Арол-магільнік (Aquila heliaca)

Пад Магілёвам выявілі рэдкага арла-магільніка

67
(абноўлена 11:25 24.05.2017)
Магільнік, або імператарскі арол, унесены ў Міжнародны Чырвоны спіс як від, які знаходзіцца пад пагрозай знікнення. Колькасць віду па ўсёй Еўропе зніжаецца.

МІНСК, 24 мая — Sputnik. У аграгарадку Вішоў Бялыніцкага раёна Магілёўскай вобласці 22 мая быў заўважаны рэдкі для Беларусі арол-магільнік, паведамілі ў прэс-службе "Аховы птушак Бацькаўшчыны".

Бліжэйшыя да нас месцы гнездавання гэтага рэдкага арла — у Цэнтральнай Украіне. Чаму дарослая птушка падалася на поўнач — невядома. Але птушка здзейсніла вымушаны прыпынак пад Магілёвам. Арла сфатаграфавалі, вызначылі від і аказалі дапамогу.

Як распавялі ў АПБ, птушку заўважылі на школьным стадыёне — яна некалькі гадзін прасядзела ў кустарніку. Каб вызначыць, што гэта за птушка, за дапамогаю звярнуліся да настаўніцы біялогіі Алены Варапаевай.

"Як можна было прайсці міма? Жывая птушка ў бядзе! Праўда, я амаль страціла надзею, пакуль абтэлефанавала дзясяткі нумароў. Тэлефанавала ў мясцовую інспекцыю прыродных рэсурсаў, у лясгас, у Заасад, але нідзе мне не давалі канкрэтнага адказу. У роспачы я патэлефанавала ў 101. МНС звязаліся з Магілёвам, сталі ўдакладняць. Час ішоў, птушка спалохалася і сышла ў кусты, потым выйшла грэцца на сонцы. Я стала падключаць знаёмых, яны звярнуліся на тэлебачанне. Потым я ўспомніла пра АПБ, патэлефанавала і адправіла фота. Там хутка вызначылі: перад намі — магільнік, вельмі рэдкая птушка. Так што выратаваць яе трэба было абавязкова", — расказала настаўніца біялогіі.

Птушку адлавілі супрацоўнікі Магілёўскай міжраённай інспекцыі аховы жывёльнага і расліннага свету і работнікі Магілёўскага Заасада. Арла адвезлі ў заасад, дзе ён пакуль жыве ў загоне для курэй. Работнікі кажуць, што птушка хутка з'ела усю ежу, якая была ў загоне, а таксама піла шмат вады. Там лічаць, што птушка здаровая, але аслабленая.

Магільнік, або імператарскі арол, унесены ў Міжнародны Чырвоны спіс як від, які знаходзіцца пад пагрозай знікнення. Колькасць віду па ўсёй Еўропе зніжаецца.

67
Тэги:
Прырода, Птушкі, Ахова птушак Бацькаўшчыны, Магілёўская вобласць
По теме
У Белавежскай пушчы заўважылі рэдкую для Беларусі белашчокую казарку
Людзі пад парасонам на лясной дарозе

Забарона на наведванне лясоў цалкам знятая ў Беларусі

9
(абноўлена 09:21 02.06.2020)
Яшчэ ў панядзелак абмежаванні дзейнічалі ў некаторых раёнах Мінскай і Гродзенскай абласцей, аднак з-за дажджоў сітуацыя змянілася.

МІНСК, 2 чэр - Sputnik. Забаронуа на наведванне лясоў цалкам адмянілі ў Беларусі, пра гэта паведамілі ў міністэрстве лясной гаспадаркі.

Па дадзеных на 1 чэрвеня забароны на наведванне лясоў дзейнічалі ў 19 раёнах Мінскай і Гродзенскай абласцей. Аднак ужо да вечара панядзелка было прынята рашэнне зняць іх.

"У Беларусі прайшлі дажджы, і пажаранебяспечная абстаноўка стабілізавалася, знізіўся клас пажарнай небяспекі. Так што цяпер няма падстаў для абмежавальных мер. Райвыканкамы па хадайніцтве лесагаспадарчых устаноў аператыўна знялі абмежаванні на наведванне лясоў", - растлумачылі ў Мінлясгасе.

Абмежаванні пачалі ўводзіць у краіне ў сярэдзіне сакавіка бягучага года - на фоне сухога надвор'я і адсутнасці ападкаў. Усяго з пачатку года ў лясным фондзе Мінлясгаса адбылося 737 выпадкаў узгарання. Агульная плошча пажараў склала больш як 6,3 тысячы гектараў.

Адсочваць, у якіх раёнах наведванне лясоў трапіла пад забарону, можна з дапамогай інтэрактыўнай карты забаронаў і абмежаванняў на наведванне лясоў Мінлясгаса. Інфармацыя абнаўляецца на працягу ўсяго дня.

9
Тэги:
Міністэрства лясной гаспадаркі Рэспублікі Беларусь, Беларусь
Лужына на дарозе ў полі, архіўнае фота

Якім будзе надвор'е ў Беларусі ў чэрвені? Доўгатэрміновы прагноз

11
(абноўлена 09:33 01.06.2020)
Лета пачнецца з прахалоднага надвор'я, у некаторыя дні тэмпература будзе ніжэй за кліматычную норму, пасля чаго пачнецца пацяпленне, аднак спёкі чакаць не варта.

МІНСК, 1 чэр - Sputnik. Гарачага надвор'я не варта чакаць у першы летні месяц у Беларусі, пра гэта сведчаць дадзеныя сэрвісаў папярэдніх прагнозаў надвор'я.

Так, паводле інфармацыі Gismeteo, у першыя дні чэрвеня ў сталіцы будзе +13 .. + 15°С, аднак ужо да першых летніх выхадных паветра прагрэецца да + 21°С.

Другая дэкада будзе цёплай, але хмарнай, у асобныя дні чакаюцца моцныя ападкі. У другой палове чэрвеня, па дадзеных сэрвісу, прагназуецца пахаладанне: у сярэднім у дзённыя гадзіны будзе +14 .. + 16°С, зрэдку паветра пасля абеду стане прагравацца да +18 .. + 19°С.

Паводле дадзеных іншага сэрвісу, у сярэднім у сталіцы Беларусі ў чэрвені тэмпература паветра будзе дасягаць +17 .. + 20°С, ясных дзён будзе няшмат, але і ападкі чакаюцца толькі ў асобныя дні, пераважаць будзе пераменная воблачнасць.

Шматгадовыя дадзеныя яшчэ шэрагу рэсурсаў сведчаць аб тым, што чэрвень у Беларусі пачнецца ў гэтым годзе з прахалоднага надвор'я, у некаторыя дні тэмпература будзе ніжэй за кліматычную норму, пасля чаго пачнецца пацяпленне, аднак гарачага надвор'я ў гэтым месяцы чакаць не варта. Разам з тым, доўгатэрміновыя прагнозы нярэдка аказваюцца памылковымі.

Нагадаем, раней акадэмік, доктар геаграфічных навук, кліматолаг Уладзімір Логінаў і вядучы прагнозу надвор'я Дзмітрый Рабаў распавялі, што лета-2020 у Беларусі чакаецца цяплейшым, чым звычайна: у большасці дзён будзе стаяць спякотнае надвор'е, чакаецца недабор ападкаў, якія пацягнуць за сабой засуху і павышаную пажаранебяспеку.

11
Тэги:
Беларусь, Прагноз надвор'я
Маргелаў аб дапамозе уладаў бізнесу: мы часам не ведаем, што там напісана

Маргелаў аб дапамозе уладаў бізнесу: мы часам не ведаем, што там напісана

0
(абноўлена 15:38 02.06.2020)
Льготы Мінгарвыканкама для бізнесу, які пацярпеў з-за пандэміі каронавіруса, атрымаць не так проста, і дапамогуць яны тым, у каго бізнес "асеў" нязначна, мяркуе віцэ-старшыня Мінскага сталічнага саюза прадпрымальнікаў і работадаўцаў Віктар Маргелаў.
Маргелов о помощи властей бизнесу: мы порой не знаем, что там написано

Напярэдадні мінская мэрыя зацвердзіла пералік эканамічных відаў дзейнасці, у якіх бізнес нясе сур'ёзныя страты з-за эпідэміі COVID-19 і мае патрэбу ў падтрымцы, у прыватнасці, у шэрагу выпадкаў прадпрымальнікам будзе зніжана арэндная плата на зямлю, падатак на нерухомасць, паменшаны зямельны падатак, будзе таксама зроблены шэраг іншых мер.

Гэтыя меры часовыя, і ўжо цяпер з іх рэалізацыяй на практыцы ўзнікаюць пытанні, адзначыў у гутарцы на радыё Sputnik член Савета па развіцці прадпрымальніцтва пры прэзідэнце, сустаршыня Рэспубліканскай канфедэрацыі прадпрымальніцтва Віктар Маргелаў.

"Так, досыць шырокае кола пазначана, праўда, мы ўжо маем лісты пра тое, што нягледзячы на дэкларацыю, там дастаткова складаная працэдура атрымання гэтых прэфэрэнцыяў, паглядзім, нават калі рашэнне прынята, яшчэ не значыць, што яно будзе рэалізавана", - сказаў Маргелаў.

Што тычыцца выніковасці прынятага пакета мер для біснезаў, якія трапілі ў цяжкае становішча і ў якіх выручка ўпала ў разы, гэтыя меры не дапамогуць, патрэбныя больш дзейсныя, адзначыў суразмоўца, але цяпер вельмі складана такі пакет прымаць. Тым жа, у каго бізнес "асеў трохі", гэтыя меры цалкам дапамогуць утрымацца на плаву.

Перамовы прадпрымальніцкіх супольнасцяў з уладамі на розных узроўнях вядуцца на пастаяннай аснове, чарговыя пройдуць у бліжэйшы чацвер у рэжыме відэаканферэнцыі з міністрам эканомікі, распавёў бізнесмен.

"Зараз вядуцца перамовы больш аб тым, як тыя меры, якія прадэклараваныя, і тыя, якія ва ўказе №143 прапісаны, якім чынам іх рэалізаваць, сітуацыя ўскладняецца тым, што мы канкрэтна не ведаем, якія рыхтуюцца нарматыўныя акты, што там канкрэтна напісана, ёсць нейкая агульная размова, але змест гэтых дакументаў нам не паказваюць, у гэтым і праблема", - адзначае Маргелаў.

0
Тэги:
Мінгарвыканкам, бізнес, Беларусь