.
Наступная нарада павінна прайсці 17 сакавіка. Старшыня Калегіі ЕЭК Міхаіл Мясніковіч падкрэсліў, што без гэтага дакумента складана вырашаць пытанне перамяшчэння тавараў.
Што такое навігацыйныя пломбы?
Навігацыйныя пломбы выкарыстоўваюць для адсочвання транзітных перавозак тавараў. Праект пачаў укараняцца на тэрыторыі ЕАЭС з канца 2017 года і добра сябе зарэкамендаваў. Дзякуючы пломбам у рэжыме рэальнага часу можна назіраць за месцазнаходжаннем велікагрузаў. Выкарыстанне навігацыйных пломбаў спрыяе бяспечнай транспартоўцы транзітных грузаў, дазваляе зэканоміць час і пазбегнуць лішніх аглядаў.
Сістэму сачэння распрацаваў нацыянальны аператар сумесна з ДМК. Акрамя таго мытнікі дапрацавалі сваю інфармацыйную сістэму.
У Дзяржаўным мытным камітэце раней распавядалі, што для аператыўнага адсочвання маршрутаў аўтамабіляў міжнароднай перавозкі ў рэжыме рэальнага часу ўкаранёна і эфектыўна працуе сістэма маніторынгу транзіту. Пры дапамозе навігацыйных пломбаў ужо адсачылі больш за 36 тысяч перавозак. У ведамстве падкрэслілі, што пломбы падтрымліваюць розныя спадарожнікавыя сістэмы, у тым ліку і расійскую ГЛОНАСС.
Чытайце таксама:
- Краіны ЕАЭС наладзяць сумесную вытворчасць расійскай вакцыны
- Галоўчанка: краіны ЕАЭС паскораць працу над дамовай аб агульным рынку газу
- Ломавы бар'ер: у ЕЭК хочуць вярнуцца да агульнага рынку лому металаў
Тэги:
Паставіў усіх на вушы: янот схаваўся пад капот аўтамабіля - відэа
(абноўлена 16:07 21.02.2021)
Мужчына выявіў янота пад капотам каршэрынгавага аўтамабіля, прыпаркаванага ў аэрапорце "Дамадзедава". Каб вызваліць жывёлу спатрэбіліся рэкамендацыі спецыялістаў і пячэнькі. Глядзіце на відэа, як ратавалі звярка.Тэхнік адной з маскоўскіх каршэрынгавых кампаній прыехаў на паркоўку аэрапорта "Дамадзедава", каб перагнаць аўтамабіль у Маскву. Перад паездкай ён вырашыў агледзець аўто і даліць "незамярзайкі" у бачок шклоабмывальніка. Мужчына адкрыў капот і выявіў там таго, каго менш за ўсё чакаў убачыць - спалоханага янота. Звярок, верагодна, забраўся пад капот пагрэцца і заснуў. Да сустрэчы з чалавекам янот паставіўся даволі спакойна.
Мужчына не разгубіўся і патэлефанаваў на гарачую лінію дэпартамента прыродакарыстання і аховы навакольнага асяроддзя. Па тэлефоне ён атрымаў рэкамендацыі, як выбавіць жывёлу з-пад капота.
У ведамстве патлумачылі, што яноты ўсёедныя і таму гатовыя прадаць душу за пячэнькі. Гэтым мужчына і скарыстаўся. Ён купіў трохі прысмакі і прапанаваў яе жывёле, пасля чаго янот падаўся гуляць па паркоўцы.
Аднак пасля непрацяглай прагулкі ён вярнуўся пад той жа аўтамабіль. Супрацоўнікі каршэрынга арганізавалі да раніцы "дзяжурства" побач з машынай, каб янот не патрапіў пад колы іншага аўтамабіля.
Цяпер з янотам усё ў парадку, яго адвезлі ў клініку, каршэрынгавая кампанія паабяцала прасачыць за ім.
Глядзіце таксама:
- Выміраючае хобі: як мінчанін трымае галубятню - відэа
- Кіпіш на пасяджэнні: кот з незвычайнай мянушкай "працуе" чыноўнікам - відэа
- Кашмар кіроўцы: статак аленяў ледзь не растаптаў машыну - відэа
Тэги:
На самалёце і з ПЦР-тэстам: Грузія дазволіла ўезд беларусам
(абноўлена 17:27 24.02.2021)
Новы прэм'ер паведаміў, што зняў усе абмежаванні, уведзеныя з-за каронавіруса, - акрамя каменданцкай гадзіны.МІНСК, 24 лют – Sputnik. Беларусы змогуць уехаць у Грузію з 1 сакавіка, пра гэта паведаміў прэм'ер Грузіі Іраклій Гарыбашвілі.
Уехаць можна пакуль што толькі паветраным шляхам - сухапутныя межы застаюцца зачыненымі для турыстаў. Абавязковая ўмова - наяўнасць з сабой адмоўнага ПЦР-тэста.
У Грузіі таксама здымаецца вялікая частка абмежаванняў, якія раней былі ўведзены з-за каронавіруса - за выключэннем каменданцкай гадзіны. Яна дзейнічае па ўсёй краіне з 21:00 да 05:00.
Адновяць работу рэстараны, якія знаходзяцца ў закрытых памяшканнях (за выключэннем выхадных дзён), хоць ім прыйдзецца выконваць шэраг умоў і рэкамендацый.
З 25 лютага ў краіне адновіць працу міжгародні транспарт і гасцініцы ў гарналыжных курортных гарадах. З 15 сакавіка адкрыюцца спартыўныя залы, тэатры, гандлёвыя цэнтры і рынкі, з 1 сакавіка зноў пачнуць працу дзіцячыя сады і ВНУ.
Нагадаем, што абмежаванні былі ўведзены ў краіне з-за пандэміі каронавіруса. Уехаць у яе маглі з ПЦР-тэстам толькі грамадзяне краін ЕС, ад астатніх патрабавалася прадаставіць даведку аб праходжанні поўнага курса вакцынацыі. Зараз спісак стаў больш: да іх, акрамя Беларусі, дадаліся Расія, Арменія, Азербайджан, Украіна і Казахстан.
За ўвесь перыяд пандэміі каронавіруса ў Грузіі былі зафіксаваны 269 438 выпадкаў заражэнняў, памерлі 3 463 чалавекі. Вакцынацыю ад каронавіруса ўлады плануюць пачаць у сакавіку.
Дзе ў Мінску можна здаць ПЦР-тэст для паездкі за межы рэспублікі - можна прачытаць тут.
Чытайце таксама:
- Белавія з 19 лютага пачынае выконваць рэйсы ў Дубай
- Не толькі Масква: Беларусь і Расія аднаўляюць авіязносіны
- У 2025 годзе Беларусь павінна наведаць у 2 разы больш турыстаў, чым у 2020-м
Тэги:
Тэмы: