Сом

Сома нельга лавіць з 31 мая

8
(абноўлена 10:46 01.06.2015)
Незаконная здабыча адной асобіны сома падчас забароны абыйдзецца парушальнікам у 2 мільёны 160 тысяч рублёў.

МІНСК, 30 мая-Sputnik. Забарона на лоўлю сома ўводзіцца з 31 мая ва ўсіх рэгіёнах Беларусі, паведамілі Sputnik ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.

Абмежаванні звязаны з пачаткам нерасту ў дадзенага віду: самы буйны драпежнік беларускіх вадаёмаў адкладае ікру пазней асноўнай масы веснавых нераст рыб —  калі вада добра прагрэецца.

"Згодна з апошняй рэдакцыяй Правілаў вядзення рыбалоўнай гаспадаркі і рыбалоўства забарона на вылаў сома усталёўваецца двойчы ў год. У вясенне-летні перыяд ён дыферэнцыраваны па рэгіёнах. У паўднёвых абласцях рэспублікі — Брэсцкай і Гомельскай — абмежаванні ўжо пачалі дзейнічаць з 19 мая і працягнуцца да 20 чэрвеня. На астатняй тэрыторыі забарона будзе ўсталявана з 31 мая па 1 ліпеня", —  сказалі ў Дзяржінспекцыі.

 Там таксама падкрэслілі, што сом —  не толькі важная прамысловая рыба, але і "моцнае" звяно ў харчовым ланцужку вадаёма. "Яго называюць біямеліаратарам, таму што ён спажывае хворую і загінулую рыбу, падтрымліваючы тым самым чысціню воднага асяроддзя", — адзначылі ў ведамстве.

 Па словах інспектараў, у той жа час сом застаецца прывабным трафеем для браканьераў, якія для яго вылаву выкарыстоўваюць не толькі забароненыя прылады, але і выбуховыя рэчывы. У Дзяржінспекцыі нагадалі, што незаконная здабыча адной асобіны сома падчас забароны абыйдзецца парушальнікам у 2 мільёны 160 тысяч рублёў. Акрамя таго, на іх будзе накладзены адміністрацыйны штраф —да 50 базавых велічынь, а ў выпадку калі шкода ад нелегальнай рыбалкі складзе 100 і больш базавых велічынь, можа быць распачата крымінальная справа.

8
Каментары