МІНСК, 12 вер — Sputnik. Цёплае сухое надвор'е захаваецца ў Беларусі да канца тыдня, толькі ў выходныя дні ў асобных раёнах краіны пройдуць невялікія дажджы, паведаміў Sputnik у пятніцу начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыёактыўнага забруджвання і маніторынгу навакольнага асяроддзя Дзмітрый Рабаў.
Скандынаўскі антыцыклон, сфарміраваны ў больш прахалоднай паветранай масе, будзе фарміраваць надвор'е ў Беларусі на гэтым тыдні.
"Да канца працоўнага тыдня чакаецца пераважна без ападкаў, толькі ў пятніцу днём па паўночным усходзе магчымы невялікія кароткачасовыя дажджы. Уначы і раніцай у асобных раёнах туман", — паведаміў Рабаў.
Паводле яго слоў, у аўторак, 13 верасня, тэмпература паветра ўначы складзе +10…15°С, па паўночным усходзе месцамі +6…9°С. Днём будзе горача — да +24°С, па паўднёвым захадзе слупок тэрмометра падымецца да +28°С.
У сераду, паводле прагнозащ сіноптыкаў, тэмпература крыху панізіцца.
"Уначы +5…12°С, у паўночна-ўсходніх раёнах месцамі +2…4°С; днём +14…21°С, па паўднёвым захадзе +22…24°С", — растлумачыў Рабаў.
На наступны дзень, 15 верасня, надвор'е асабліва не зменіцца. "Уначы +3…10°С, у паўночна-ўсходніх раёнах на глебе месцамі слабыя замаразкі да 0…-2°С; днём +14…21°С, па паўднёвым захадзе +22…24°С", — распавёў Рабаў.
Суразмоўца агенцтва дадаў, што ў пятніцу на тарфяніках Палесся магчымы невялікія замаразкі да 0…-2°С.
"Днём +18…25°С, па паўночным усходзе +15…17°С", — прадоўжыў Рабаў.
"У выходныя дні на фоне высокага атмасфернага ціску будуць праходзіць малаактыўныя атмасферныя франты і прынясуць у асобныя раёны краіны кароткачасовыя дажджы. Уначы і раніцай месцамі туман. Ноччу +5…12°С, месцамі +2…4°С; днём ад +13°С па паўночным усходзе да +23°С па паўднёвым захадзе", — сказаў ён.
Сіноптык звярнуў увагу, што сярэдняя дэкадная тэмпература паветра па Беларусі чакаецца на два-чатыры градусы вышэй за кліматычную норму (норма +11…13°С).
