МІНСК, 27 сне — Sputnik. Надвор'е ў Беларусі ў бліжэйшыя дні будзе вызначаць цыклон Barbara, які прынясе ў краіну дождж і мокры снег, паведаміў Sputnik у аўторак начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
Раней сіноптыкі паведамілі, што ў навагоднюю ноч будзе спакойнае надвор'е, а зіма да канца года ў рэспубліку не прыйдзе.
"Цыклон Barbara сёння прынясе на большую частку тэрыторыі рэспублікі вецер парывамі да 15-20 м/с, па Брэсцкай і Гродзенскай абласцях — да 22 м/с, які будзе суправаджацца ападкамі ў выглядзе снегу, мокрага снегу і дажджу", — распавёў Рабаў.
Паводле яго слоў, у сераду парывісты вецер захавацца на большай частцы тэрыторыі краіны. "У многіх раёнах снег. На асобных участках дарог галалёдзіца", — працягнуў Рабаў.
Паводле прагнозаў сіноптыка, тэмпература на працягу сутак будзе вагацца ад —4 да +1°С. "Далей, з ростам атмасфернага ціску, надвор'е палепшыцца: вецер сціхне і ападкаў стане менш, а тэмпература крыху панізіцца", — сказаў на заканчэнне спецыяліст.
