Дождж

Сіноптыкі распавялі пра надвор'е ў апошнія дні чэрвеня

15
Паводле інфармацыі метэаролагаў, паветра ў апошнія чэрвеньскія выходныя было на 3-10°С цяплей за кліматычную норму.

МІНСК, 27 чэр — Sputnik. Надвор'е ў апошнія дні чэрвеня чакаецца цёплае і дажджлівае, паведамілі Sputnik у Гідраметэацэнтры Беларусі.

Спякота ўсталявалася ў рэспубліцы на мінулым тыдні. Як сцвярджаюць сіноптыкі, кліматычная норма была перавышана па Беларусі на 3-10°С. У шэрагу рэгіёнаў былі пастаўленыя новыя тэмпературныя рэкорды.

Тэмпература паветра трохі сыдзе на бягучым тыдні. У панядзелак на большай частцы тэрыторыі рэспублікі пройдуць кароткачасовыя дажджы, навальніцы, месцамі моцныя ліўні і град. Тэмпература паветра будзе вагацца ад +23 да + 33°С.

У аўторак чакаецца пераменная воблачнасць. Пераважна без ападкаў, толькі па ўсходзе кароткачасовыя дажджы, навальніцы, месцамі моцныя ліўні, у дзённыя гадзіны ў асобных раёнах град. Вецер паўночны, паўночна-заходні, умераны, пры навальніцах месцамі шквалісты.

Тэмпература паветра мінімальная ўначы +12…17°С, па паўднёвым усходзе + 18…20°С, максімальная днём ад + 20°С па поўначы да + 28°С па поўдні.

У сераду ў Беларусі распаўсюдзіцца вобласць павышанага атмасфернага ціску. Ападкі чакаюцца па ўсходзе рэспублікі — кароткачасовыя дажджы і навальніцы. Тэмпература паветра мінімальная ноччу +12…19°С, максімальная днём +22…29°С.

У апошні дзень чэрвеня па рэспубліцы пройдуць кароткачасовыя дажджы, прагрымяць навальніцы. Тэмпература паветра мінімальная ўначы +12…18°С, максімальная днём +25…30°С, па паўднёвым захадзе да +32°С.

15
Тэги:
Анамаліі надвор'я, Прагноз надвор'я, Гідраметэацэнтр Рэспублікі Беларусь, Беларусь
Каментары