МІНСК, 25 сак — Sputnik. Халаднаватае надвор'е захаваецца ў Беларусі ў суботу 25 сакавіка, чакаецца, што на большай частцы тэрыторыі краіны пройдуць ападкі, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Раней сіноптыкі абяцалі, што дрэннае надвор'е будзе як мінімум да панядзелка 27 сакавіка, затым у Беларусь пачне паступаць цёплае паветра з Польшчы.
"У суботу будзе воблачна з праясненнямі, на большай частцы тэрыторыі Беларусі пройдуць ападкі — мокры снег і дождж", — сказалі ў Гідрамеце.
Там таксама паведамілі, што вецер будзе пераменных напрамкаў, умераны, а ў паўночна-заходніх рэгіёнах краіны — парывісты.
Паводле інфармацыі Гідрамета, максімальная тэмпература паветра ўдзень у краіне складзе ад +2°C па паўночным усходзе Беларусі да +9°C па паўднёвым захадзе.
У Мінску таксама пройдзе мокры снег з дажджом, а тэрмометры пакажуць ад +3 да + 5°C.
