Вярба

Гідрамет пра надвор'е ў панядзелак 6 сакавіка: магчымы дождж і +10°С

5
(абноўлена 11:35 06.03.2017)
Сіноптыкі папярэджваюць, што па паўночным захадзе Беларусі ў асобных раёнах чакаюцца моцныя дажджы.

МІНСК, 6 сак — Sputnik. Цёплае надвор'е захаваецца ў Беларусі ў панядзелак 6 сакавіка, але магчымыя ападкі ў выглядзе дажджу, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.

"Будзе воблачна з праясненнямі, на большай частцы тэрыторыі ападкі, у асноўным дождж, у паўночных раёнах — з мокрым снегам", — сказалі ў Гідрамеце.

Сіноптыкі таксама ўдакладнілі, што па паўночным захадзе Беларусі ў асобных раёнах чакаюцца моцныя дажджы.

Паводле інфармацыі суразмоўцаў Sputnik, вецер будзе паўднёва-усходняга кірунку, умераны, а максімальная тэмпература паветра днём складзе +6..+12°С, па паўднёвым усходзе рэспублікі — да +14°С, у паўночных раёнах —0..+5°С.

У Мінску, паводле звестак Гідрамета, днём пройдзе дождж, а тэрмометры пакажуць +8..+10°С.

5
Тэги:
Прагноз надвор'я, Надвор'е, Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя, Беларусь
Каментары