Кроплі на павуцінні

Гідрамет: у аўторак чакаюцца моцныя залевы

12
(абноўлена 10:53 02.08.2016)
Днём тэрмометры пакажуць не больш за +26°С, у Мінску прагназуецца без істотных ападкаў.

МІНСК, 2 жні — Sputnik. Неспрыяльныя ўмовы надвор'я чакаюцца ў Беларусі ў аўторак 2 жніўня — месцамі па рэспубліцы прагрымяць навальніцы, якія будуць суправаджацца моцнымі залевамі, паведамілі Sputnik у Рэспубліканскім цэнтры па гідраметэаралогіі, кантролі радыёактыўнага забруджвання і маніторынгу навакольнага асяроддзя.

Раней сіноптыкі прагназавалі, што жнівень пачнецца з дажджлівага надвор'я: самыя моцныя дажджы пройдуць на пачатку першага тыдня, прынясуць іх актыўныя атмасферныя франты з Заходняй Еўропы.

"У аўторак 2 жніўня днём па ўсходзе рэспублікі чакаюцца навальніцы, пры навальніцах месцамі моцныя залевы і шквалістае ўзмацненне ветру парывамі да 15-20 м/с", — сказалі ў Гідраметцэнтры.

Там таксама паведамілі, што ў Мінску днём будзе без істотных ападкаў.

Паводле дадзеных сіноптыкаў, максімальная тэмпература паветра днём у аўторак па краіне складзе +20…26°С.

12
Тэги:
Прагноз надвор'я, Надвор'е, Гідраметэацэнтр Рэспублікі Беларусь, Дзмітрый Рабаў, Беларусь
Каментары