Посадка лесу

Мінлясгас кліча беларусаў саджаць лес пасля ліпеньскага ўрагану

26
(абноўлена 14:28 30.08.2016)
Акцыя "Аднавім лясы разам!" пройдзе 10 верасня: добраахвотнікаў абяцаюць забяспечыць саджанцамі і прыладамі працы.

МІНСК, 30 жні — Sputnik. Міністэрства лясной гаспадаркі Беларусі заклікае грамадзян узяць удзел у акцыі па ўзнаўленні лясоў пасля ўрагану, які прайшоў па тэрыторыі рэспублікі ў ліпені бягучага года, паведамілі Sputnik у аўторак у прэс-службе ведамства.

Разбуральны ўраган пранёсся па тэрыторыі рэспублікі 12-13 ліпеня: тады без электразабеспячэння засталіся сотні населеных пунктаў, вецер зрываў дахі з дамоў і пашкоджваў аўтамабілі. Асноўны ўдар стыхіі прыйшоўся на лясныя масівы: па дадзеных міністэрства, пашкоджаным апынуўся лес на плошчы ў 12,8 тысячы гектараў. "Лесаводы рэспублікі робяць усё, што магчыма, і нават больш. Дзень і ноч не спыняецца праца на пашкоджаных участках: тэхніка, людзі — ўсе сілы кінутыя на ліквідацыю наступстваў. На апрацаваных участках ужо пачалася падрыхтоўка глебы пад лесааднаўленне", — сказалі ў міністэрстве.

Там таксама паведамілі, што лесаводы рэспублікі звяртаюцца па дапамогу да грамадзян i просяць дапамагчы пасадзіць новыя дрэвы наўзамен зламаным — адмыслова для гэтага міністэрства правядзе 10 верасня рэспубліканскую добраахвотную акцыю "Аднавім лясы разам!", у межах якой усе жадаючыя змогуць прыйсці на пашкоджаны ўчастак і пасадзіць саджанцы.

Паводле дадзеных Мінлясгаса, ужо ў бліжэйшы час будуць вызначаныя ўчасткі для пасадак, а лесагаспадарчыя аб'яднанні падрыхтуюць для ўдзельнікаў акцыі пасадачны матэрыял. Рэгістраваць добраахвотнікаў пачнуць 5 верасня ва ўсіх абласных лясгасах.

Раней Sputnik у міністэрстве паведамілі, што больш за ўсё ад урагану пацярпела Мінскае ДВЛГА — там вецер паваліў лес на больш чым 11 тысячах гектараў. Сярод пацярпелых рэгіёнаў апынулася таксама Віцебшчына (Аршанскі і Талачынскі лясгасы), а таксама Гомельская вобласць (Мазырскі лясгас).

26
Тэги:
Міністэрствы і ведамствы, Міністэрства сельскай гаспадаркі РБ, Беларусь

Пінгвінам у заапарку наладзілі пенную вечарыну - відэа

7
(абноўлена 18:03 23.02.2021)
Пінгвінам Маскоўскага заапарка прапанавалі гульню з мыльнымі пузырамі. Незвычайная забава злёгку здзівіла птушак, але яны хутка ўвайшлі ў густ і сталі ўзбуджана клекатаць. Глядзіце на відэа, як забаўляюцца пінгвіны.

Кіперы папуанских пінгвінаў з Маскоўскага заапарка вырашылі зацікавіць жывёл новай актыўнасцю - гульнёй з мыльнымі пузырамі. На кадрах бачна, як птушкі спачатку назіраюць за незвычайнай для іх з'явай, аднак неўзабаве ўваходзяць у густ і прымаюцца лавіць і лопаць мыльныя пузыры дзюбамі, усім сваім выглядам дэманструючы, што забава прыйшлася ім па душы.

У прэс-службе заапарка адзначылі, што мыльныя пузыры з'яўляюцца "папулярным узбагачэннем асяроддзя пражывання жывёл". Падобнае выкарыстоўваюць у шматлікіх заапарках свету. Пузыры не прадстаўляюць пагрозы птушкам і служаць ім выдатнай забаўкай.

Жывучы ў заапарку, пінгвінам не патрабуецца хавацца, праяўляць асцярожнасць і спрыт, каб выжыць. Ім становіцца сумна, калі "яны не маюць магчымасці праявіць свае ўнікальныя відавыя здольнасці", яны адчуваюць ад гэтага дыскамфорт. Таму заолагі і кіперы ўзбагачаюць асяроддзе пражывання жывёл, уключаючы ў яго новыя гульні, камунікацыі, пахі, прадметы.

Глядзіце таксама:

7
Тэги:
Птушкі, Маскоўскі заапарк, заапарк

Як буксіры працуюць на вызваленні ад лёду ваенна-марской базы - відэа

10
(абноўлена 18:29 23.02.2021)
Караблі дапаможнага флоту прыступілі да абколвання лёду ў акваторыі Балтыйскай ваенна-марской базы. Глядзіце на відэа, як працуюць буксіры.

Рэйдавым буксірам новага пакалення пастаўлена задача - вызваліць ад лёду пункты базіравання караблёў Балтфлота, паведамляе Мінабароны Расіі.

"Дзякуючы сваім манеўраным якасцям і тэхнічным магчымасцям яны (буксіры - Sputnik) здольны ламаць лёд да 50 сантыметраў", - гаворыцца ў паведамленні ваеннага ведамства.

У роліку Мінабароны відаць, як дапаможныя караблі манеўруюць паміж баявымі судамі, займаючыся расколваннем лёду. Капітанам буксіраў неабходна ювелірная дакладнасць - часам даводзіцца рухацца літаральна борт-у-борт з прышвартаванымі ваеннымі караблямі і іншымі судамі.

Глядзіце таксама:

10
Тэги:
Міністэрства абароны РФ, відэа, флот, лёд
Які сёння дзень: 26 лютага

Які сёння дзень: 26 лютага 2021 года

0
(абноўлена 17:29 21.02.2021)
Гэты дзень з'яўляецца пяцьдзесят сёмым па грыгарыянскім календары, таму да канца года засталося 308 дзён.

Якія падзеі адбыліся 26 лютага і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 лютага

  • У 1932 годзе ў Мінску пачала выдавацца газета "Літаратура і мастацтва".
  • У 1992 годзе Беларусь і Фінляндыя ўстанавілі дыпламатычныя адносіны.

Хто нарадзіўся 25 лютага

  • 1912 год: Уладзімір Карпаў, беларускі пісьменнік.
  • 1918 год: Пётр Машэраў, кіраўнік Беларускай ССР.
  • 1929 год: Георгій Колас, беларускі пісьменнік.

Таксама сёння нарадзіліся французскі пісьменнік Віктор Гюго і рускі пісьменнік Аляксандр Праханаў.

26 лютага ў народным календары

Сёння праваслаўныя вернікі шануюць памяць вялебнага Марцініана Палесцінскага, якога ў народзе называюць Мартын, і Стэфана Неманя, або ў народзе – Сцяпана.

Святому Мартыну моляцца пра збаўленне ад спакусаў, асабліва – жаночых. Таксама гэты дзень лічыўся добрым, каб прыбраць у хаце – гэта абяцала дабрабыт і ўдачу ў справах.

Калі снег у гэты дзень пачаў раставаць, вясна будзе цёплая. Пахмурны дзень, наадварот, абвяшчае пра познюю і халодную вясну.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей